Genesa 9:26 - Xitsonga (Bibele)

²⁶ A engeta a ku: “A ku khensiwe Yehovha, Xikwembu xa Xeme, na Kanana a a ve nandza wa yena!

BIBELE Mahungu Lamanene

²⁶ Nowa a ya emahlweni a ku: “HOSI Xikwembu xa mina a xi katekise Xeme; Kanana a a ve hlonga ra yena.

Genesa 9:26 Referans Kwoze

Pisalema 144:15

Ku katekile tiko leri nga tano! Ku katekile tiko leri Yehovha nga Xikwembu xa rona!

Vaheveru 11:16

Kambe sweswi, va navela tiko ra rikwavo leri tlurisaka hi ku saseka, eka rikwavo ka le tilweni; hikwalaho Xikwembu xi nga riki na tingana hikwalaho ka vona, ni ku tivula Xikwembu xa vona, hikuva xi va lunghiserile muti.

Varhoma 9:5

hi vona lava humaka eka vatatana, lava Kriste a humeke eka vona hitlhelo ra nyama, yena la nga ehenhla ka swilo hinkwaswo, Xikwembu lexi vongiwaka hilaha ku nga heriki. Amen!

Duteronoma 33:26

“Oho Yexuruni! A nga kona la fanaka ni Xikwembu. Lexi ku tiyisaka xi ri etilweni: Evukulwini bya xona, xi tlakusiwe emapapeni.

Genesa 27:37

Kutani Isaka a hlamula a ku eka Esawu: “Waswivo, ndzi n'wi endlile hosi ya wena, ndzi n'wi nyikile vamakwavo hinkwavo va yena, va ve malandza ya yena, ndzi vuya ndzi n'wi tatisela vuswa ni vhinyo; loko u ri wena-ke, ndzi nga ku endlela yini xana, n'wananga.”

Genesa 27:40

U ta hanya hi fumu ra wena, u va nandza wa makwenu. Kutakuloko u phonyokile, u ta tshova mpingu wa yena enhan'wini ya wena.”

Genesa 14:20

a ku katekisiwe Xikwembu xa le henhlahenhla lexi nyiketeke valala va wena evokweni ra wena.” Kutani Abrama a n'wi pambulela ku avanyisa ka khume ka hinkwaswo.

Genesa 24:27

“A ku khensiwe Yehovha Xikwembu xa n'wini wa mina Abrahama, loyi a nga rhutelangiki ku hlayisela n'wini wa mina tintswalo ta yena, ni ku tshembeka ka yena. Na mina, Yehovha u ndzi fambisile endleleni ya mina, ekaya ka vamakwavo va n'wini wa mina.”

Genesa 27:29

Matiko a ma ku tirhele, tinxaka ti ku khinsamela. U va hosi ya vamakwenu, ni vana va mana wa wena a va ku khinsamele! A ku rhuketeriwe loyi a nga ta ku rhuketela! Ku katekisiwa loyi a nga ta ku katekisa!”

1 TIHOSI 9:21

vana va vona lava seleke endzhaku ka vona etikweni (hikuva vana va Israele va tsandzekile ku va herisa), Solomoni a va lerisa ku va tirhisa mitirho ku fika namuntlha.

Yoxuwa 9:23

Sweswi, mi rhuketeriwile; mi nga ka mi nga tshiki ku va makhumbi, mi va vapandzeri va tihunyi ni vaki va mati va yindlu ya Xikwembu xa mina.”

Vaavanyisi 1:28

Kuteloko Vaisraele va kumile matimba, va luvisa Vakanana, kambe va tsandzeka ku va hlongolela makumu.