Genesa 9:19 - Xitsonga (Bibele)

¹⁹ Hi volavo vana lavanharhu va Nowa, kutani hi vona lava misava hinkwayo yi nga tala vanhu ha vona.

BIBELE Mahungu Lamanene

¹⁹ Lava hi vona vana vanharhu va Nowa; eka vona ku humile vanhu hinkwavo lava tateke misava.

Genesa 9:19 Referans Kwoze

Genesa 8:17

Humesa ni swiharhi hinkwaswo leswi nga na wena, swa nyama yin'wana ni yin'wana, hambi ti ri tinyanyana, hambi swi ri swifuwo, ni swikokovi hinkwaswo leswi fambaka emisaveni, swi va swi tala emisaveni, swi tswalana ni ku engeteleka emisaveni.”

Genesa 5:32

Nowa, loko a ri munhu wa malembe ya ntlhanu wa madzana, a kuma Xeme na Hamu na Yafeta.

Genesa 9:1

Kutani Xikwembu xi katekisa Nowa ni vana va yena, xi ku eka vona: “Tswalanani, mi andza, mi tata misava.

Genesa 9:7

Kambe n'wina, tswalanani mi andza, mi tala ni ku engeteleka emisaveni.”

Genesa 9:20

Kavaloko Nowa a sungula ku rima misava, ni ku byala vhinya.

Genesa 10:1

Vatukulu va vana va Nowa hi volavo: Xeme, na Hamu, na Yafeta; kutani va kume vana va vavanuna endzhaku ka ndhambi.