Genesa 9:15 - Xitsonga (Bibele)

¹⁵ kutani ndzi ta tsundzuka ntwanano wa mina lowu nga exikarhi ka mina na n'wina, ni leswi hanyaka hinkwaswo swa nyama yin'wana ni yin'wana, leswaku mati ma nga ha engeti ma hundzuka ndhambi leyi lovisaka swivumbiwa swa tinxaka hinkwato.

BIBELE Mahungu Lamanene

¹⁵ ndzi ta tsundzuka ntwanano lowu nga kona exikarhi ka mina na n'wina ni swivumbiwa hinkwaswo swa tinxaka-xaka leswi hanyaka. Ku nga ka ku nga ha vi na mati ya ndhambi lama nga ta herisa swivumbiwa hinkwaswo.

Genesa 9:15 Referans Kwoze

Duteronoma 7:9

U ta tiva leswaku i Yehovha, Xikwembu xa wena, la nga Xikwembu, Xikwembu lexi tshembekaka, lexi hlayisaka ntwanano wa xona ni tintswalo, ku fika etinxakeni ta khume ra madzana, eka lava n'wi rhandzaka, ni ka lava hlayisaka milawu ya yena;

Ezekiele 16:60

Kambe mina, ndzi ta anakanya xinakulobye xa mina, lexi ndzi nga xi endla na wena evuntshweni bya wena, ndzi ta endla na wena ntwanano lowu nga heriki.

Pisalema 106:45

Kutani a tsundzuka ntwanano wa yena hikwalaho ka vona, A va tsetselela hikwalaho ka tintswalo ta yena letikulu.

1 TIHOSI 8:23

“O Yehovha, Xikwembu xa Israele! A ku na Xikwembu lexi fanaka na wena, hambi ku ri ehenhla etilweni hambi ku ri la hansi emisaveni; u hlayisa ntwanano ni tintswalo eka malandza ya wena lama fambaka emahlweni ka wena hi timbilu Hinkwato ta vona!

Eksoda 28:12

Maribye mambirhi u ta ma veka emakatleni ya efodi leswaku ma va maribye ya xitsundzuxo xa vana va Israele; Aroni u ta rhwala mavito ya vana va Israele emahlweni ka Yehovha emakatleni ya yena, xi va xitsundzuxo.

Luka 1:72

leswaku a hi tsetselela swin'we ni vatata wa hina, ni ku anakanya ntwanano wa yena lowo kwetsima,

Yeremiya 14:21

Hikwalaho ka vito ra wena, u nga tshuki u sandzisa, hambi ku ri ku onha xiluvelo xa ku kwetsima ha wena. Anakanya, u nga tshuki u tshova ntwanano wa wena na hina!

Nehemiya 9:32

“Kutani sweswi, Xikwembu xa hina Xikwembu lexikulu xa matimba, lexi chavisaka, lexi hlayisaka ntwanano ni tintswalo, mahlomulo ma nga tshuki ma va matsanana emahlweni ya wena lama hi humeleleke hina ni tihosi ta hina, ni tihosana ta hina ni vaprista va hina, ni vaprofeta va hina, ni vatata wa hina, ni tiko ra hina hinkwaro, ka ha ri emikarhini ya tihosi ta Asiriya ku ta fikela siku ra sweswi.

Genesa 8:21

Kutani Yehovha a twa ku nun'hwela loku tsakisaka; Yehovha a ku embilwini ya yena: “A ndzi nga ha tlheli ndzi rhuketela misava hikwalaho ka vanhu, hikuva makungu ya timbilu ta vanhu ma bihile ku suka evuhlangini bya vona, kutani a ndzi nga ha tlheli ndzi ba hinkwaswo leswi hanyaka hilaha ndzi endleke hakona.

Genesa 9:11

Ndzi ta tiyisa na n'wina ntwanano wa mina wa leswaku nyama yin'wana ni yin'wana yi nga ka yi nga ha lovisiwi hi mati ya ndhambi, ni leswaku ku nga ka ku nga ha vi na ndhambi yin'wana leyi nga ta lovisa misava.”

Genesa 9:14

Ndzi ta ku loko ndzi hlengeleta mapapa ehenhla ka misava, nkwangulatilo wu ta humelela epapeni;

Genesa 9:10

ni leswi hanyaka hinkwaswo leswi nga na n'wina, hambi ti ri tinyanyana hambi swi ri swifuwo, hambi swi ri swiharhi swa misava, leswi nga na n'wina, ku suka eka leswi nga huma engalaveni, ku fika eka swiharhi hinkwaswo swa misava.