Genesa 9:13 - Xitsonga (Bibele)

¹³ ndzi ri ndzi ta tlhoma nkwangulatilo wa mina emapapeni, kutani xi ta va xikombiso xa ntwanano lowu nga exikarhi ka mina ni misava.

BIBELE Mahungu Lamanene

¹³ Ndzi vekela nkwangulatilo emapapeni lowu nga ta va xitsundzuxo xa ntwanano exikarhi ka mina ni misava.

Genesa 9:13 Referans Kwoze

Ezekiele 1:28

Tanihi ku saseka ka nkwangulatilo emapepeni hi siku ra mpfula, a ku sasekisile xisweswo ematlhelweni hinkwawo hi ku vonakala loku: A ku ri hlavutelo ya ku kwetsima ka Yehovha. Kuteloko ndzi swi vonile, ndzi wa hi mombo wa mina, ndzi ri karhi ndzi twa rito ra un'wana la vulavulaka.

Nhlavutelo 10:1

Kutani ndzi vona ntsumi yin'wana ya matimba leyi xikaka hi le tilweni, yi rhendzeriwe hi papa, yi ri ni nkwangulatilo enhlokweni; mombo wa yona wu fana ni dyambu, milenge ya yona yi kotisa timhandze ta ndzilo.

Nhlavutelo 4:3

La tshameke eka xona, a a fana ni ribye ra yaspere ni sardiyo, xona xiluvelo xi rhendzeriwe hi nkwangulatilo lowu fanaka ni ku vonakala ka emeralda.

Genesa 9:12

Kutani Xikwembu xi ku: “Hi wona mfungho wa ntwanano lowu ndzi wu tiyisaka exikarhi ka mina na n'wina, ni nyama yin'wana ni yin'wana leyi hanyaka leyi nga na n'wina, eka mikarhi leyi nga heriki,

Genesa 9:14

Ndzi ta ku loko ndzi hlengeleta mapapa ehenhla ka misava, nkwangulatilo wu ta humelela epapeni;