Genesa 8:21 - Xitsonga (Bibele)

²¹ Kutani Yehovha a twa ku nun'hwela loku tsakisaka; Yehovha a ku embilwini ya yena: “A ndzi nga ha tlheli ndzi rhuketela misava hikwalaho ka vanhu, hikuva makungu ya timbilu ta vanhu ma bihile ku suka evuhlangini bya vona, kutani a ndzi nga ha tlheli ndzi ba hinkwaswo leswi hanyaka hilaha ndzi endleke hakona.

BIBELE Mahungu Lamanene

²¹ Loko HOSI Xikwembu xi twa ku nun'hwela ka gandzelo ra kona, yi vulavula hi mbilu yi ku: “A ndzi nga ha tlheli ndzi rhuketela misava hikwalaho ka ku dyoha ka munhu, hambileswi munhu a ehleketaka swo biha ku sukela evuhlangini bya yena. Naswona a ndzi nga ha engeti ndzi herisa swivumbiwa leswi hanyaka, tani hilaha ndzi endleke hakona.

Genesa 8:21 Referans Kwoze

2 Vakorinto 2:15

Hikuva eka Xikwembu hi ri ku nun'hwela loku nandzihaka ka Kriste, exikarhi ka lava hlayisekaka ni ka lava lovaka;

Vaefesa 5:2

mi famba erirhandzwini kukotisa loko Kriste, na yena, a mi rhandzile, kutani u tinyiketele hina, a va mhamba ni gandzelo ra ku nun'hwela eka Xikwembu.

Yeremiya 17:9

“Mbilu yi ni mano ku tlula hinkwaswo, yi borile ngopfu; yi nga tiviwa i mani-ke?

Genesa 6:5

Kutani Yehovha a vona leswaku ku biha ka vanhu ku kurile emisaveni, ni miehleketo hinkwayo ya timbilu ta vona yi kongoma ku biha ntsena hi masiku hinkwawo,

Vafilipiya 4:18

Ndzi kumile hinkwaswo, swi ndzi andzele ngopfu; ndzi taleriwe hi ku amukela ha Epafrodito leswi humaka eka n'wina, leswi nga nun'hwela, ni gandzelo leri amukeriwaka hi Xikwembu lexi tsakisiwaka ha rona.

Varhoma 3:23

a ku na ku hambana kwalaho hikuva hinkwavo va dyohile, kutani a va faneriwi hi ku kwetsima ka Xikwembu,

Ezekiele 20:41

Ndzi ta mi amukela, ni magandzelo ya n'wina layo nun'hwela, loko ndzi mi humesile eka vanhu, ndzi mi hlengeleta ematikweni lawa mi hangalasiweke eka wona, ndzi ta hlawuleka ha n'wina emahlweni ka matiko;

Matewu 15:19

Hikuva miehleketo leyo biha, ni ku dlayana, ni timholovo, ni vuoswi, ni vukhamba, ni ku hembelana, ni ku sandzana swi huma embilwini,

Levhitika 1:13

Va ta hlantswa marhumbu ni swirho ematini, kutani muprista u ta hisa hinkwaswo ealitarini, yi va holokosta; i mhamba leyi hisiwaka, leyi nga ni risuna eka Yehovha.

Eklesiasta 7:20

Kunene a ku na munhu wo tlhariha emisaveni la nga dyohiki ni siku ni rin'we.

Levhitika 1:9

Va ta hlantswa marhumbu ni swirho ematini, kutani muprista u ta hisa hinkwaswo ealitarini, yi va holokosta; i mhamba leyi hisiwaka, leyi nga ni risuna eka Yehovha.

Genesa 3:17

Ni ka wanuna, a ku: “Leswi u yingiseke rito ra nsati wa wena, u dya murhi lowu ndzi nga ku lerisa, ndzi ku: ‘U nga tshuki u dya,’ misava yi rhuketeriwa hikwalaho ka wena. U ta dya swa yona hi ku vaviseka hi masiku hinkwawo ya ku hanya ka wena;

Yohane 3:6

Leswi tswariweke hi nyama, i nyama; kambe leswi tswariweke hi Moya, i Moya.

Esaya 53:6

Hinkwerhu a hi pepetseka tanihi tinyimpfu, a hi famba un'wana ni un'wana endleleni ya yena, kutani Yehovha u n'wi rhwexile ku dyoha ka hina hinkwerhu.

Pisalema 58:3

Lavo homboloka va hombolokile mpfhuka va tswariwa, Vahembi va hambukile mpfhuka va hume ekhwirini.

Pisalema 51:5

Waswivo, ndzi tswariwile eku dyoheni, Mana wa mina u ndzi velekile eswivini.

1 Yohane 5:19

Ha swi tiva leswaku hi va Xikwembu, ni leswaku misava hinkwayo yi tshama eku biheni.

Varhoma 1:21

Hikuva, hambi va tivile Xikwembu, a va xi dzunisanga leswaku i Xikwembu, naswona a va xi khensanga; kambe va hundzukile swahava emiehleketweni ya vona; ni timbilu ta vona leti pfumalaka vutlhari ti nyamisiwile.

Yeremiya 18:12

Kambe va ku: ‘A swi pfuni! Hi ta famba hi ku tirhandzela ka hina, leswaku un'wana ni un'wana a endla hi ku nonon'hwa ka mbilu ya yena leyo biha.’

Swivuriso 20:9

I mani la nga ta ku: “Ndzi tibasisile mbilu, Ndzi hlantswekile swo biha swa mina”?

Ntirho 14:4

Xana ku nga huma munhu la baseke eka munhu wa thyaka? Ku nga ka ku nga humi na un'we.

Levhitika 1:17

U ta handzula nyanyana exikarhi ka timpapa, a nga yi avanyisi, kutani muprista u ta yi hisa ealitarini, ehenhla ka tihunyi leti va tshiveleke ndzilo ha tona; i holokosta, i mhamba leyi hisiwaka leyi nga ni risuna eka Yehovha.

Eksoda 29:25

kutani u swi susa emavokweni ya vona, u swi hisa ealitarini, ehenhla ka gandzelo, swi ta nun'hwela emahlweni ka Yehovha: i magandzelo lama hiseriwaka Yehovha.

Eksoda 29:18

kutani u hisa khuna hinkwaro ealitarini; i gandzelo ra Yehovha leri nun'hwelaka swo nandziha; i gandzelo leri hiseriwaka Yehovha.

Genesa 6:17

Kutani mina, ndzi ta tisa ndhambi ya mati emisaveni, yi herisa ehansi ka tilo nyama yin'wana ni yin'wana leyi nga ni ku hefemula ka vutomi, kutani hinkwaswo leswi nga emisaveni swi ta lova.

Yeremiya 8:6

Ndzi tshama ndzi yingisela kutani ndzi twa loko va vulavula, kambe a va vuli leswi lulameke; a ku na un'we la khomiwaka hi tingana hikwalaho ka ku biha ka yena, a tshamaka a ku: ‘Ndzi endle yini?’ Hinkwavo va tsutsuma kukotisa hanci leyi tsutsumelaka enyimpini.

Esaya 65:6

Waswivo leswi swi tsariwile emahlweni ka mina: Ndzi nga ka ndzi nga miyeri, ndzi nga si tlherisela, kunene ndzi nga si tlherisela eka vona,

Esaya 48:8

A ku twanga nchumu, a ku tivanga nchumu, ndleve ya wena a yi twangi nchumu, hikuva a ndzi swi tiva leswaku u mukanganyisi, ni leswaku le khwirini ra mana wa wena vito ra wena a ri ri mutiarisi!

Esaya 47:15

Lava u tikarhateke swin'we na vona va tano, lava u bindzuleke na vona evuntshweni bya wena va baleka un'wana ni un'wana hitlhelo ra yena; muponisi wa wena ku hava!

Esaya 47:12

Tana sweswi u ri ni ku hlahluva ka wena, ni vungoma bya wena lebyi u byi tirheke evuntshweni bya wena, kumbexana byi ta ku pfuna, byi ku endla la chaviwaka hi vanhu!

Levhitika 26:31

Ndzi ta onha miti ya n'wina, ma va marhumbi ndzi hlanhla vukwetsimelo bya n'wina; ndzi nga ka ndzi nga nun'hweteli mirhi ya risuna ya mihlengo ya n'wina.

Genesa 5:29

kutani a n'wi thya vito ra Nowa (ku wisa), a ku: “Yeloyi u ta hi wisisa emikarhalweni ya hina, ni le ntirhweni lowo tika wa mavoko ya hina, lowu pfuxiweke hikwalaho ka ku rhuketeriwa ka misava hi Yehovha.”

Genesa 4:12

Kutakuloko u rima misava, yi nga ka yi nga ha ku nyiki mihandzu ya yona; u ta va la pepetsekaka ni la fambafambaka emisaveni.”

Genesa 6:7

Kutani Yehovha a ku: “Ndzi ta lovisa ehenhla ka misava vanhu lava ndzi nga va tumbuluxa ku suka eka munhu, ku fika eka swifuwo ni swikokovi, ni tinyanyana ta tilo, hikuva ndza vaviseka hi leswi ndzi nga swi endla.”

Genesa 6:13

Kavaloko Xikwembu xi byela Nowa, xi ku: “Makumu ya nyama yin'wana ni yin'wana ya fikile emahlweni ka mina, hikuva va tate misava hi mona; kutani sweswi, ndzi ta va lovisa swin'we ni misava.

Levhitika 4:31

Muprista u ta susa mafurha hinkwawo hi mukhuva lowu va susaka mafurha ya magandzelo ya ku khensa kutani a ma hisa ealitarini, ri va risuna eka Yehovha. Muprista u ta phahlela munhu loyi mhamba, kutani u ta rivaleriwa.

Levhitika 8:28

Kutani Muxe a swi teka emavokweni ya vona, a swi hisa ealitarini, ehenhla ka holokosta. A ri ri gandzelo ra ku veka leri nga ni risuna; a yi ri mhamba leyi hiseriwaka Yehovha.

Tinhlayo 15:3

loko mi humesela Yehovha gandzelo leri hisiwaka, hambi yi ri holokosta, hambi ri ri gandzelo ro tiyisa rito ra ku hlambanya, hambi yi ri nyiko ya ku tirhandzela ka n'wina, hambi ku ri emikhubyeni ya n'wina; loko mi rhandza ku humesela Yehovha risema leri nun'hwelaka, exikarhi ka swifuwo leswikulu kumbe leswitsongo:

1 SAMIELE 26:19

Sweswi hosi yanga yi nga yingisa marito ya nandza wa yena! Loko a ri Yehovha la ku susumetaka ku ndzi hlongorisa, a a amukele mhamba! Kambe loko va ri vanhu, a va rhukaniwe emahlweni ka Yehovha, hikuva va ndzi hlongorile ku ndzi sivela ku hlangana ni ndzhaka ya Yehovha, va te: ‘Famba u ya tirhela swikwembu swin'wana!’

Pisalema 58:4

Va ni vuxungu lebyi fanaka ni bya nyoka, Va fana ni mamba leyi nga yingisiki, leyi tisivaka tindleve,