Genesa 8:20 - Xitsonga (Bibele)

²⁰ Kutani Nowa a akela Yehovha alitari, kutani a pambula exikarhi ka swifuwo hinkwaswo leswi tengeke, ni le xikarhi ka tinyanyana hinkwato leti tengeke, a humesa holokosta ealitarini.

BIBELE Mahungu Lamanene

²⁰ Nowa a akela HOSI Xikwembu alitari, kutani a pambula xiharhi xin'we exikarhi ka rixaka rin'wana ni rin'wana ra swiharhi leswi tengeke, a pambula ni xinyanyana xin'we exikarhi ka rixaka rin'wana ni rin'wana ra tinyanyana leti tengeke, a humesa gandzelo leri hisiwaka.

Genesa 8:20 Referans Kwoze

Varhoma 12:1

Vamakwerhu, ndza mi khongotela hi tintswalo ta Xikwembu, leswaku mi nyiketa miri wa n'wina, wu va mhamba leyi hanyaka, leyi kwetsimaka, leyi tsakisaka Xikwembu; hi rona gandzelo leri mi fanelaka.

Genesa 22:9

Va fika exivandleni lexi Xikwembu xi n'wi byeleke xona. Abrahama a aka gandzelo, a lunghisa tihunyi, a boha Isaka, n'wana wa yena, a n'wi tlhandleka egandzelweni, ehenhla ka tihunyi.

1 Petro 2:9

Kambe loko mi ri n'wina, mi rixaka leri hlawuriweke, mi vaprista va Hosi, mi tiko lero kwetsima, tiko leri xaviweke, leswaku mi twarisa matimba ya la mi vitaneke ku huma emunyameni, mi ya nghena eku vonakaleni ka yena loku hlamarisaka;

1 Petro 2:5

na n'wina, kukota maribye lama hanyaka, ma akiwa, mi va yindlu ya moya leswaku mi ta va vaprista lavo kwetsima ku ta humesa magandzelo ya moya lama tsakisaka Xikwembu ha Yesu Kriste.

Vaheveru 13:10

Hi ni alitari leyi, lava tirhelaka tabernakela va nga pfumeleriwiki ku dyela eka yona.

Eksoda 10:25

Muxe a ku: “U ta hi nyika u ri wena magandzelo ya hina lawa hi nga ta gandzela Yehovha, Xikwembu xa hina ha wona.

Genesa 35:7

Kutani a akela kona gandzelo, a thya xivandla lexi vito ra Eli-Betele (Xikwembu xa Betele); hikuva hi kona Xikwembu xi nga tihlavutela eka yena enkarhini a balekaka emahlweni ka hosi ya yena.

Genesa 35:1

Xikwembu xi ku eka Yakobo: “Rhurha, u tlhandlukela eBetele, u ya aka kona, u akela kona gandzelo eka Xikwembu lexi nga tikombisa eka wena, nkarhi lowu u nga balekela mombo wa Esawu, makwenu.”

Genesa 33:20

Kutani a aka gandzelo kona, a ri thya vito ra Eli-Elohe-Israele (Xikwembu, i Xikwembu xa Israele).

Genesa 26:25

Isaka a aka kona gandzelo, a khongela vito ra Yehovha, a dzima kona ntsonga wa yena, kutani malandza ya Isaka ma cela kona xihlovo xa mati.

Genesa 13:18

Kavaloko Abrama a andlamuka a ya tshama emikuhlwini ya Mamre, lowu nga Hebroni, kutani kona a akela Yehovha gandzelo.

Genesa 13:4

laha ngi ku ri ni gandzelo leri a ri akeke kona eku sunguleni, kutani Abrama a khongela kona vito ra Yehovha.

Genesa 7:2

Eka swiharhi hinkwaswo leswi tengeke, u ta swi teka eka wena ha ntlhanu na swimbirhi, matsune ni nkati; ni ka swiharhi leswi nga tengangiki u teka swimbirhi, matsune ni nkati.

Genesa 4:4

Avele a humesa, na yena, mativula ya ntlhambi wa yena, ni mafurha ya wona. Kutani Yehovha a khensa Avele ni nhlengo wa yena,

Genesa 22:2

Kutani xi ku: “Teka n'wanaku, loyi a nga swakwe eka wena, loyi u n'wi rhandzaka, a nga Isaka, u ya etikweni ra Moriya, u n'wi tlhavela kona egandzelweni, entshaveni yin'wana leyi ndzi nga ta ku kombisa yona.”

Genesa 8:19

Swiharhi hinkwaswo, ni swikokovi hinkwaswo, ni tinyanyana hinkwato; hinkwaswo leswi fambaka emisaveni, swi huma engalaveni hi tinxaka ta swona.

Ntirho 1:5

Kuteloko va hetile mikhuvo ya vona, Yobo a a va vitana ku ta va basisa, a pfuka nimixo, a tlhava magandzelo yo hisiwa lama ringanaka ntsengo wa vona hinkwavo, hikuva Yobo a a ku: “Kumbe vana va mina va dyohile; va rivele Xikwembu etimbilwini ta vona.” Yobo a a tshama a endlisa sweswo hi masiku hinkwawo.

Genesa 7:3

Ni ka tinyanyana ta tilo, u teka ha ntlhanu na timbirhi, matsune ni nkati, rixaka ra swona ri va ri hlayiseka ri hanya ehenhla ka misava hinkwayo.

Eksoda 29:18

kutani u hisa khuna hinkwaro ealitarini; i gandzelo ra Yehovha leri nun'hwelaka swo nandziha; i gandzelo leri hiseriwaka Yehovha.

Eksoda 29:25

kutani u swi susa emavokweni ya vona, u swi hisa ealitarini, ehenhla ka gandzelo, swi ta nun'hwela emahlweni ka Yehovha: i magandzelo lama hiseriwaka Yehovha.

Tinhlayo 7:21

ni xinkuzana, ni khuna, ni xinyimpfana xa lembe, swi va swa holokosta;