Genesa 8:10 - Xitsonga (Bibele)

¹⁰ A engeta a yimela masiku man'wana ya ntlhanu na mambirhi, kutani a engeta a tshiketa tuva ehandle ka ngalava.

BIBELE Mahungu Lamanene

¹⁰ Nowa a tshama masiku ya 7, kutani a tlhela a humesa tuva engalaveni.

Genesa 8:10 Referans Kwoze

Genesa 7:4

Hikuva ka ha sele masiku ya ntlhanu na mambirhi, kutani ndzi ta nisa mpfula emisaveni hi masiku ya mune wa makume, ni vusiku bya mune wa makume, ndzi herisa ehenhla ka misava hinkwaswo leswi hanyaka leswi ndzi nga swi endla.”

Varhoma 8:25

Kambe loko hi langutela leswi hi nga swi voniki, hi swi langutela hi ku tiyisela.

Esaya 26:8

Oho Yehovha! Hi ku languterile hakona endleleni ya ku avanyisa ka wena; hi navela vito ra wena, ni ku anakanya ka wena hi mimoya hinkwayo ya hina.

Esaya 8:17

Ndzi tshembile Yehovha la fihlelaka yindlu ya Yakobo mombo wa yena, ndzi langutela eka yena.

Pisalema 40:1

Ndzi langutele Yehovha hi ku tiyisela, Kutani u ndzi korhamele, a yingisa ku huwelela ka mina.

Genesa 8:12

A engeta a yimela kambe masiku man'wana ya ntlhanu na mambirhi, kutani a tshiketa tuva, kambe a ra ha tlhelelanga eka yena.

Genesa 7:10

Kuteloko ku hundzile masiku lawa ya ntlhanu na mambirhi, mati ya ndhambi ma va kona emisaveni.

Genesa 8:9

Kambe tuva a ri kumanga laha ri nga yimaka kona hi tincondzo ta rona kutani ri vuya eka yena engalaveni, hikuva mati a ma ri kona ehenhla ka misava hinkwayo; kutani a tshambuluta voko, a khoma tuva, a ri tlherisela eka yena engalaveni.

Genesa 8:11

Kutani tuva ri vuya eka yena nimadyambu, ri tamele enon'wini wa rona tluka lerintshwa ra mutlhwari, hi kona Nowa a tivaka leswaku mati ma hungutekile emisaveni.