Genesa 7:21 - Xitsonga (Bibele)

²¹ Kutani nyama yin'wana ni yin'wana leyi fambaka emisaveni yi fa, hambi ti ri tinyanyana, hambi swi ri swifuwo, ni swiharhi, ni hinkwaswo leswi nga tala emisaveni, ni vanhu hinkwavo.

BIBELE Mahungu Lamanene

²¹ Kutani swivumbiwa hinkwaswo leswi hanyaka emisaveni swi fetetela. Ku file tinyanyana, ni swifuwo, ni swiharhi, ni swihadyana hinkwaswo leswi tateke misava, ni vanhu hinkwavo.

Genesa 7:21 Referans Kwoze

Genesa 6:13

Kavaloko Xikwembu xi byela Nowa, xi ku: “Makumu ya nyama yin'wana ni yin'wana ya fikile emahlweni ka mina, hikuva va tate misava hi mona; kutani sweswi, ndzi ta va lovisa swin'we ni misava.

Genesa 7:4

Hikuva ka ha sele masiku ya ntlhanu na mambirhi, kutani ndzi ta nisa mpfula emisaveni hi masiku ya mune wa makume, ni vusiku bya mune wa makume, ndzi herisa ehenhla ka misava hinkwaswo leswi hanyaka leswi ndzi nga swi endla.”

Genesa 6:17

Kutani mina, ndzi ta tisa ndhambi ya mati emisaveni, yi herisa ehansi ka tilo nyama yin'wana ni yin'wana leyi nga ni ku hefemula ka vutomi, kutani hinkwaswo leswi nga emisaveni swi ta lova.

Varhoma 8:20

Hikuva leswi vumbiweke swi vekiwile ehansi ka ku fuma ka swahava, ku nga ri hi ku swi rhandza, kambe ku ri hikwalaho ka loyi a swi vekeke ehansi ka kona;

2 Petro 2:5

ni loko xi nga tsetselelangi tiko ra khale, kambe xi hlayisa Nowa, yena wa ntlhanu na vunharhu, mudyondzisi wa ku lulama, hi nkarhi xi tisaka khombo ra ndhambi ehenhla ka misava ya vasandzi;

Varhoma 8:22

Hikuva ha swi tiva leswaku leswi vumbiweke hinkwaswo swi ni ku hefemuteka swin'we, onge swi le khombyeni ra ku veleka, ka ha ri mpfhuka, ku fika sweswi.

Luka 17:27

A va dya, a va nwa, a va hlomisa ni ku hlomisela, ku ko ku fika siku leri Nowa a nghenaka engalaveni, kutani ndhambi ya mati yi fika yi va dlaya hinkwavo.

Matewu 24:39

a va anakanyanga nchumu ku ko ku fika ndhambi, kutani va dyiwa hinkwavo hi yona; swi ta endlisa sweswo eku teni ka N'wana wa Munhu.

Sofoniya 1:3

Ndzi ta susa vanhu ni swiharhi, ndzi susa ni tinyanyana ta tilo, ni tinhlampfi ta lwandle, ni swikhunguvanyiso kun'we ni lavo biha, ndzi va ndzi tsema vanhu ehenhla ka misava,” ku vula Yehovha.

Yuwele 2:3

Emahlweni ka rona ku ni ndzilo lowu phorhaka ni ndzhaku ka rona ku ni langavi leri hisaka. Emahlweni ka rona tiko ri fana ni ntanga wa Edeni, kutani loko ri hundzile, tiko ri sala ri va mananga lama chavisaka; a ku sali nchumu endzhaku ka yena.

Hosiya 4:3

Hikwalaho tiko ri ni swirilo, ni vanhu lava akeke eka rona va tsanile, kun'we ni swiharhi swa tiko ni tinyanyana ta matilo, swi tsandza ni tinhlampfi ta lwandle, ta lova.

Esaya 24:19

Misava yi hlanhleka hi matimba, misava yi ngandzavanyeka, misava yi tsekatseka.

Esaya 24:6

Hikwalaho ku rhuketeriwa ku dye tiko, vaaki va rona va biwile; hikwalaho vaaki va tiko va lovisiwaka, lava seleke a hi vangani.

Genesa 1:25

Xikwembu xi endla swiharhi swa misava hi tinxaka ta swona ni swifuwo hi tinxaka ta swona, ni leswi kokovaka emisaveni hi tinxaka ta swona. Xikwembu xi vona leswaku swi sasekile.

Ntirho 34:15

Nyama hinkwayo ingi yi ta fa kan'we, Munhu u ta tlhelela entshurini.