Genesa 7:11 - Xitsonga (Bibele)

¹¹ Hi lembe ra 600 ra ku hanya ka Nowa, hi n'hweti ya vumbirhi, hi siku ra khume na ntlhanu na mambirhi, hi siku lero, swihlovo hinkwaswo swa mpfhuka lowukulu swi pfelela, ni tinyangwa ta mati ya tilo ti pfuleka.

BIBELE Mahungu Lamanene

¹¹ Elembeni leri Nowa a veke ni malembe ya 600 ha rona, hi siku ra vu-17 ra n'hweti ya vumbirhi, swidziva hinkwaswo swa mati swi khapa, ni tinyangwa ta mati ya le tilweni ti pfuleka.

Genesa 7:11 Referans Kwoze

Genesa 8:2

Swihlovo swa mpfhuka lowukulu swi pfariwa, swin'we ni tinyangwa ta matilo, kutani mpfula ya tilo yi xa.

Malakiya 3:10

Tisani endlwini ya vuhlayiselo ku avanyisa ka vukhume ka hinkwaswo leswi mi swi fuweke, swakudya swi va kona endlwini ya mina; mi ndzi ringa hakona, ku vula Yehovha wa mavandla, kutani mi ta vona xana ndzi nga ka ndzi nga mi pfuleri mafasitere ya tilo, ndzi va ndzi mi chululela ku kateka hi mpimo lowu tlurisaka!

Yeremiya 51:16

Hi mpfumawulo wa rito ra yena, mati ma hlengeletana ematilweni; wa humesa mapapa emakun'wini ya misava; hi tindlati u nisa mpfula, kutani u humesa moya evuhlayiselweni bya yena.

Yeremiya 5:22

Mi nga ka mi nga ndzi chavi xana,” ku vula Yehovha? “Xana mi nga ka mi nga rhurhumeri emahlweni ka mina xana? Mina ndzi nga endla hi sava nkova wa lwandle, wu nga ndzilakana lowu nga heriki, lowu ri nga taka ri nga wu tluri? Magandlati ya rona ma tsekatsekisiwa, kambe a ma na matimba; ma pfuma, kambe a ma wu tluri.

2 TIHOSI 7:19

ndhuna a yi hlamurile, yi ku eka munhu wa Xikwembu: “Hambi Yehovha a nga boxa mafasitere etilweni, swi nga va tano xana?” Elixa a hlamula, a ku: “U ta swi vona hi mahlo kambe u nga ka u nga dyi.”

Ezekiele 26:19

“Hikuva Hosi Yehovha u ri: Siku ndzi ku endlaka rhumbi leri fanaka ni miti leyi nga riki na vaaki, siku ndzi ku humeselaka xidziva, kutani mati lamakulu ma ta ku funengeta,

Pisalema 33:7

A hlengeleta mati ya lwandle ma endla nhulu, A veka swidziva evuhlayiselweni.

2 TIHOSI 7:2

Kutani ndhuna ya hosi leyi yi tiseketelaka evokweni ra yona, yi hlamula yi ku eka munhu wa Xikwembu: “Hambi Yehovha a nga boxa mafasitere etilweni, mhaka leyo tano yi nga ka yi nga humeleli.” Elixa a hlamula, a ku: “U ta swi vona hi mahlo, kambe u nga ka u nga dyi swona.”

Genesa 1:7

Xikwembu xi endla mpfhuka, xi hambanyisa mati ya le hansi ka mpfhuka, ni mati ya le henhla ka mpfhuka. Kutani swi va tano.

Matewu 24:38

hikuva kukotisa emikarhini ya ndhambi ya mati, loko vanhu a va ri karhi va dya, va nwa, va teka, va hlomisana, ku ko ku fika siku leri Nowa a ngheneke engalaveni ha rona,

Esaya 24:19

Misava yi hlanhleka hi matimba, misava yi ngandzavanyeka, misava yi tsekatseka.

Pisalema 74:15

U pfelerisile swihlovo ni milambu, U omisile milambu leyi nga tiviki ku phya.

Genesa 6:17

Kutani mina, ndzi ta tisa ndhambi ya mati emisaveni, yi herisa ehansi ka tilo nyama yin'wana ni yin'wana leyi nga ni ku hefemula ka vutomi, kutani hinkwaswo leswi nga emisaveni swi ta lova.

Ntirho 28:4

U cela mugodi ekule ni laha vanhu va akeke kona; Nenge wa yena wa rivala ku n'wi pfuna, U lengalenga, a hayekiwile ekule ni vanhu.

1 Vatesalonika 5:3

Hikuva siku va nga ta ku: “Ku rhurile, ku tsakiwile!” Hilaha ku onhaka loku nga languteriwangiki ku nga ta va wela ehenhla, kukota mbeleko loko yi humelela la tikeke, va nga ka va nga poni.

2 Petro 3:6

swoleswo, misava ya nkarhi lowuya, yi nga lovisiwa ha swona, yi mbundzuxiwa hi mati.

Genesa 7:6

Nowa a a ri munhu wa malembe ya 600, loko ndhambi ya mati yi humelela emisaveni.

Ntirho 12:15

Waswivo xi sivela mati, kutani ma phya, Xi tlhela xi ma tshika, kutani misava yi onhaka.

Ntirho 38:16

“Xana u fikile emakun'weni ya lwandle? U ya valanga eku enteni ka xidziva xana?

Swivuriso 3:20

Hi vutivi bya yena swidziva swa handzuka, Ni mapapa ma pfutisa mberha.

Esaya 24:18

La nga ta baleka hi nchavo, u ta wela erindzini; la nga ta huma erindzini, u ta phasiwa entlhan'wini; hikuva miseledyana ya matilo ya pfuleka, masungulo ya misava ma endla xirhendzeveti.

Genesa 8:14

Kutani hi n'hweti ya vumbirhi, hi siku ra 27, misava a yi omile.

Ntirho 38:37

I mani la kumeke ntsengo wa mapapa hi vutlhari? I mani la chelaka makhuwana ya le tilweni,