Genesa 6:6 - Xitsonga (Bibele)

⁶ kutani Yehovha a vilela hi leswi a nga vumba vanhu emisaveni, a vaviseka ngopfu embilwini ya yena.

BIBELE Mahungu Lamanene

⁶ xi vaviseka embilwini, xi tilaya leswi xi endleke munhu emisaveni,

Genesa 6:6 Referans Kwoze

Esaya 63:10

Kambe vona va tiarisile, kutani va vavisile moya wa yena lowo kwetsima; kutani yena u hundzuke nala wa vona, a va a lwa na vona.

1 SAMIELE 15:11

“Ndza vilela hi leswi ndzi vekeke Sawulo hosi, hikuva u ndzi fularhele, kambe a nga hlayisanga marito ya mina.” Kutani Samiele a holova, a huwelela eka Yehovha vusiku hinkwabyo.

Vaefesa 4:30

Kutani mi nga tshuki mi khomisa Moya lowo Kwetsima wa Xikwembu tingana, wolowu mi funghiweke ha wona siku ra ku kutsuriwa ka n'wina.

Vaheveru 3:10

Hikwalaho ndzi nga karihela rixaka lero, ndzi ku: ‘Timbilu ta vona ti hambukile hi masiku, valavo a va tivangi tindlela ta mina.’

1 SAMIELE 15:29

Loyi a nga ku tshemba loku tiyeke ka Israele a nga hembi ni ku tilandzula, hikuva a hi munhu leswaku a nga tilandzula.”

2 SAMIELE 24:16

Kutani kakuloko ntsumi yi tshambuluta voko ra yona ehenhla ka Yerusalema ku wu heta, Yehovha a tlhela eku biheni loku, kutani a ku eka ntsumi leyi dlayaka vanhu: “Swi ringene, wisa i voko ra wena sweswi.” Ntsumi ya Yehovha a yi ri ekusuhi ni xivuya xa Arawuna, wa ka Yebusi.

Tinhlayo 23:19

Xikwembu a hi munhu leswaku xi nga hemba, Ni n'wana wa munhu leswaku xi nga tisola. Xana hi yena la vulaka, kutani a nga endli, Loyi a vurisaka, kutani a nga hetisisi?

Yonasi 3:10

Xikwembu xi vona ku endla ka vona, hilaha va hundzukeke hakona eku fambeni ka vona loko biha; kutani Xikwembu xi tshika ku biha loku xi nga vula ku va endla hakona, kutani a xi ku endlanga.

Yuwele 2:13

Handzulani timbilu ta n'wina, ti nga ri tinguvu,” mi tlhelela eka Yehovha, Xikwembu xa n'wina, hikuva u ni tintswalo ni nsovo, wa hlwela ku kariha, u tele musa, wa vaviseka loko a vavisa munhu.

Eksoda 32:14

Hilaha Yehovha a tshikaka khombo leri a ri anakanyeleke tiko ra yena.

Ezekiele 33:11

U nge eka vona: Ndza hanya, ku vula Hosi Yehovha, a ndzi tsakeri rifu ra mudyohi, kambe hileswaku a hundzuka endleleni ya yena kutani a hanya; hundzukani, mi hundzuka etindleleni ta n'wina leto biha, hikuva mi rhandza ku fa hikwalaho ka yini, n'wina yindlu ya Israele?

Yeremiya 26:19

Xana Hezekiya, hosi ya Yuda, ni tiko ra Yuda hinkwaro, va tshama va n'wi dlaya-ke? Xana a nga chavanga Yehovha, a khongela hi matimba emahlweni ka Yehovha, kutani Yehovha a hundzukile eka swo biha leswi a swi vuleke hikwalaho ka vona xana? Loko hi ri hina, a hi ta endlela mimoya ya hina leswo biha ngopfu.”

1 TIKRONIKA 21:15

Kutani Xikwembu xi rhumela eYerusalema, ntsumi ku wu heta; kakuloko ntsumi yi ri karhi yi onha, Yehovha a languta! A va a tlhela eku biheni loku, a ku eka ntsumi leyi ngi yi ri karhi yi onha: “Swi ringene! Sweswi, tlherisa voko ra wena!” Kutani ntsumi ya Yehovha yi yima ekusuhi ni xivuya xa Orinani wa ka Yebusi.

Esaya 48:18

Mawako! Loko ngi u yingisa milawu ya mina! Ku rhula ka wena ku ta va tanihi nambu, ku lulama ka wena ku ta fana ni magandlati ya lwandle, vatukulu va wena va ta fana ni sava,

Pisalema 106:45

Kutani a tsundzuka ntwanano wa yena hikwalaho ka vona, A va tsetselela hikwalaho ka tintswalo ta yena letikulu.

1 SAMIELE 15:35

Samiele a nga ha vonanga Sawulo a ko a fa; kambe Samiele a a rila Sawulo hikuva Yehovha a a vilela hi leswi a nga veka Sawulo hosi ya Israele.

Duteronoma 32:36

Hikuva Yehovha u ta avanyisa tiko ra yena, Kambe u ta tsetselela malandza ya yena. Loko a vona leswaku matimba ya vona ma herile, Ni leswaku ku nga sali la fuyiweke ni la nga fuyiwangiki.

Duteronoma 32:29

Ingi loko va tlharihile va ta swi twa, Va ta anakanya ku hela ka vona.

Duteronoma 5:29

Ngi loko va ri ni timbilu leti ku ndzi chava ni ku hlayisa milawu ya mina hinkwayo, va ta tsaka vona ni vana va vona, hilaha ku nga heriki!

Yakobo 1:17

ku nyika hinkwako loku sasekeke, hambi ku ri ku ha hinkwako loku hetisekeke, ku ta hi le henhla, ku xika hi le ka Tata wa ku vonakala, loyi a nga riki na ku hundzuka, hambi wu ri ndzhutinyana kona.

Vaheveru 3:17

A hi vona lava dyoheke, volavo mitsumbu ya vona yi nga sala emananga xana?

Malakiya 3:6

“Hikuva mina Yehovha a ndzi hundzukanga, hikwalaho n'wina, vana va Yakobo mi nga ka mi nga herisiwi.

Hosiya 11:8

Xana ndzi nga ku lahla, Efrayimi! Ndzi ku tshika, wena Israele! Xana ndzi nga ku lahla, kukotisa muti wa Adama, ndzi ku endla ku fana na Seboyimi! Kambe e-e, mbilu ya mina yi hundzuka endzeni ka mina, mitsetselelo ya mina hinkwayo yi pfukile.

Pisalema 119:158

Ndzi vavisiwa hi lava nga tshembekiki, Hikuva a va hlayisi rito ra wena.

Pisalema 110:4

Yehovha u hlambanyile a nga ka a nga hundzuki, U te: “U muprista hi laha ku nga heriki, Hi mukhuva wa Melkisedeke.”

Pisalema 95:10

Ndzi phiriwa hi rixaka leri hi mune wa makume ya malembe, Ndzi ku: “I tiko leri mbilu ya rona yi lahlekeke, A va tivi tindlela ta mina,”

Pisalema 81:13

Oho! Loko ngi tiko ra mina ra ndzi yingisa, Loko ngi Israele u famba etindleleni ta mina,

Pisalema 78:40

Hakanyingi va xi dzumadzumela emananga, Ni ku xi karihisa!

Varhoma 11:29

hikuva ku nyika ka Xikwembu, ni ku vitana ka xona, a ku na ku hundzuka.

Genesa 6:7

Kutani Yehovha a ku: “Ndzi ta lovisa ehenhla ka misava vanhu lava ndzi nga va tumbuluxa ku suka eka munhu, ku fika eka swifuwo ni swikokovi, ni tinyanyana ta tilo, hikuva ndza vaviseka hi leswi ndzi nga swi endla.”

Yeremiya 18:7

Kakuloko ndzi byela tiko, kumbe ku fuma, leswaku ndzi ta ri yimbula, ndzi ri kandziyela, ndzi ri heta;