Genesa 50:5 - Xitsonga (Bibele)

⁵ ‘Tatana u ndzi hlambanyisele, a ku: Waswivo, ndza fa; u va u ndzi lahla esirheni ra mina leri ndzi tixaveleke rona etikweni ra Kanana; ndzi pfumeleleni sweswi, ndzi tlhandluka ndzi ya lahla tatana; ndzi ta tlhela ndzi vuya.’ ”

BIBELE Mahungu Lamanene

⁵ loko tatana a ri kusuhi ni ku fa, ú ndzi komberile ku n'wi hlambanyela, ndzi tiboha ku ya n'wi lahla esirheni leri a tilunghiseleke rona etikweni ra Kanana. Mi byela hosi Faro leswaku ndzi kombela mpfumelelo wo famba, ndzi ya lahla tatana, ndzi ta tlhela ndzi vuya.”

Genesa 50:5 Referans Kwoze

Esaya 22:16

“ ‘U na yini kwala, u na mani kwala, leswi u tiendlelaka sirha kwala! U tivatlela sirha eswitsungeni, u tiendlela ndhawu eribyeni!’

2 TIKRONIKA 16:14

va n'wi lahla esirheni leri a ticeleleke rona emutini wa Davhida. Va n'wi lata esangwini leri teleke hi mirhi ya risuna, ni tinxaka hinkwato ta mirhi leyi hlanganisiweke hi vutlhari; kutani va n'wi hisela mirhi ya risuna ya ku tala ngopfu.

Matewu 27:60

a wu veka esirheni ra yena lerintshwa, leri a nga ri vatla eribyeni, kuteloko a vumbuluxile ribye lerikulu enyangweni ya sirha, a tifambela.

Eklesiasta 12:7

ni ntshuri wu nga si tlhelela emisaveni laha wu humeke kona, ni moya wu nga si tlhelela eka Xikwembu lexi nyikeke wona.

Eklesiasta 12:5

siku vanhu va nga ta chava ku ya eswivandleni leswi tlakukeke, ku nga ta chaviwa etindleleni; siku murhi wa alimondi wu nga ta baleka, ni mherha yi nga ta tika, ni munhu a nga ta phirwa hi swakudya; siku munhu a nga ta tiyela endlwini ya yena ya makumu, ni varili va nga ta rhendzeleka emitsendzeleni.

Eklesiasta 6:3

Hambiloko munhu a nga veleka vana va dzana, a hanya malembe layo tala, ni loko masiku ya malembe ya yena ma andzisiwa, loko moya wa yena wu nga xurhi vunene, a va a pfumala ni sirha: ndzi ri, swi tsandza ni la velekiweke wu nga si va nkarhi, u n'wi tlula hi ku kateka.

Pisalema 79:3

Va halate ngati ya vona tani hi mati Matlhelo hinkwawo ya Yerusalema, Kutani ku pfumaleka lava va lahlaka.

Ntirho 30:23

Hikuva ndza swi tiva leswaku u ndzi yisa eku feni, Endlwini yoleyo hinkwavo lava hanyaka va faneleke ku hlengeletana eka yona.

1 SAMIELE 14:43

Sawulo a ku eka Yonatani: “Ndzi byele lexi u xi endleke.” Kutani Yonatani a n'wi byela, a ku: “Ndzi nantswile vulombenyana hi yinhla ya nhonga leyi ndzi yi tameleke, hi mina loyi, ndzi ta fa!”

Duteronoma 4:22

Hikuva ndzi ta fela etikweni leri; ndzi nga ka ndzi nga peli Yordani; kambe n'wina mi ta wu pela, mi ta fuma tiko lerinene leri.

Genesa 50:24

Kutani Yosefa a ku eka vamakwavo: “Ndza fa; Xikwembu xi ta mi endzela kunene, xi ta mi humesa etikweni leri, xi mi yisa etikweni leri xi nga hlambanyela Abrahama, na Isaka, na Yakobo, leswaku xi ta va nyika rona.”

Genesa 48:21

Kutani Israele a ku eka Yosefa: “Waswivo, ndza fa; kambe Xikwembu xi ta va na n'wina, xi ta mi tlherisela etikweni ra vakokwa wa n'wina.

Genesa 3:19

U ta dya vuswa hi nyuku wa mombo wa wena, u ko u tlhelela emisaveni, hikuva u humesiwile eka yona. Hikuva u ntshuri, u ta tlhelela entshurini.”

Genesa 50:4

Kuteloko masiku ya nkosi wa yena ma hundzile, Yosefa a vulavula ni va yindlu ya Faro, a ku: “Kungakuloko ndzi kume tintswalo emahlweni ka n'wina, ma nga rhiyeketa tindleve ta Faro, mi ku:

Genesa 50:6

Kutani Faro a ku: “Tlhandluka, u ya lahla tata wa wena, hilaha a ku hlambanyiseleke hakona.”