Genesa 50:10 - Xitsonga (Bibele)

¹⁰ Va fika exivuyeni xa Atadi, lexi nga entsungeni wa Yordani, kutani va rila kona hi nhlomulo lowukulu, ni mikosi leyikulu; kutani Yosefa a tshamisela tata wa yena kona enkosini hi masiku ya ntlhanu na mambirhi.

BIBELE Mahungu Lamanene

¹⁰ Loko va fika exivuyeni xa Atadi lexi nga vuxeni bya nambu wa Yordani, va sungula ku rila hi xiviti lexikulu. Yosefa a tlhela a rila tata wa yena masiku ya 7.

Genesa 50:10 Referans Kwoze

Timhaka 8:2

Kutani vavanuna van'wana va vakhongeri, va lahla Stefano; va ba nkosi lowukulu ehenhla ka yena.

Ntirho 2:13

Kutani va tshama na yena ehansi, hi masiku ya ntlhanu na mambirhi, ni vusiku bya ntlhanu na byimbirhi, va nga vulavuli na yena, hi ku vona leswaku ku vaviseka ka yena ku kurile ngopfu.

2 SAMIELE 1:17

Kavaloko Davhida a endla risimu leri, ehenhla ka Sawulo ni le henhla ka Yonatani, n'wana wa yena, a ku, a ri dyondzisiwe vana va Yuda.

1 SAMIELE 31:13

Kutani va teka marhambu ya vona, va ma yimbela ehansi ka nkanyi wa Yabexe; kutani va titsona swakudya masiku ya ntlhanu na mambirhi.

Duteronoma 34:8

Vana va Israele va rila Muxe erivaleni ra Mowabu hi masiku ya makume manharhu, kutani masiku ya ku rila Muxe ma hela.

Duteronoma 1:1

Hi wona marito lawa Muxe a ma byeleke Vaisraele hinkwavo ehase ka Yordani, emananga, erivaleni, ku lavene na Sufu, exikarhi ka Parani na Tofele, na Labani, na Haseroti, na Dizahaba.

Tinhlayo 19:11

“ ‘La khumbeke mufi hi leswaku miri wihi ni wihi wa munhu, u ta va la nga tengangiki hi masiku ya ntlhanu na mambirhi.

Genesa 50:11

Kutani vaaki va tiko lero, va nga Vakanana, kuteloko va vona mikosi exivuyeni xa Atadi, va ku: “Mikosi ya vona Vaegipta, hi leyikulu,” hikwalaho va thyaka xivuya lexi, Avele-Misrayimi (nkosi wa Vaegipta); xi le ntlhandlukweni wa Yordani.

Genesa 50:4

Kuteloko masiku ya nkosi wa yena ma hundzile, Yosefa a vulavula ni va yindlu ya Faro, a ku: “Kungakuloko ndzi kume tintswalo emahlweni ka n'wina, ma nga rhiyeketa tindleve ta Faro, mi ku:

Genesa 27:41

Kutani Esawu a venga Yakobo hikwalaho ka ku katekisiwa loku tata wa yena a nga n'wi katekisa hakona. Esawu a ku embilwini ya yena: “Masiku ya nkosi wa tatana ma kusuhi, kutani ndzi ta dlaya Yakobo, makwerhu.”

Genesa 50:3

ku hundza masiku ya mune wa makume, hikuva masiku ya ku phutsela ma endlisa sweswo; kutani Vaegipta va n'wi rila hi masiku ya 70.

Genesa 50:9

Ku tlhandlukele tigolonyi na yena kun'we ni va tihanci; ri ri pfhumba lerikulu ngopfu.

Tinhlayo 20:29

Nhlengeletano hinkwayo yi vona leswaku Aroni a file, kutani yindlu ya Israele hinkwayo yi rilela Aroni hi masiku ya makume manharhu.

2 SAMIELE 11:26

Nsati wa Uriya a tiva leswaku nuna wa yena u file, kutani a rila nuna wa yena;

Eklesiasta 12:5

siku vanhu va nga ta chava ku ya eswivandleni leswi tlakukeke, ku nga ta chaviwa etindleleni; siku murhi wa alimondi wu nga ta baleka, ni mherha yi nga ta tika, ni munhu a nga ta phirwa hi swakudya; siku munhu a nga ta tiyela endlwini ya yena ya makumu, ni varili va nga ta rhendzeleka emitsendzeleni.

1 TIKRONIKA 10:12

kutani vavanuna hinkwavo lava tiyeke va pfuka va ya teka ntsumbu wa Sawulo ni mitsumbu ya vana va yena, va yi tisa eYabexe. Va lahla marhambu ya vona ehansi ka nkanyi wa Yabexe; kutani va titsona swakudya hi masiku ya ntlhanu na mambirhi.