Genesa 49:8 - Xitsonga (Bibele)

⁸ “Wena, Yuda, vamakwenu va ta ku dzunisa; Voko raku ri ta va ehenhla ka tinhamu ta valala va wena; Vana va tata waku va ta khinsama emahlweni ka wena.

BIBELE Mahungu Lamanene

⁸ “Wena Yuda, vamakwenu va ta ku dzunisa, u ta khoma valala va wena hi tinhamu, vana va tata wa wena va ta ku nkhinsamela.

Genesa 49:8 Referans Kwoze

Vaheveru 7:14

Hikuva ku tiviwa leswaku Hosi ya hina yi hume erixakeni ra Yuda, ri nga leri Muxe a nga ri lerisangiki nchumu ehenhla ka magandzelo.

Genesa 27:29

Matiko a ma ku tirhele, tinxaka ti ku khinsamela. U va hosi ya vamakwenu, ni vana va mana wa wena a va ku khinsamele! A ku rhuketeriwe loyi a nga ta ku rhuketela! Ku katekisiwa loyi a nga ta ku katekisa!”

1 TIKRONIKA 5:2

hikuva Yuda a a ri nkulukumba exikarhi ka vamakwavo, kutani hosi yi humile eka yena; kambe vuhosi a byi ri bya Yosefa.

Yoxuwa 10:24

Kuteloko va tisile tihosi leti emahlweni ka Yoxuwa, Yoxuwa a hlengeleta vavanuna hinkwavo va Israele, kutani a ku eka tihosi ta vanhu va nyimpi lava fambeke na yena: “Tshinelani mi kandziya hi mikondzo ya n'wina emikolweni ya tihosi leti.” Kutani va tshinelela va kandziya hi mikondzo ya vona emikolweni ya tona.

Duteronoma 33:7

Ku katekisa Yuda, a ku: “Oho Yehovha, yingisa rito ra Yuda, U n'wi vuyisa etikweni ra yena. Mavoko ya yena a ma ve ni matimba, U ve mupfuni wa yena ku n'wi kutsula eka valala va yena!”

Genesa 29:35

A tlhela a tika nyimba, a veleka n'wana wa wanuna, a ku: “Namuntlha ndzi ta vonga Yehovha”; hikwalaho a n'wi thya vito ra Yuda (ku vonga). Kutani a nga ha engetanga a kuma vana.

Nhlavutelo 11:15

Kutani ntsumi ya ntlhanu na timbirhi yi yimba nanga ya yona; ku twakala marito lamakulu lama vulavulaka etilweni, ma ku: “Ku fuma ka misava ni ka swilo hinkwaswo ku nyikiwile Hosi ya hina ni Kriste wa yena, kutani u ta fuma hilaha ku nga heriki.”

Nhlavutelo 5:5

Kutani un'wana wa vakulukumba a ku eka mina: “U nga rili, vona, nghala ya rixaka ra Yuda, rimitsu ra Davhida yi hlurile leswaku yi ta pfula buku ni ku lemula ku tiyisa kantlhanu na kambirhi ka yona.”

Vaheveru 10:13

a ri karhi a langutela leswi seleke, hileswaku lava nga valala eka yena, va endliwa vunavelo bya mikondzo ya yena.

Ezekiele 21:29

“Loko swi ri tano, Hosi Yehovha u ri: Leswi ma ha tsundzukaka vuhomboloki bya n'wina, hilaha swidyoho swa n'wina swi vonakarisiwaka, leswaku swidyoho swa n'wina swi vonaka eswiendlweni swa n'wina hinkwaswo hikuva ma ha swi tsundzuka, mi ta khomiwa hi voko ra yena.

Esaya 9:7

ku kurisa ku fuma, ni ku nyika xiluvelo xa Davhida ni ku fuma ka yena ku rhula loku nga heriki, ni ku xi tiyisa, ni ku xi seketela hi ku avanyisa ni ku lulama, sweswi ni hilaha ku nga heriki; ku hiseka ka Yehovha wa tinyimpi ku ta endla sweswo!

Pisalema 76:1

Xikwembu xi tiviwa hi Yuda, Vito ra xona rikulu eka Israele.

2 TIKRONIKA 30:11

Hambiswiritano, vanhu van'wana va Asere ni va Manase ni va Zebuloni va titsongahata, kutani va ta Yerusalema.

2 TIKRONIKA 17:2

a veka mavandla emitini hinkwayo ya makhokholo ya Yuda, a ya veka ni le tikweni ra Yuda ni le mitini ya Efrayimi leyi nga tekiwa hi Asa, tata wa yena.

2 TIKRONIKA 15:9

Kutani a hlengeleta vanhu hinkwavo va Yuda, ni va Benjamini, ni va Efrayimi, ni va Manase, ni va Simiyoni lava akeke exikarhi ka vona; hikuva Vaisraele lavo tala a va tinyiketile eka yena hi ku va va vona leswaku Yehovha, Xikwembu xa yena, a a ri na yena.

2 TIKRONIKA 14:8

Asa a a ri ni nyimpi ya vavanuna va 300 000 va Yuda, lava tamelaka switlhangu ni mafumu, ni va 280 000 va Benjamini lava tamelaka tinhlungula, va karhi va copa hi vurha hinkwavo a ti ri tinhenha.

2 SAMIELE 24:9

Kutani Yowabu a yisa eka hosi ntsengo wa vanhu va tiko Vaisraele a va ri vavanuna lava humaka nyimpi va 800 000; ni va Yuda a va ri vavanuna va 500 000.

2 SAMIELE 22:41

U rhendzelekisile mihlana ya valala va mina emahlweni ka mina, Kutani ndzi herisile lava ndzi vengaka.

2 SAMIELE 5:3

Kutani vakulukumba hinkwavo va Israele va ta ehosini, eHebroni, kutani hosi Davhida a endla xinakulobye na vona, eHebroni, emahlweni ka Yehovha; kutani va chela Davhida hi mafurha va n'wi veka hosi ya Israele.

Vaavanyisi 20:18

Kutani vana Vaisraele va suka, va tlhandlukela eBetele ku ya vutisa Xikwembu, va ku: “I mani eka hina la nga ta hi rhangela emahlweni ku lwa ni vana va Benjamini?” Yehovha a ku: “A ku rhange Yuda.”

Tinhlayo 26:22

Hi tona tinyimba ta Yuda, hi ntsengo wa tona: a va ri 76 500.

Tinhlayo 10:14

Mfungho wa nxaxa wa Yuda wu suka eku sunguleni, va suka hi mavandla ya vona; vandla ra Yuda ri fambisiwa hi Nahaxoni, n'wana Aminadaba;

Tinhlayo 1:27

lava tsariweke va nyimba ya Yuda a va ri 74 600.

Genesa 46:12

Vana va Yuda: Ere, na Onani, na Xela, na Perese na Zera; kambe Ere na Onani a va fele etikweni ra Kanana. Vana va Perese a a ri Hesironi na Hamula.

Genesa 42:6

A a ri yena Yosefa la fumaka etikweni ra Egipta, la xaviselaka vanhu hinkwavo va matiko; na vona vamakwavo va Yosefa va ta, va ta khinsama emahlweni ka yena.

Tinhlayo 26:20

Kutani vana va Yuda, hi tinyimba ta vona a va ri va Xela, nyimba ya va Xela; va Perese, nyimba ya va Perese; va Zera, nyimba ya va Zera.

1 TIKRONIKA 28:4

Yehovha Xikwembu xa Israele, u ndzi hlawurile endlwini hinkwayo ya tatana, leswaku ndzi va hosi ya Israele hi masiku; hikuva u hlawurile Yuda ku va hosi, ni le nyimbeni ya Yuda, u hlawurile yindlu ya tatana; ni le xikarhi ka vana va tatana, hi mina loyi a tsakeleke ku ndzi veka hosi ya Vaisraele hinkwavo.

Yoxuwa 15:20

Hi yona ndzhaka ya nyimba ya vana va Yuda, hi tindlu ta vona.