Genesa 49:6 - Xitsonga (Bibele)

⁶ Moya wanga wu nga tshuki wu nghena exihundleni xa vona! Ku twala ka mina ku nga tshuki ku hlangana ni makungu ya vona! Hikuva eku kariheni ka vona, va dlaye vanhu; Eku titsakeleni ka vona, va tsemile misiha ya tinkunzi.

BIBELE Mahungu Lamanene

⁶ Wena moya wanga, u nga ngheni eswikungwini swa vona, na wena mbilu ya nga, hambana na vona, hikuva loko va karihile, va heta vanhu, va hungasa hi ku lamata swifuwo.

Genesa 49:6 Referans Kwoze

Genesa 34:30

Kutani Yakobo a ku eka Simiyoni ni le ka Levhi: “Mi ndzi dyisa mbitsi, mi ndzi endle rivengo eka vaaki va tiko leri, ni ka Vakanana, ni ka Vaperesi; kasi mina ndzi ni vanhu va nga ri vangani, kutani sweswi, va ta ndzi rhambela, va ndzi wela, ndzi lova ni yindlu ya mina.”

Pisalema 26:9

U nga susi moya wanga swin'we ni vadyohi. Ni vutomi byanga swin'we ni vanhu va ngati,

Pisalema 16:9

Hikwalaho mbilu yanga yi tsakile; Moya wa mina wu tsakile ngopfu; Na yona nyama ya mina yi ta wisa hi ku tshemba.

2 Vakorinto 6:14

Mi nga rhwaleni mpingu wun'we ni lava nga pfumeriki; hikuva ku hlangana ku kwihi exikarhi ka ku lulama ni ku homboloka? Kumbe ku vonakala ku ni ku hlangana kwihi ni munyama?

Luka 12:19

Kutani ndzi ta ku eka moya wa mina: Moya wanga, u ni swilo leswo tala leswi hlengeleteriweke malembe layo tala; wisa, u dya, u nwa, u tsaka.’

Yeremiya 15:17

A ndzi tshamangi exikarhi ka vasandzi leswaku ndzi ya titsakela kona; kambe a ndzi tshama ndzi ri swanga hikwalaho ka voko ra wena leri ndzi khomeke, hikuva u ndzi tatile hi vukari.

Yeremiya 4:19

Marhumbu yanga! Marhumbu yanga! Yowee! Ku vaviseka ka mbilu yanga! Mbilu ya pandza, ndzi nga ka ndzi nga miyeri; hikuva moya wa mina wu twa mpfumawulo wa mhalamhala ni wa nkosi wa nyimpi.

Pisalema 64:2

Ndzi sirhelele eka makungu ya lavo biha, Ni ka ntshungu lowu baka pongo, lowu tirhaka leswo biha.

Pisalema 57:8

Pfuka moya wanga; pfukani n'wina gubu ni haripa! Ndzi ta pfuxa vurhonga bya mixo.

Swivuriso 12:5

Meehleketo ya lavo lulama yi sasekile, Kambe makungu ya lavo biha hi lama kanganyisaka.

Swivuriso 1:11

Loko va ku: “A hi fambeni swin'we! Hi ya etlelela, Hi rhiya lava nga riki na nandzu, hi halata ngati ya vona,

Pisalema 139:19

Oho Xikwembu, ingi loko u lovisa lowo biha! N'wina, vanhu va ngati, tshinelani kule na mina!

Pisalema 103:1

Moya wanga, khensa Yehovha! Na swona hinkwaswo leswi nga eka mina A swi khense vito ra ku kwetsima ka yena!

Pisalema 43:5

Moya wanga, u hele matimba ha yini, u tshukele yini endzeni ka mina? Tshemba Xikwembu, hikuva ndzi ta tlhela ndzi xi dzunisa; Hi xona ku hlayiseka ka mina, ni Xikwembu xa mina.

Pisalema 42:11

Moya wa mina, u hele matimba ha yini, u tshukele yini endzeni ka mina? Tshemba Xikwembu, hikuva ndzi ta tlhela ndzi xi dzunisa; Hi xona ku hlayiseka ka mina ni Xikwembu xanga.

Pisalema 42:5

Moya wanga, u hele ntamu ha yini, u tshukele yini endzeni ka mina? Tshemba Xikwembu, hikuva ndzi ta tlhela ndzi xi dzunisa; Hi xona ku hlayiseka ka mina ni Xikwembu xanga.

Pisalema 30:12

Leswaku mbilu ya mina yi ku yimbelela yi nga miyeli. Yehovha, Xikwembu xa mina, ndzi ta ku dzunisa hi masiku.

Pisalema 28:3

U nga ndzi susi ni lavo biha, ni lava endlaka swo homboloka. Lava vulaka ku rhula eka varikwavo, kasi lunya ri le timbilwini ta vona.

Pisalema 5:10

U va ba, Xikwembu, u va wisa hi makungu ya vona. U va wisa hikwalaho ka swidyoho swa vona leswi teleke; Hikuva va ku hundzukele.

Pisalema 1:1

Ku katekile munhu la nga fambiki hi ku letela ka lavo homboloka, La nga yimiki endleleni ya vadyohi, La nga tshamisiki exitshan'weni xa vasandzi,

Vaavanyisi 5:21

Nambu wa Kixoni wu va kukurile, Nambu wa khale, nambu wa Kixoni. Oho! Moya wanga, u kandziyela va matimba ehansi.

Duteronoma 27:24

“ ‘A ku rhukaniwe la baka warikwavo exihundleni!’ Kutani tiko hinkwaro ri ta hlamula, ri ku: ‘Amen!’

Yoxuwa 11:9

Yoxuwa a va endla hilaha Yehovha a n'wi byeleke hakona: a tsema milenge ya tihanci, a va a hisa tigolonyi ta vona endzilweni.

2 SAMIELE 8:4

Davhida a n'wi tekela vanhu lava khandziyaka tihanci va 1 700, ni vanhu lava fambaka hi milenge va 20 000; Davhida a xeka swihlapfa swa tihanci ta tigolonyi hinkwato, kambe a hlayisa swipani swa dzana.

1 TIKRONIKA 18:4

Davhida a n'wi tekela tigolonyi ta khume ra madzana ni vakhandziyi va tihanci va 7 000, ni lava fambaka hi milenge va 20 000; kutani Davhida a tsema misiha ya milenge ya tihanci ta tigolonyi hinkwato a tihlayisela tigolonyi ta dzana ntsena.