Genesa 49:24 - Xitsonga (Bibele)

²⁴ Kambe vurha bya yena byi tshame byi tiyile; Mavoko ni mandla ya yena ma tiyisiwile Hi mandla ya Nhenha ya Yakobo, Hi loyi a nge Murisi ni Ribye ra Israele.

BIBELE Mahungu Lamanene

²⁴ kambe bya yena vurha a byi debyanga, mavoko ya yena a ma karhalanga ni siku ni rin'we, ma tiyisiwile hi Lowa-matimba, xona Xikwembu xa Yakobo, lexi nga Murisi, ni Ribye ra Israele.

Genesa 49:24 Referans Kwoze

Pisalema 132:2

U hlambanyile ka Yehovha, U tshembisile lowa matimba wa Yakobo, a ku:

Esaya 28:16

Hikwalaho Hosi Yehovha u vurisile, a ku: “Vonani, ndzi veke Siyoni ribye ra masungulo, leri ringiweke, ra le yinhleni, ra risima, leri tiyisiweke. La tiseketelaka eka rona a nga ka a nga hatlisi ku chava.

Pisalema 132:5

Ndzi nga si kumela Yehovha vuako, Ni Lowa matimba wa Yakobo yindlu.”

Pisalema 80:1

Rhiya ndleve, murisi wa Israele, Wena la fambisaka Yosefa, tani hi ntlhambi, Wena la tshamaka exikarhi ka tikerubu, Humelela eku vonakaleni ka wena!

Pisalema 18:30

Tindlela ta Xikwembu ti lulamile, Rito ra Yehovha ri hlawulekile; I xitlhangu eka hinkwavo lava titshembeleke yena.

Ntirho 29:20

Ku vonakala ka mina ku ta hluka hi masiku, Vurha bya mina byi ta tiyisiwa evokweni ra mina.’

2 Timotiya 4:17

Kambe Hosi yi ndzi yimerile, yi ndzi tiyisile leswaku ku dyondzisa ku tiyisiwa ha mina, vamatiko hinkwavo va ta ku twa, kutani ndzi damurhutiwile enon'wini wa nghala.

Vaefesa 2:20

hikuva mi akiwile emasungulweni ya vaapostola ni vaprofeta, Yesu Kriste a nga yena ribye ra masungulo ra kona,

Esaya 1:24

Hikwalaho Hosi, Yehovha wa tinyimpi, nhenha ya Israele, u ri: “Ya! Ndzi ta titsakisa hi lava ndzi vengaka, ndzi ta tirihisela eka valala va mina.

Pisalema 118:22

Ribye leri soriweke hi vaaki Ri endliwile ribye ro rhanga ra yinhla.

Duteronoma 32:4

“Yehovha i Ribye lero tiya; mitirho ya yena yi hetisekile; Hikuva tindlela hinkwato ta yena ti lulamile! I Xikwembu xo tshembeka, a xi na nandzu; Xi ni vunene, xi lulamile,

Genesa 45:5

Kambe sweswi, mi nga vavisekeni, mi nga vileli hi leswi mi nga ndzi xavisa ndzi ta halenu, hikuva Xikwembu xi ndzi rhumile ku rhangela n'wina, ndzi ta tiva ku mi hanyisa.

Vakolosa 1:11

mi ri karhi mi tiyile ematlhelweni hinkwawo hi matimba yo kwetsima ya xona, mi ta va ni ku chivirika hinkwako ni ku yingisela, mi ri ni ku tsaka.

Varhoma 14:4

Xana u mani, wena la avanyisaka nandza wa un'wana? Hambi a yima, hambi a khunguvanyeka, swi tiviwa hi n'wini wa yena; kambe u ta yima, hikuva Hosi yi ni matimba ku n'wi yimisa.

Timhaka 4:11

Hi yena ribye leri cukumetiweke hi n'wina vaaki, kambe ri endliwile ribye lero sungula ra yinhla.

Luka 20:17

Kutani a va languta, a ku: “I yini leswi tsariweke, loko va te: ‘Ribye leri tshikiweke hi vaaki hi rona leri endliweke ribye ra yinhla’?

Marka 12:10

“Xana a mi si hlaya tsalwa le ri nge: ‘Ribye leri vaaki va nga ri nyenya, hi rona le ri nga endliwa ribye ra masungulo ya yinhla?

Matewu 21:42

Yesu a ku eka vona: “Xana a mi si hlaya eMatsalweni mhaka leyi nge: ‘Ribye leri vaaki va ri soleke, hi rona leri nga endliwa ribye ro rhanga ra yinhla; leswo swi endliwe hi Hosi, i mhaka leyi hlamarisaka emahlweni ka hina!’

Zakariya 10:12

Ndzi ta va kurisela eka Yehovha, kutani va ta famba hi vito ra yena,” ku vula Yehovha.

Zakariya 3:9

Hikuva vona, loko ri ri ribye leri ndzi nga ri veka emahlweni ka Yoxuwa, ehenhla ka ribye leri ntsena, ku ni mahlo ya ntlhanu na mambirhi; ndza ri vatla, ku vula Yehovha wa tinyimpi, kutani ndzi ta hlangula ku homboloka ka misava leyi hi siku rin'we.

Esaya 60:16

U ta an'wa mafi ya matiko, u ta an'wa vele ra tihosi; kutani u ta tiva leswaku mina Yehovha, ndzi muponisi wa wena, ni leswaku Lowa matimba wa Yakobo, i mukutsuri wa wena.

Esaya 41:10

U nga chavi, ndzi na wena. U nga tshuki hikuva ndzi Xikwembu xa wena. Ndza ku tiyisa, ndza ku lwela, ndzi ku khoma hi voko ra mina ra xinene leri hlulaka.

Esaya 29:24

Kutani lava moya wa vona ingi wu hambukile va ta dyondza vutlhari, ni lava nga kaneta, va ta amukela dyondzo.”

Pisalema 89:1

Ndzi ta yimbelela tintswalo ta Yehovha hi masiku; Milomu ya mina yi ta tivisa ku tshembeka ka wena hi laha ku nga heriki.

Pisalema 44:7

Hikuva hi wena la hi ponisaka eka valala va hina, La khomisaka lava hi vengaka tingana,

Pisalema 28:8

Yehovha i matimba ya tiko ra yena, I khokholo ra ku hlayiseka ka muhlawuriwa wa yena.

Pisalema 27:14

Langutela Yehovha, u tshama u tiya; Mbilu ya wena a yi tiye! U titshembela Yehovha!

Pisalema 23:1

Yehovha i murisi wa mina: ndzi nga ka ndzi nga pfumari nchumu.

Pisalema 18:1

Ndzi ta ku rhandza ngopfu, wena Yehovha, matimba ya mina!

Nehemiya 6:9

Hikuva hinkwavo a va lava ku hi chavisa, va ku: “Mavoko ya vona ma ta hela matimba leswaku ntirho wu nga yi emahlweni.” Oho Xikwembu xanga! Sweswi wa nga tiyisa mavoko ya mina!

Duteronoma 34:9

Kambe Yoxuwa, n'wana Nuni, a tala moya wa vutlhari, hikuva Muxe a a n'wi tlhandlekile mavoko ya yena ehenhla. Vana va Israele va n'wi yingisa, va endla hilaha Yehovha a leriseke Muxe hakona.

Eksoda 3:6

Xi engeta xi ku: “Hi mina Xikwembu xa tata wa wena, Xikwembu xa Abrahama, ni Xikwembu xa Isaka, ni Xikwembu xa Yakobo.” Kavaloko Muxe a funengeta mombo wa yena, hikuva a a chava ku languta Xikwembu.

Genesa 50:21

Sweswi, mi nga chaveni, ndzi ta mi fihluta ni vana va n'wina.” A va chavelerisa sweswo, a rhulisa ni timbilu ta vona.

Genesa 47:12

Kutani Yosefa a wundla tata wakwe ni vamakwavo, ni va yindlu ya tata wakwe, hi ku encenyeta ku tala ka vana va vona.

Genesa 45:11

Ndzi ta ku wundla kona (hikuva malembe ya ntlhanu ya ndlala ma ha ta), hileswaku u nga ti tshuka u hungutiwa wena, ni yindlu ya wena, ni lava u nga na vona hinkwavo.’

Genesa 45:7

Xikwembu xi ndzi rhumile emahlweni ka n'wina ku mi ponisa emisaveni, ni ku mi hanyisa hi ku pona lokukulu.

Genesa 48:15

Kavaloko a katekisa Yosefa, a ku: “Xikwembu lexi vakokwana, Abrahama na Isaka, va fambeke emahlweni ka xona, Xikwembu lexi nga ndzi risa mpfhuka ndzi velekiwa ku fikela sweswi,

Genesa 49:23

Va n'wi pfukile, va n'wi hoxetela hi miseve, Vatlhonyi va n'wi karhata hi rivengo ra vona;

Duteronoma 33:27

Xikwembu xa khale i vuchavelo! Mavoko lama nga heriki ma ku tlakusile. Xi hlongorile nala emahlweni ka wena, Kutani xi ku: ‘Herisa!’

2 SAMIELE 5:2

Khale, loko Sawulo a hi fuma, a a ri wena u tshamaka u humesa ni ku vuyisa Israele. Kutani Yehovha a ku eka wena: ‘Hi wena la nga ta risa tiko ra mina ra Israele; hi wena la nga ta va hosi ya Israele.’ ”

Pisalema 73:23

Hambiswiritano, ndzi na wena hi masiku, U ndzi khomile hi voko ra xinene;

Pisalema 132:1

Yehovha, tsundzuka Davhida, ni ku xaniseka ka yena hinkwako!

Esaya 49:26

Ndzi ta dyisa vaxanisi va wena nyama ya vona, va ta pyopyiwa hi ngati ya vona, yi va tanihi vhinyo leyintshwa, kutani nyama hinkwayo yi ta tiva leswaku mina Yehovha, ndzi Muponisi wa wena, ni leswaku Mukutsuri wa wena hi Lowa matimba wa Yakobo.”

Yoxuwa 17:18

hikuva ntshava yi ta va ya n'wina, leswi xi nga xihlahla, mi ta xi xakatsa, kutani tindlela ta yona ti ta va ta n'wina; hikuva mi ta hlongola Vakanana, hambi va ri ni tigolonyi ta tinsimbhi, hambi va ri ni matimba.”

Vaavanyisi 1:22

Va yindlu ya Yosefa va tlhandlukele eBetele, kutani Yehovha a va na vona.

2 TIHOSI 13:16

Elixa a ku eka hosi ya Israele: “Khoma vurha hi voko ra wena.” Kuteloko a tamerile vurha, Elixa a tlhandlekisa mavoko ya yena emavokweni ya hosi,