Genesa 49:21 - Xitsonga (Bibele)

²¹ “Neftali, i mbavala leyi dlalatsaka; Ku vulavula ka yena ku sasekile.

BIBELE Mahungu Lamanene

²¹ “Neftali i mhunti leyi ntshunxekeke, leyi velekaka vana lavo xonga.

Genesa 49:21 Referans Kwoze

Duteronoma 33:23

Eka Neftali, a ku: “Oho Neftali! U xurhe tintswalo, U tarile hi ku kateka ka Yehovha! Yana u fuma tlhelo ra vupeladyambu ni le dzongeni!”

Genesa 30:8

Rahele a ku: “Ndzi lwile ni makwerhu hi ku lwa ka Xikwembu, hi laho-ke ndzi nga n'wi hlula!” Kutani a n'wi thya vito ra Neftali (ku lwa ka mina).

Vaavanyisi 5:18

Zebuloni i tiko leri nga chaviki rifu, Na yena Neftali swi va tano Eswitsungeni swa le nhoveni.

Vaavanyisi 4:10

Debora a suka a ya eKedexe a ri na Baraka. Kutani Baraka a vitanela eKedexe va Zebuloni ni va Neftali, a tlhandluka a ri ni vanhu va 10 000, na yena. Debora a tlhandluka na yena.

Vaavanyisi 4:6

Kutani Debora a rhuma a vitana Baraka n'wana Abinowama, wa Kadexe-Neftali, a ku eka yena: “Xana Yehovha, Xikwembu xa Israele a nga lerisangi mhaka leyi xana? Yana u khandziya ntshava ya Taboro u ri ni vavanuna va 10 000 va vana va Neftali ni vana va Zebuloni.

Genesa 46:24

Vana va Neftali: Yahasele, na Guni, na Yesere, na Xileme.

Swivuriso 5:19

Mhunti leyi rhandzekaka, ntshembe ya ku saseka, Vumbhurhi bya yena a byi ku tsakise hi masiku, Rirhandzu ra yena a ri tate mbilu ya wena hi masiku.

Risimu ra Tinsimu 2:7

Ndza mi lerisa, n'wina vanhwanyana va Yerusalema, Hi timhala, ni timbavala ta le nhoveni, Leswaku mi nga n'wi hiti, ni loko ku ri ku pfuxa murhandziwa wa mina, A nga si swi rhandza.

Yeremiya 14:5

Swi tsandza ni mbavala ya nhova, loko yi veleka, yi tshika rhole ra yona hikuva a ku na rihlaza.

2 TIKRONIKA 10:7

Kavaloko va vulavula na yena, va ku: “Kungakuloko u endlela tiko leri hi vunene ni loko u va amukela hi tintswalo, u vulavula na vona hi vunene va ta ku tirhela hi masiku.”