Genesa 49:10 - Xitsonga (Bibele)

¹⁰ Ku fuma ku nga ka ku nga suki eka Yuda, Ni loko yi ri nhonga ya vuhosi, exikarhi ka milenge ya yena, Ku kondza ku fika eXilo, Kutani va matiko va ta yingisela yena.

BIBELE Mahungu Lamanene

¹⁰ Ndzalama ya vuhosi yi nga ka yi nga suki emutini wa Yuda, hambi yi ri nhonga ya vuhosi a yi nga suki emilengeni ya yena, ku kondza n'wini wa swona a humelela, loyi matiko ma nga ta n'wi yingisa.

Genesa 49:10 Referans Kwoze

Tinhlayo 24:17

Ndzi n'wi vona, kambe a hi sweswi, Ndza n'wi hlalela, kambe ku nga ri kusuhi. Nyeleti yi hume eka Yakobo, Nhonga ya vuhosi yi hume eIsraeleni. Yi tlhava matsheve ya Mowabu, Yi heta vana hinkwavo va dzolonga.

Esaya 9:6

Hikuva hi velekeriwe n'wana, hi nyikiwe n'wana wa wandzisanyana, vuhosi byi vekiwile ekhatleni ra yena. U ta thyiwa Muhlamarisi, Mutsundzuxi, Xikwembu xa matimba, Tatana la nga riki na ku hela, Hosi ya ku rhula;

Esaya 42:1

“Hi loyi nandza wa mina, loyi ndzi nga ta n'wi yimela, Muhlawuriwa wanga, loyi moya wa mina wu n'wi tsakelaka. Ndzi vekile moya wa mina ehenhla ka yena, u ta dyondzisa vamatiko leswo lulama.

Pisalema 60:7

Giliyadi i wa mina, Manase i wa mina; Efrayimi i khokholo ra nhloko ya mina, Yuda i nhonga ya mina ya vuhosi;

Esaya 33:22

Hikuva Yehovha i muavanyisi wa hina; Yehovha i mulawuri wa hina; Yehovha i hosi ya hina; u ta hi hlayisa!

Vaheveru 7:14

Hikuva ku tiviwa leswaku Hosi ya hina yi hume erixakeni ra Yuda, ri nga leri Muxe a nga ri lerisangiki nchumu ehenhla ka magandzelo.

Zakariya 10:11

Israele u ta famba exikarhi ka lwandle ra makhombo, kambe exikarhi ka lwandle u ta ba magandlati, kutani swidziva hinkwaswo swa nambu swi ta phya: ku tidzunisa ka Asiriya ku ta tsongahatiwa, ku susiwa ni nhonga ya vuhosi ya Egipta.

Ezekiele 21:27

Vonani lexi bvumbhaka xi le vokweni ra yena lera xinene, xi komba eYerusalema! Ku ta vekiwa tinsimbhi to wisa marhangu ya muti, ku endliwa tihuwa eku dlayeni, ku tlhaviwa mukhosi, ku vekiwa tinsimbhi ku faya timbanti ta tinyangwa, ku akiwa tinhulu, ku akiwa makhokholo.

Nhlavutelo 11:15

Kutani ntsumi ya ntlhanu na timbirhi yi yimba nanga ya yona; ku twakala marito lamakulu lama vulavulaka etilweni, ma ku: “Ku fuma ka misava ni ka swilo hinkwaswo ku nyikiwile Hosi ya hina ni Kriste wa yena, kutani u ta fuma hilaha ku nga heriki.”

Varhoma 15:12

Esaya, na yena, u te: “Ku ta humelela hluke ra Yese leri nga ta yima ku fuma matiko, kutani vamatiko va ta tshemba yena.”

Yohane 12:32

Kutani mina, kutakuloko ndzi ta va ndzi tlakusiwile emisaveni, ndzi ta kokela vanhu hinkwavo eka mina.”

Zakariya 2:11

Matiko ya ku tala ma ta namarhela Yehovha hi siku rero kutani va ta va tiko ra mina; ndzi ta tshama exikarhi ka wena, u ta tiva leswaku Yehovha wa tinyimpi u ndzi rhumile eka wena.

Yeremiya 30:21

Hosi ya wena yi ta huma eka yena mufumi wa yena u ta huma exikarhi ka yena ndzi ta n'wi tshineta, kutani u ta ta eka mina; hikuva i mani la nga ta kanya mbilu leswaku a tshinelela ka mina, ku vula Yehovha.

Esaya 11:10

Enkarhini wolowo rimitsu ra Yese ri ta yimiseriwa matiko tanihi mfungho, matiko ma ta ri lava, kutani vuako bya rona byi ta va ku vonakala ntsena.

Yohane 19:15

Kambe va huwelela, va ku: “N'wi suse, n'wi suse, u n'wi vambe!” Pilato a ku eka vona: “Ndzi ta vamba hosi ya n'wina xana?” Vaprista lavakulu va hlamula, va ku: “A hi na hosi yimbe loko a nga ri Khezari.”

Matewu 1:21

U ta veleka wandzisanyana, kutani u ta n'wi thya vito ra Yesu (hileswaku Muponisi), hikuva hi yena la nga ta ponisa tiko ra yena eku biheni ka rona.”

Esaya 62:11

Maswivo, Yehovha u tivisile ku ya fika emakun'wini ya misava, a ku: “Byelani n'wana wa Siyoni: ‘Waswivo muponisi wa wena wa ta; waswivo, ku khensa ka yena ku na yena, ni hakelo ya yena yi le mahlweni ka yena.’ ”

Esaya 60:1

“Suka u yima, u va u kwetsima, hikuva ku vonakala ka wena ku xile, kutani ku twala ka Yehovha ku humelele eka wena!

Esaya 2:2

Emikarhini ya makumu, ku ta humelela leswaku ntshava ya yindlu ya Israele yi ta vekiwa enhlohlorhini ya tintshava, yi tlakusiwa ehenhla ka switsunga, kutani matiko hinkwawo ma ta talela kona.

Pisalema 108:8

Giliyadi i wa mina; Manase i wa mina! Efrayimi, i xiseketelo xa nhloko ya mina; Yuda, ndzi n'wi vekile ku lerisa milawu ya mina.

Tinhlayo 21:18

“Pfelela xihlovo! Mi xi yimbelela! Xihlovo lexi tihosi ti xi celeke; Lexi vakulu va tiko va xi celeke Hi tinhonga ta vona ta vuhosi.”

Matewu 25:32

Kutani matiko hinkwawo ma ta hlengeletiwa emahlweni ka yena, u ta hlawula van'wana eka van'wana, kukotisa murisi loko a hlawula tinyimpfu eka timbuti.

Matewu 21:9

Kambe mitshungu leyi n'wi rhangeleke emahlweni, ni leyi n'wi landzelaka endzhaku, va bongosa, va ku: “Hosanna (hileswaku, wanga ponisa), eka N'wana Davhida! A ku khensiwe la taka hi vito ra Hosi! Hosanna ematilweni ya le henhla ka tilo.”

Matewu 17:5

A ku a ha vulavula, papa lero vangama ri humelela ri va khubumeta; kutani ku twakala rito leri humaka epapeni ri ku: “Loyi, i n'wananga la rhandziwaka, loyi ndzi n'wi tsakelaka: n'wi yingiseni.”

Hagayi 2:7

Ndzi ta tsekatsekisa ni matiko hinkwawo kutani leswi rhandzekaka swa matiko hinkwawo swi ta ta kwala, ndzi va ndzi tata yindlu leyi hi ku kwetsima, ku vula Yehovha wa mavandla.

Daniele 9:25

Tiva u twisisa leswaku ku suka eritweni leri leriseke leswaku Yerusalema, wu ta tlhela wu akiwa ku ya fika eka Mesiya Hosi, ku ta hundza mavhiki ya ntlhanu na mambirhi ni mavhiki ya 62, kutani muti wu ta tlhela wu pfuxiwa wu akiwa, ni mitsendzele ni rirhangu ra wona, kambe ku ta va emikarhini ya nhlomulo.

Ezekiele 19:14

Ndzilo wu humile emarhavini, wu hisile mihandzu; yi nga ha ri na marhavi lamanene lama ringanaka nhonga ya vuhosi. Hi rona rito ra nhlomulo, ri ta va rito ra nhlomulo.

2 Vakorinto 5:10

Hikuva hi ta fanela ku humelela hinkwerhu emahlweni ka xitshamo xa ku avanyisa xa Kriste, leswaku un'wana ni un'wana a ta amukela leswi ringanaka leswi a swi endleke loko a ha ri emirini, hambi swi ri leswo saseka, hambi swi ri leswo biha.

Yohane 19:12

Ku sungula enkarhini lowo, Pilato a lava hilaha a nga ta n'wi tshunxa ha kona; kambe Vayuda va huwelela, va ku: “Loko u tshunxa loyi, a ku rhandzi Khezari.”

Yohane 18:31

Pilato a ku eka vona: “N'wi tekeni mi ri n'wina, mi n'wi avanyisa hi nawu wa n'wina.” Kambe Vayuda va ku eka yena: “A hi pfumeleriwi ku dlaya munhu.”

Ezekiele 19:11

Yi hlukise marhavi lamakulu, lama ringanaka tinhonga ta vuhosi. Vanhu a va yi languta hikwalaho ka ku tlakuka ka yona, ni ku tala ka marhavi ya yona.

Yohane 9:7

a ku eka yena: “Famba u ya hlamba evuhlambelweni bya Silowama” (hileswaku xirhumiwa).

Duteronoma 28:57

kutani u ta ala ku va nyika gula leri humeke exikarhi ka milenge ya yena, hambi va ri vana lava a va velekeke; hikuva u ta va dya exihundleni hi ku pfumala hinkwaswo, eku hlaseleni ni le ku xanisekeni loko valala va wena va nga ta ku xanisa hakona emitini ya wena.

Yeremiya 33:26

na kona ndzi ta tshika vatukulu va Yakobo ni va Davhida, nandza wa mina ndzi nga ha tshuki ndzi teka evaneni va yena la nga ta fuma vatukulu va Abrahama, ni va Israele, ni va Yakobo; hikuva ndzi ta vuyisa vakhomiwa va vona, ndzi va tsetselela.”

Tinhlayo 24:19

La humaka eka Yakobo wa fuma, U va heta lava salaka emitini.”

2 SAMIELE 7:13

U ta va yena la nga ta akela vito ra mina yindlu, kambe ndzi ta tiyisa xiluvelo xa ku fuma ka yena hi masiku.

2 SAMIELE 7:16

Kambe yindlu ya wena, ni vuhosi bya wena byi ta tshama hilaha ku nga heriki emahlweni ka wena: swiluvelo swa wena swi ta tiya hi masiku.’ ”

1 TIKRONIKA 12:24

Vana va Yuda lava tamelaka xitlhangu ni tlhari va ri 6 800, lava hlomaka ku huma nyimpi.

1 TIKRONIKA 12:39

Kutani va tshama kona masiku manharhu na Davhida, va dya, va nwa, hikuva vamakwavo a va va lunghisele hinkwaswo.

Pisalema 60:9

I mani la nga ta ndzi fambisa emutini wa khokholo? I mani la nga ta ndzi fikisa eEdomu?

Pisalema 78:68

Kambe xi hlawula rixaka ra Yuda, Ni ntshava ya Siyoni leyi xi yi rhandzaka.

Esaya 55:3

Rhiyani tindleve, tanani eka mina, yingisani, kutani mimoya ya n'wina yi ta hanya: ndzi ta endla na n'wina ntwanano lowu nga heriki, ku tiyisa tintswalo ta mina eka Davhida.

Ezekiele 21:32

Ndzi ta xi cukumeta, ndzi xi cukumeta; ndzi xi cukumeta; lexi nga kona a xi nga ha vi kona, ku kondza ku fika loyi ku avanyisa ku nga ka yena, loyi ndzi nga ta n'wi nyika kona.

Mikiya 5:1

Sweswi, tilunghise, Siyoni wa mavandla! Hi ta rhendzeriwa hi valala; va n'wi ba hi xigombo erhameni, yena muavanyisi wa Israele!