Genesa 49:1 - Xitsonga (Bibele)

¹ Kavaloko Yakobo a vitana vana va yena, a ku: “Hlengeletanani, ndzi ta mi tivisa leswi nga ta mi humelela emikarhini leyi taka.

BIBELE Mahungu Lamanene

¹ Kutani Yakobo a byela vana va yena, a ku: “Hlengeletanani, ndzi ta mi tivisa leswi swi nga ta mi humelela eminkarhini leyi taka:

Genesa 49:1 Referans Kwoze

Tinhlayo 24:14

Kutani sweswi ndzi tiyela eka rikwerhu. Tana, ndzi ta ku tivisa leswi tiko leri ri nga ta swi endla eka tiko ra wena masiku man'wana.”

Daniele 10:14

Kutani ndzi tile sweswi ku ku tivisa leswi nga ta humelelela tiko ra wena emikarhini ya makumu; hikuva xa ha ri xikombiso xa leswi nga ta ta.”

Yeremiya 23:20

Vukari bya Yehovha byi nga ka byi nga tlheri a nga si endla ni ku heta ku anakanya ka mbilu ya yena; enkarhini wa makumu mi ta swi vonisisa.

Duteronoma 4:30

Kutakuloko u le khombyeni, ni loko swilo hinkwaswo leswi swi fikele ka wena emikarhini leyi nga ta ta, u ta tlhelela eka Yehovha, Xikwembu xa wena, kutani u ta yingisa rito ra yena.

Nhlavutelo 4:1

Endzhaku ka sweswo ndzi languta, kutani ndzi vona nyangwa yi pfuriwile etilweni kutani rito lero rhanga leri ndzi ri tweke, ri vulavula na mina, ri fana ni nanga, ri ku: “Tlhandlukela halenu, ndzi ta ku kombisa leswi nga ta humelela endzhaku ka leswi.”

Esaya 2:2

Emikarhini ya makumu, ku ta humelela leswaku ntshava ya yindlu ya Israele yi ta vekiwa enhlohlorhini ya tintshava, yi tlakusiwa ehenhla ka switsunga, kutani matiko hinkwawo ma ta talela kona.

Pisalema 105:15

A ku: “Mi nga khumbeni vahlawuriwa va nga, Mi nga tshuki mi endlela vaprofeta va mina swo biha!”

Pisalema 25:14

Makungu ya Yehovha i ya lava n'wi chavaka, Ku va dyondzisa ntwanano wa yena.

Duteronoma 31:12

Hlengeleta tiko, vavanuna, ni vavasati, ni vana, ni muluveri wa wena la nga emitini ya wena, va ta swi yingisa va ta dyondza ku chava Yehovha, Xikwembu xa n'wina, va chivirika ku hlayisa marito hinkwawo ya nawu lowu.

Vaheveru 1:2

kambe sweswi, hi masiku walawo ya makumu, xi vulavule na hina hi N'wana wa xona, yeloyi xi n'wi vekeke mudyandzhaka wa swilo hinkwaswo, yeloyi kambe xi endleke ha yena hinkwaswo leswi vumbiweke,

2 Timotiya 3:1

U nga tiva mhaka leyi, leswaku emasikwini ya makumu, ku ta humelela mikarhi yo nonon'hwa.

1 Timotiya 4:1

Kambe Moya wu vurisile leswaku emikarhini ya le ndzhaku, van'wanyana va ta tlhela eku pfumeleni, va namarhela mimoya leyi kanganyisaka, ni tidyondzo ta mademona,

Timhaka 2:17

‘Hi masiku ya makumu, ku vula Xikwembu, ndzi ta chela nyama hinkwayo hi Moya wa mina; vana va n'wina va xinuna ni va xisati va ta bvumbha, lavantshwa va n'wina va ta vona mahlori; ni swidyuhati swa n'wina swi ta lorha milorho.

Luka 2:26

A a kombisiwile khale hi Moya lowo Kwetsima leswaku a nga ka a nga fi a nga si vona Kriste wa Hosi;

Mikiya 4:1

Emikarhini ya makumu, ntshava ya yindlu ya Yehovha yi ta va yi yimisiwile ehenhla ka tintshava, yi wungamela switsunga, kutani matiko ma ta hangalakela kona.

Amosi 3:7

Hikuva Hosi, Yehovha, a nga endli nchumu a nga si kombisa makungu ya yena eka malandza ya yena va nga vaprofeta.

Daniele 10:1

Hi lembe ra vunharhu ra Korexe hosi ya Peresi, rito ri kombisiwa Daniele la thyiweke vito ra Beltexatsara; rito lero ri tiyile, kambe ri vula khombo lerikulu; kutani a xiya rito lero swinene, a twisisa ni xivono.

Daniele 2:47

Kutani hosi yi vulavula na Daniele, yi ku: “Kunene Xikwembu xa n'wina i Xikwembu xa swikwembu, ni Hosi ya tihosi, ni muhlavuteri wa swihundla, hikuva xi kotile ku ndzi hlavutela xihundla xexo.”

Esaya 53:1

Ku pfumerile mani lexi hi nga byerisa xona, kutani voko ra Yehovha ri kombisiwe eka mani?

Esaya 39:6

Waswivo, masiku ma ta, lawa hinkwaswo leswi nga endlwini ya wena, ni hinkwaswo leswi vatata wa wena va swi hlengeleteke ku fika siku leri, swi ta yisiwa eBabilona, ku nga ka ku nga sali nchumu, ku vula Yehovha.

Esaya 22:14

Yehovha wa tinyimpi u ndzi hleverile, a ku: “Hakunene, ku dyoha loku mi nga ka mi nga ku khomeriwi, mi ta ondza mi fa, ku vula Hosi, Yehovha wa tinyimpi.”

Vaheveru 13:1

A ku tiye ku rhandzana.

Esaya 48:14

Hlengeletanani hinkwenu, mi yingisa: I mani wa vona la bvumbheke swilo leswi? La rhandziwaka hi Yehovha u ta endla eka Babele lexi a xi rhandzaka, voko ra yena ri ta lwa ni Vakalediya.