Genesa 48:15 - Xitsonga (Bibele)

¹⁵ Kavaloko a katekisa Yosefa, a ku: “Xikwembu lexi vakokwana, Abrahama na Isaka, va fambeke emahlweni ka xona, Xikwembu lexi nga ndzi risa mpfhuka ndzi velekiwa ku fikela sweswi,

BIBELE Mahungu Lamanene

¹⁵ Kutani Yakobo a katekisa Yosefa, a ku: “Xikwembu lexi vatata wa mina Abrahama na Isaka va xi tirheleke, xi nga Xikwembu lexi xi ndzi hlayiseke vutomi bya mina hinkwabyo,

Genesa 48:15 Referans Kwoze

Genesa 17:1

Kuteloko Abrama a hanyile malembe ya 99, Yehovha a tikombisa eka Abrama, a ku eka yena: “Hi mina Xikwembu xa matimba hinkwawo.

Vakolosa 2:6

Kutani sweswi, kukota leswi mi amukeleke Hosi Yesu Kriste, fambisani xisweswo eka yena;

Vaheveru 11:21

Hi ku pfumela, Yakobo, siku a faka, a katekisa vana va Yosefa, un'wana ni un'wana, kutani a khongela a tiseketele hi nhonga ya yena.

2 Vakorinto 1:12

Hikuva ku tidzunisa ka hina ku le vumbhonini bya ripfalo ra hina; hikuva hi hanyile ematikweni, ngopfu exikarhi ka n'wina, hi mbilu leyi pfumalaka mano, hi ri ni vunene bya Xikwembu, byi nga ri vutlhari bya nyama, kambe ti ri tintswalo ta Xikwembu.

1 Vakorinto 10:31

Kambe hambi mi dya, hambi mi nwa, hambi mi endla yini na yini, endlani hinkwaswo ku dzunisa Xikwembu.

Luka 1:6

Ha vambirhi a va lulamile emahlweni ka Xikwembu, a va famba emilawini hinkwayo, ni le ku leriseni hinkwako ka Hosi, va nga soriwi ha nchumu.

Yeremiya 8:2

ma ta hangalasiwa eku vonakaleni ka dyambu, ni ka n'weti, ni ka mavandla hinkwawo ya tilo, swi nga hinkwaswo leswi va nga swi rhandza, ni hinkwaswo leswi va nga swi tirhela, ni leswi va nga famba eka swona, ni leswi va tshamaka va ya vutisa eka swona, leswi va tshamaka va swi khinsamela; kambe ma nga ka ma nga hlengeletiwi ni loko ku ri ku yimberiwa; byi ta va vulongo etikweni leri.

Esaya 33:16

Hi yena la nga ta aka endhawini leyi tlakukeke; vuchavelo bya yena ma ta va makhokholo lama sunguriweke emaribyeni; u ta nyikiwa vuswa bya yena, kutani mati ya yena a ma nga phyi.

Esaya 30:21

Kutani tindleve ta wena ti ta twa rito endzhaku ka wena, ri ku: “Ndlela hi leyi, fambani ha yona,” mi nga yi hi ra xinene, kumbe hi ra ximatsi!

Eklesiasta 6:7

Ntirho hinkwawo wa munhu wu yisiwa enon'wini wa yena, hambiswiritano, ku navela ka yena a ku xurhi.

Eklesiasta 5:18

Lexi ndzi xi voneke hi lexi: hi lexinene ni lexo saseka ku dya ni ku nwa, ni ku titsakela hi ku karhateka hinkwako loku munhu a tikarhataka hakona ehansi ka dyambu, hi masiku hinkwawo ya vutomi bya yena lawa Xikwembu xi n'wi nyikeke wona, hikuva hi kona ku averiwa ka yena.

Eklesiasta 5:12

Vurhongo bya munhu la tirhaka bya nandziha, hambi a dya ngopfu, hambi a dya switsanana; kambe ku xurha ka mufuwi a ku n'wi nyiki vurhongo.

Pisalema 37:3

Tshemba Yehovha, u endla leswo lulama, U aka etikweni, u xurha vunene.

Pisalema 23:1

Yehovha i murisi wa mina: ndzi nga ka ndzi nga pfumari nchumu.

Pisalema 16:8

Ndzi vekile Yehovha emahlweni ka mina hi masiku; Ndzi nga ka ndzi nga tsekatseki, hikuva u le tsheveni ra mina ra xinene.

1 TIHOSI 3:6

Solomoni a ku: “U kombisile tintswalo letikulu eka nandza wa wena Davhida, tata wa mina, hilaha a nga famba emahlweni ka wena entiyisweni, ni le ku lulameni, ni le vuneneni bya mbilu; u n'wi hlayisele tintswalo letikulu leti, kutani u n'wi nyikile n'wana la tshamisaka exitshan'weni xa vuhosi xa yena hilaha swi nga swona namuntlha.

Duteronoma 33:1

Hi kona ku katekisa ka Muxe wanuna wa Xikwembu, loko a katekisa vana va Israele, a nga si fa, a ku:

Genesa 49:28

Lava khume na vambirhi valavo, hi tona tinyimba hinkwato ta Israele, na wona marito lawa, hi wona lawa tata wa vona a nga ma vula siku a va katekisaka. A va katekisa un'wana ni un'wana hi ku katekisiwa ka yena.

Genesa 49:24

Kambe vurha bya yena byi tshame byi tiyile; Mavoko ni mandla ya yena ma tiyisiwile Hi mandla ya Nhenha ya Yakobo, Hi loyi a nge Murisi ni Ribye ra Israele.

Genesa 48:16

ni ntsumi leyi nga ndzi lamula eku biheni hinkwako, a xi katekise varisanyana lavo; a va thyiwe vito ra mina, ni mavito ya vakokwana Abrahama na Isaka, va andza ngopfungopfu laha emisaveni.”

Genesa 28:22

Kutani ribye leri ndzi ri yimiseke ndzi ri endla xitsundzuxo, yi ta va yindlu ya Xikwembu; kutani eka hinkwaswo leswi u nga ta ndzi nyika swona, ndzi ta ku humesela hakunene ku avanyisa ka vukhume.”

Genesa 28:20

Yakobo a hlambanya, a ku: “Kungakuloko Xikwembu xi va na mina, xi ndzi hlayisa endleleni leyi ndzi yi khomeke, xi ndzi nyika vuswa ndzi dya, ni tinguvu ndzi funengela,

Genesa 28:3

Xikwembu lexi nga ni matimba, xi ta ku katekisa, xi ku andzisa, xi ku kurisa, u endla vunyingi bya matiko;

Genesa 27:4

U ta ndzi lunghisela murhu lowu ndzi wu rhandzaka, u ndzi nehela wona, ndzi dya, kutani moya wa mina wu ku katekisa ndzi nga si fa.”

Genesa 24:20

Kutani a hatlisa a chulula khuwana ra yena exitsengeleni, a tlhela a tsutsumela exihlobyeni ku ka mati, a kela tikamela ta yena hinkwato.

Genesa 6:9

Hi vona lavo vana va Nowa: Nowa a a ri munhu la lulameke ni la sasekeke enkarhini wa yena. Nowa a tshama a famba ni Xikwembu.

1 Vatesalonika 2:12

ha mi khongotela leswaku mi famba hi mukhuva lowu dzunisaka Xikwembu lexi mi vitaneleke eku fumeni ka xona, ni le ku vonakaleni ka xona.

Eksoda 3:16

Famba, u ya hlengeleta vakulukumba va Israele, u ku eka vona: ‘Yehovha, Xikwembu xa vatata wa n'wina, Xikwembu xa Abrahama, ni xa Isaka, ni xa Yakobo, xi tikombisile eka mina,’ xi ku: ‘Ndzi mi kambile kunene; ndzi vonile leswi mi endliwaka swona eEgipta,’

Eksoda 4:5

“U ta endlisa sweswo va ko va pfumela leswaku Xikwembu xa vatata wa vona, Xikwembu xa Abrahama, Xikwembu xa Isaka, Xikwembu xa Yakobo, xi tikombisile eka wena.”

1 TIKRONIKA 5:1

Vana va xinuna va Rhuveni, mativula ya Israele. Hikuva a a ri mativula, ntsena hi leswi a nga nyamisa xilawu xa tata wa yena, vuhosi bya yena byi nyikiwile vana va Yosefa, n'wana Israele; swi nga ri leswaku Yosefa a tsariwa mativula;

Genesa 24:40

Kutani a ku eka mina: ‘Yehovha, yeloyi ndzi fambaka emahlweni ka yena, u ta rhumela eka wena ntsumi ya yena, u ta katekisa ndlela ya wena, u ta tekela n'wananga nsati wa ka rikwerhu, ni wa yindlu ya tatana.

Genesa 27:27

Kutani a tshinela, a n'wi ntswontswa. Kutani Isaka a twa ku nun'hwela ka tinguvu ta yena, a n'wi katekisa, a ku: “Kunene, ku nun'hwela ka n'wananga ku ni ku nun'hwela ka nsimu leyi nga katekisiwa hi Yehovha.

Genesa 35:3

kutani hi ta suka hi tlhandlukela eBetele, ndzi akela kona gandzelo eka Xikwembu lexi nga ndzi hlamula siku ra khombo ra mina, xi nga va na mina endleleni leyi ingi ndzi fambile eka yona.”

Genesa 49:22

“Yosefa i rhavi ra murhi lowu vekaka, I rhavi ra murhi lowu vekaka, lowu nga ekusuhi ni xihlovo, Marhavi ya wona ma tlula ehenhla ka rihlampfu.