Genesa 48:14 - Xitsonga (Bibele)

¹⁴ Kambe Israele a tshambulutela voko ra xinene a ri veka enhlokweni ya Efrayimi (kasi a a ri wandzisana), kutani voko ra ximatsi a ri tlhandleka enhlokweni ya Manase, a hambanyisa mavoko ha vomu, kasi Manase a a ri lowa hosi.

BIBELE Mahungu Lamanene

¹⁴ Hiloko Yakobo a hambanyisa mavoko ya yena, lera xinene a ri tlhandleka enhlokweni ya Efrayimi, lontsongo wa kona, kasi lera ximatsi a ri tlhandleka enhlokweni ya Manase, yena mativula ya Yosefa.

Genesa 48:14 Referans Kwoze

Genesa 41:51

Lowa hosi, Yosefa a n'wi chula vito ra Manase (ku rivala) a ku: “Hikuva Xikwembu xi ndzi riverisile ku karhala ka mina, ni swa le kaya hinkwaswo swa le ka tatana.”

1 Timotiya 5:22

U nga hatlisi ku tlhandleka mavoko ehenhla ka munhu; kambe u nga ngheni eku dyoheni ka van'wana; u tihlayisa u ri la tengeke.

1 Timotiya 4:14

U nga rivali nyiko leyi u nga na yona, leyi u yi nyikiweke hi ku bvumbha, hi ku tlhandleka ka mavoko ya nhlengeletano ya vakulukumba.

Timhaka 13:3

Kutani loko va titsonile swakudya, va khongela, va va tlhandleka mavoko, va va rhuma.

Timhaka 6:6

Kutani va va veka emahlweni ka vaapostola kuteloko va khongerile va va tlhandleka mavoko.

Luka 13:13

Kutani a n'wi tlhandleka mavoko ehenhla, hi nomu lowu, wansati a ololoka, a dzunisa Xikwembu.

Luka 4:40

Loko dyambu ri perile, hinkwavo lava vabyaka hi vuvabyi byihi ni byihi, a va tisiwa eka yena, kutani a tlhandleka mavoko ya yena ehenhla ka un'wana ni un'wana, a va horisa.

Matewu 19:15

Kuteloko a va tlhandlekile mavoko, a suka kwalaho.

Matewu 19:13

Kutani ku tisiwa vana eka Yesu leswaku a va tlhandleka mavoko, a va khongelela; kambe vadyondzisiwa va holovela lava va va tisaka.

Matewu 16:18

Kambe ndzi ri eka wena: U Petro (hileswaku ribye), ehenhla ka ribye rero, ndzi ta aka kereke ya mina, kutani tinyangwa ta xivandla xa vafi ti nga ka ti nga yi hluli.

Matewu 6:5

“Kutani loko mi khongela, mi nga tshuki mi kotisa vamandzendze lava rhandzaka ku khongela va yimile emasinagogeni ni le mahlanganeni ya mitsendzele, leswaku va ta voniwa hi vanhu. Kunene ndza mi byela leswaku va kumile hakelo ya vona.

Pisalema 118:16

Voko ra xinene ra Yehovha ri tlakukile ngopfu! Voko ra xinene ra Yehovha ri tirhe hi matimba!

Pisalema 110:1

Yehovha u te eka hosi ya mina: “Tshamisa evokweni ra mina ra xinene, Ndzi ko ndzi endla lava nga valala eka wena Vunavelo bya mikondzo ya wena.”

Duteronoma 34:9

Kambe Yoxuwa, n'wana Nuni, a tala moya wa vutlhari, hikuva Muxe a a n'wi tlhandlekile mavoko ya yena ehenhla. Vana va Israele va n'wi yingisa, va endla hilaha Yehovha a leriseke Muxe hakona.

Tinhlayo 8:18

Ndzi tekile Valevhi ematshan'weni ya mativula hinkwawo ya vana va Israele,

Tinhlayo 8:10

Kavaloko u ta tshineta Valevhi emahlweni ka Yehovha; vana va Israele va ta tlhandleka mavoko ya vona ehenhla ka Valevhi;

Eksoda 15:6

“Voko ra wena, Yehovha, ri twakale hi matimba; Voko ra xinene ra wena, Yehovha, ri pyanyise valala.

Genesa 48:18

Yosefa a ku eka tata wa yena: “U nga endlisi sweswo tatana, hikuva loyi hi lonkulu; tlhandleka voko ra wena ra xinene enhlokweni ya yena.”

Genesa 46:20

Etikweni ra Egipta, Yosefa a veleka Manase na Efrayimi, lava a velekeriweke hi Asnati, n'wana Potifera, muprista wa Ono.

Genesa 41:52

Lowa ndzisana a n'wi thya vito ra Efrayimi (mbhandzu wa vumbirhi), a ku: “Hikuva Xikwembu xi ndzi tatisele etikweni ra nhlomulo wa mina.”

Genesa 48:13

Yosefa a tlhela a va teka havambirhi, a veka Efrayimi evokweni ra yena ra xinene, a kongomana ni voko ra ximatsi ra Israele; Manase yena, a a ri evokweni ra ximatsi, a kongomana ni voko ra xinene ra Israele, a va tshinetela eka yena.

Genesa 48:17

Kambe, kuteloko Yosefa a vona leswaku tata wa yena a tlhandleke voko ra yena lera xinene enhlokweni ya Efrayimi, mhaka leyi, yi n'wi vavisa; kutani a tlakusa voko ra tata wa yena a ri susa enhlokweni ya Efrayimi, a tlhandlekisa enhlokweni ya Manase;

Tinhlayo 2:18

“Evupeladyambu, mfungho wa mixaxa ya Efrayimi hi mitlawa ya vona; hosi ya vana va Efrayimi, Elixama, n'wana Amihudi, ni vandla ra yena,