Genesa 48:11 - Xitsonga (Bibele)

¹¹ Kutani Israele a ku eka Yosefa: “A ndzi nga ehleketanga leswaku ndzi ta vona mombo wa wena, kasi hilaha Xikwembu xi vuyeke xi ndzi langutisisa ni vana va wena.”

BIBELE Mahungu Lamanene

¹¹ Kutani Yakobo a ku ka Yosefa: “A ndzi nga ha kholwi leswaku wena ndzi nga pfuka ndzi ku vonile, kambe namuntlha hi leswi, Xikwembu xi endlile leswaku ndzi vona ni vana va wena.”

Genesa 48:11 Referans Kwoze

Vaefesa 3:20

Kambe eka yena, loyi a nga endlaka ku tlurisa ngopfungopfu hinkwaswo leswi hi nga swi kombelaka, ni leswi hi nga swi ehleketaka hi matimba lama tirhaka eka hina,

Genesa 45:26

Kutani va n'wi ambela, va ku: “Yosefa wa hanya; kunene hi yena a nga nkulukumba etikweni hinkwaro ra Egipta.” Kambe mbilu ya Yakobo yi ku ntswo, hikuva a a nga kholwi ha vona.

Genesa 42:36

Yakobo, tata wa vona, a ku eka vona: “Mi ndzi pfumarisa vana! Yosefa a nga ha ri kona, na yena Simiyoni a nga ha ri kona, sweswi mi ndzi tekela na Benjamini! Timhaka teto hinkwato ta ndzi dlaya!”

Genesa 37:35

Kutani vana va yena hinkwavo va xinuna ni va xisati va ta n'wi chavelela, kambe a ala ku chaveleriwa, a ku: “Ndzi ta xikela exivandleni xa va ku fa eka n'wananga, ndzi ri karhi ndzi rila.” Tata wa yena a n'wi rilela sweswo.

Genesa 37:33

Kutani Yakobo a wu tiva, a ku: “I nkhancu wa n'wananga! Xivandzana xi n'wi dyile! Yo! Yosefa, xi n'wi pfutlopfutlosile!”

Genesa 48:10

Kambe mahlo ya Israele a ma kunguhele hi ku dyuhala, a tsandzeka ku vona. Yosefa a va tshineta, yena a va ntswontswa, a va singarhela.

Genesa 48:12

Kutani Yosefa a va susa emarumbini ya tata wa yena, a khinsama ehansi.

Pisalema 128:6

U ta vona vana va vana va wena. Ku rhula a ku ve ehenhla ka Israele!

Swivuriso 17:6

Vatukulu i xidlodlo xa lava dyuhaleke, Ku twala ka vana ku huma eka vatata wa vona.