Genesa 47:6 - Xitsonga (Bibele)

⁶ tiko ra Egipta ri le mahlweni ka wena; akisa tata wa wena ni vamakwenu etikweni leri tlurisaka hi ku saseka: u va akisa etikweni ra Goxeni; kutani loko u tiva vavanuna lavo tlhariha exikarhi ka vona, u va veka varisa va mitlhambi ya mina.”

BIBELE Mahungu Lamanene

⁶ Hiswona, tiko ra Egipta i ra wena, komba tata wa wena ni vamakwenu xivandla lexi sasekeke swinene, va byele va ya tshama emugangeni wa Goxeni. Kutani loko u tiva van'wana exikarhi ka vona lava nga ni vutivi bya swifuwo, va veke ku va vahlayisi va mintlhambi ya mina.”

Genesa 47:6 Referans Kwoze

Eksoda 18:21

U hlawula exikarhi ka tiko hinkwaro vavanuna lavanene, lava chavaka Xikwembu, vavanuna lava lulameke, lava vengaka bindzu leri nga lulamangiki; u va veka tindhuna ta madzanadzana, ni ta madzana, ni ta ntlhanu na makume, ni ta makume;

Genesa 47:11

Yosefa a akisa tata wa yena ni vamakwavo etikweni ra Egipta, a va nyika vuako lebyo nona etikweni ra Ramsese, hilaha Faro a nga lerisa hakona.

Swivuriso 22:29

Xana u tsundzukile munhu la gingiritekaka emitirhweni ya yena-ke? U ta yima emahlweni ka tihosi, A nga ka a nga yimi emahlweni ka vanhu ntsena.

2 TIKRONIKA 26:10

A aka makhokholo ni le mananga, a cela kona swihlovo leswo tala; hikuva a a ri ni mitlhambi leyo tala enkoveni ni le rivaleni, ni varimi, ni varimi va tivhinya etintshaveni ta Karmele, hikuva a a rhandza mitirho ya masimu.

Eksoda 18:25

Kavaloko Muxe a hlawula exikarhi ka tiko ra Israele hinkwaro vavanuna lava lulameke, a va veka tindhuna ta tiko, ti ri tindhuna ta madzanadzana, ni ta madzana, ni ta ntlhanu wa makume, ni ta makume,

Genesa 47:4

Va engeta va ku eka Faro: “Hi tile ku ta luvela etikweni leri, hikuva a ka ha ri na vudyelo bya mitlhambi ya malandza ya wena, hikuva ndlala yi tikerile tiko ra Kanana; ha ku khongela sweswi, leswaku malandza ya wena ma pfumeleriwa ku aka etikweni ra Goxeni.”

Yohane 17:2

hilaha u n'wi nyikeke vuhosi ehenhla ka nyama hinkwayo, leswaku hinkwavo lava u n'wi nyikeke vona, yena a va nyika vutomi lebyi nga heriki.

Swivuriso 21:1

Mbilu ya hosi i xinambyana xa mati evokweni ra Yehovha, U yi fambisa hinkwako laha a rhandzaka kona.

1 SAMIELE 21:7

Kambe nandza un'wana wa Sawulo, a a ri kona siku lero, a hlwerisiwe emahlweni ka Yehovha. Vito ra yena a a ri Dowege wa Edomu, a a ri ndhuna ya varisi va Sawulo.

Eksoda 9:21

Kambe lava nga xiyangiki rito ra Yehovha, va tshike malandza ya vona ni swifuwo swa vona enhoveni.

Eksoda 9:10

Kutani va teka nkuma exitikweni xa mufuri va ya emahlweni ka Faro; kuteloko Muxe a wu tsutsuxile henhla, wu humesa matshumba lama endlaka swilondza eka vanhu ni le ka swifuwo.

Genesa 47:16

Yosefa a ku: “Nehani mitlhambi ya n'wina, ndzi ta mi ha swakudya ematshan'weni ya swifuwo swa n'wina, leswi mali yi heleke.”

Genesa 34:10

Kutani mi ta tshama na hina, tiko ri va ra n'wina, mi aka kona, mi bindzula, mi va ni rifuwo.”

Genesa 20:15

Kutani Abimeleke a ku: “Waswivo, tiko ra mina hi leri, aka laha u ku rhandzaka.”

Genesa 13:9

Xana tiko hinkwaro a ri kona emahlweni ka wena xana? Hambana na mina, ndza ku khongela. Loko u teka ra ximatsi, ndzi ta ya exineneni; loko u ya exineneni, ndzi ta ya eximatsini.”

Genesa 13:10

Kavaloko Lota a tlakusa mahlo, a vona tiko hinkwaro ra Yordani ku fika le Sowara, ri cheletiwa hinkwaro (Yehovha a nga si lovisa Sodoma na Gomora), ri fana ni ntanga wa Yehovha, ni misava ya Egipta.

Genesa 45:10

U ta aka etikweni ra Goxeni, u va ekusuhi na mina, wena ni vana va wena, ni vana va vana va wena, ni swifuwana swa wena, ni swifuwo swa wena, ni hinkwaswo leswi nga swa wena.

Genesa 46:34

mi ta ku eka yena: ‘Malandza ya wena i varisi va mitlhambi, ku suka evutsongwaneni bya hina ku fikela sweswi, hina ni vatata wa hina.’ Hi kona mi nga ta tiva ku tshamisa etikweni ra Goxeni, hikuva varisi hinkwavo va mitlhambi va nyenyetsa etikweni ra Egipta.”

Genesa 47:5

Faro a byela Yosefa a ku: “Tata wa wena ni vamakwenu va tile eka wena;

1 TIHOSI 11:28

Yerobuwamu a a ri nhenha, kutani Solomoni a n'wi vona loko a tirha kutani a n'wi veka mulanguteri wa vatirhi hinkwavo va yindlu ya Yosefa.

Yeremiya 40:4

Loko u ri wena, vona sweswi, ndzi tshunxa tiketana emavokweni ya wena; hambiloko u rhandza ku famba na mina eBabilona, hi nga famba, ndzi ta ku londzovota, kambe loko u nga rhandzi ku ya na mina eBabilona, u nga sala; languta, tiko hinkwaro ri le mahlweni ka wena, laha ku sasekeke, laha u rhandzaka ku ya, yana kona.