Genesa 46:3 - Xitsonga (Bibele)

³ Xi ku: “Hi mina Xikwembu, Xikwembu xa tata wa wena; u nga chavi ku ngirimela eEgipta, hikuva ndzi ta ku endla tiko lerikulu kona.

BIBELE Mahungu Lamanene

³ Hiloko xi ku ka yena: “Hi mina Xikwembu, xona Xikwembu xa tata wa wena. U nga tshuki u chava ku ya etikweni ra Egipta, hikuva loko u ri kwale, ndzi ta ku endla tiko lerikulu.

Genesa 46:3 Referans Kwoze

Duteronoma 26:5

Kutani u ta vulavula emahlweni ka Yehovha, Xikwembu xa wena, u ku: ‘Tatana a a ri Muaramu, a lave ku fa, kutani a xikela eEgipta a ri ni vanhu lava nga talangiki, a tshama kona a ri muluveri; kambe a hundzukela kona tiko lerikulu, leri nga ni matimba, ni vanhu lavo tala.

Genesa 12:2

Ndzi ta ku endla tiko lerikulu; ndzi ku katekisa, ndzi kurisa vito ra wena, u va xihlovo xa mikateko.

Timhaka 27:24

yi ku: ‘Pawulo, u nga tshuki u chava, hikuva u fanele ku ya humelela emahlweni ka Khezari kutani waswivo, Xikwembu xi ku nyikile hinkwavo lava u endzaka na vona engalaveni.’

Esaya 41:10

U nga chavi, ndzi na wena. U nga tshuki hikuva ndzi Xikwembu xa wena. Ndza ku tiyisa, ndza ku lwela, ndzi ku khoma hi voko ra mina ra xinene leri hlulaka.

Genesa 35:11

Kutani Xikwembu xi ku eka yena: “Hi mina Xikwembu xa matimba hinkwawo: tswalani, ma andza, tiko ni vunyingi bya matiko swi ta huma eka wena, ni tihosi ti ta huma enkaveni wa wena.

Timhaka 7:17

“Kambe, kuteloko ku tshinele nkarhi lowu Xikwembu xi nga ta humesa ku tshembisa loku xi ku hlambanyeleke Abrahama, tiko ri kula ni ku andza eEgipta;

Duteronoma 10:22

Vatata wa wena va rhelele Egipta va ri 70, kutani sweswi, Yehovha, Xikwembu xa wena, u ku andzisile kukotisa tinyeleti ta matilo.

Duteronoma 1:10

Yehovha, Xikwembu xa n'wina, xi mi andzisile, kutani namuntlha mi tarile kukotisa tinyeleti ta le tilweni.

Genesa 47:27

Vaisraele va ake etikweni ra Egipta, etikweni ra Goxeni, va fuwa kona, va tala, va engeteleka ngopfungopfu.

Genesa 22:17

ndzi ta ku katekisa kunene, ndzi andzisa vatukulu va wena ngopfungopfu, va ta kotisa tinyeleti ta le tilweni, ni sava ra le ribuwini ra lwandle, kambe rixaka ra wena ri ta fuma nyangwa ya valala va rona.

Genesa 18:18

Hikuva kunene Abrahama u ta va tiko lerikulu, lera matimba; ha yena ku ta katekisiwa matiko hinkwawo ya misava.

Genesa 15:13

Kutani a ku eka Abrama: “U tivisisa swinene leswaku vatukulu va wena va ta luvela etikweni leri nga ka ri nga vi ra vona, va ta va makhumbi ya kona, va ta tsongahatiwa hi malembe ya mune wa madzana.

Genesa 15:1

Endzhaku ka timhaka teto, rito ra Yehovha ri fika eka Abrama enorhweni, ri ku: “Abrama, u nga chavi. Ndzi xitlhangu xa wena ni hakelo ya wena leyikulu.”

Yeremiya 40:9

Kutani Gedaliya, n'wana Ahikama, n'wana Xafani, a va hlambanyela ni vanhu va vona, a ku: “Mi nga chavi ku tirhela Vakalediya; mi tiakela etikweni, mi tirhela hosi ya Babilona, hi kona mi nga ta tsaka.

Genesa 17:1

Kuteloko Abrama a hanyile malembe ya 99, Yehovha a tikombisa eka Abrama, a ku eka yena: “Hi mina Xikwembu xa matimba hinkwawo.

Genesa 48:16

ni ntsumi leyi nga ndzi lamula eku biheni hinkwako, a xi katekise varisanyana lavo; a va thyiwe vito ra mina, ni mavito ya vakokwana Abrahama na Isaka, va andza ngopfungopfu laha emisaveni.”

Genesa 48:19

Kambe tata wa yena a ala, a ku: “Ndza swi tiva, n'wananga, ndza swi tiva; na yena u ta va tiko, na yena, u ta va nkulukumba, hambi swi ri sweswo, ndzisana u ta va lonkulu eka yena, ni vatukulu va yena va ta endla vunyingi bya matiko.”

Eksoda 14:13

Kutani Muxe a ku eka tiko: “Mi nga chavi; yimani mi ta vona hilaha Yehovha a nga ta mi lamulela hakona namuntlha; hikuva Vaegipta lava mi va vonaka sweswi, a mi nga ha tlheli mi va vona kambe.

Eksoda 1:12

Kambe, loko va xanisiwa sweswo, hi loko va andza ngopfu, va tala. Kutani vana va Israele va vengiwa hakona.