Genesa 46:1 - Xitsonga (Bibele)

¹ Israele a suka a ri ni swilo swa yena hinkwaswo; a fika eBerexeba, a humesela Xikwembu xa Isaka, tata wa yena, magandzelo.

BIBELE Mahungu Lamanene

¹ Kutani Yakobo a longa swilo hinkwaswo leswi a a ri na swona, a kongoma eBerexeba, a fika a humesa magandzelo a humesela Xikwembu xa tata wa yena Isaka.

Genesa 46:1 Referans Kwoze

Genesa 31:42

Xikwembu xa tatana, Xikwembu xa Abrahama, lexi Isaka a xi chavaka, loko ngi xi nga ndzi lwelanga, i ngi u ndzi tlherisele hakunene ndzi nga ri na nchumu. Kambe Xikwembu xi vonile ku soriwa ka mina, ni ku xaniseka ka mavoko ya mina, kutani matolo xi avanyisile.”

Genesa 28:13

A vona na Yehovha, a yimile ehenhla ka rona, a ku: “Hi mina Yehovha Xikwembu xa Abrahama, tata wa wena, ni Xikwembu xa Isaka; tiko leri u etleleke eka rona, ndzi ta ri nyika wena ni vatukulu va wena.

Genesa 28:10

Yakobo a suka eBerexeba a kongoma eHarana.

Genesa 21:33

Kutani Abrahama a byala mikuhlu eBerexeba, a khongela kona vito ra Yehovha, Xikwembu xa mikarhi leyi nga heriki.

Genesa 21:31

Hi laho-ke, xivandla lexi, xi vuriwaka Berexeba (hileswaku xihlovo xa ku hlambanya), hikuva va hlambanyile kona havambirhi.

Genesa 21:14

Kutani Abrahama a pfuka wa ha ri mixo, a teka vuswa ni nghotsa ya mati a nyika Hagara, a swi rhwexa ekhatleni ra yena, a n'wi nyika ni n'wana, kutani a n'wi hlongola. Yena a tifambela, a ya lahleka emananga ya Berexeba.

Ntirho 42:8

Hikwalaho, humesani tinkunzi ta ntlhanu na timbirhi, ni makhuna ya ntlhanu na mambirhi, mi ya eka nandza wa mina Yobo, mi ya titlhavela magandzelo, kutani Yobo, nandza wa mina, u ta mi khongelela; hikwalaho ka yena swakwe, ndzi nga ka ndzi nga mi bi hi ku hunguka ka n'wina, hikuva a mi vulavulanga swa mina hi ku lulama, kukotisa nandza wa mina, Yobo.”

Ntirho 1:5

Kuteloko va hetile mikhuvo ya vona, Yobo a a va vitana ku ta va basisa, a pfuka nimixo, a tlhava magandzelo yo hisiwa lama ringanaka ntsengo wa vona hinkwavo, hikuva Yobo a a ku: “Kumbe vana va mina va dyohile; va rivele Xikwembu etimbilwini ta vona.” Yobo a a tshama a endlisa sweswo hi masiku hinkwawo.

1 SAMIELE 3:20

Kutani Vaisraele hinkwavo, ku suka eDani ku fika eBerexeba, va tiva leswaku Samiele a vekiwile muprofeta wa Yehovha.

Genesa 35:7

Kutani a akela kona gandzelo, a thya xivandla lexi vito ra Eli-Betele (Xikwembu xa Betele); hikuva hi kona Xikwembu xi nga tihlavutela eka yena enkarhini a balekaka emahlweni ka hosi ya yena.

Genesa 35:3

kutani hi ta suka hi tlhandlukela eBetele, ndzi akela kona gandzelo eka Xikwembu lexi nga ndzi hlamula siku ra khombo ra mina, xi nga va na mina endleleni leyi ingi ndzi fambile eka yona.”

Genesa 33:20

Kutani a aka gandzelo kona, a ri thya vito ra Eli-Elohe-Israele (Xikwembu, i Xikwembu xa Israele).

Genesa 31:53

Xikwembu xa Abrahama, ni Xikwembu xa Nahoro, Xikwembu xa tata wa vona, a xi avanyise exikarhi ka hina.” Kutani Yakobo a hlambanya ha Loyi a nga chaviwa hi Isaka.

Genesa 22:13

Abrahama a tlakusa mahlo, a languta, a vona khuna ri ri ndzhaku ka yena, ri phasiwile exihlahlaneni hi timhondzo; Abrahama a ya teka khuna, a ri tlhavela magandzelo ematshan'weni ya n'wanakwe.

Genesa 12:8

Kutani a suka kona, a ya entshaveni ya le vuxeni ka Betele, a dzima kona ntsonga wa yena, a ri na Betele hitlhelo ra vupeladyambu, na Ayi hitlhelo ra vuxa: a aka kona gandzelo ra Yehovha, a khongela vito ra Yehovha.

Genesa 8:20

Kutani Nowa a akela Yehovha alitari, kutani a pambula exikarhi ka swifuwo hinkwaswo leswi tengeke, ni le xikarhi ka tinyanyana hinkwato leti tengeke, a humesa holokosta ealitarini.

Genesa 4:4

Avele a humesa, na yena, mativula ya ntlhambi wa yena, ni mafurha ya wona. Kutani Yehovha a khensa Avele ni nhlengo wa yena,

Timhaka 7:15

Kutani Yakobo a rhelela eEgipta, a fela kona, yena ni vatata wa hina.

Genesa 45:28

Kutani Israele a ku: “Swi ringene! Yosefa n'wananga wa ha hanya; ndzi ta ya ndzi ya n'wi vona ndzi nga si fa.”

Amosi 7:9

Matlhelo lama tlakukeke ya Isaka ma ta onhiwa, ni swivandla leswi hlawuriweke swa Israele swi herisiwa, kutani ndzi ta pfukela yindlu ya Yerobuwamu hi tlhari.”

Yoxuwa 24:4

Ndzi nyikile Yakobo na Esawu eka Isaka, eka Esawu ndzi n'wi nyikile ntshava ya Seyira, yi va ya yena; kutani Yakobo ni vana va yena va xikele eEgipta.

1 SAMIELE 8:2

Vito ra n'wana wa wanuna wa yena wa mativula a a ri Yuwele, ni vito ra lowa vumbirhi a a ri Abiya: a va ri vaavanyisi eBerexeba.