Genesa 45:23 - Xitsonga (Bibele)

²³ Eka tata wa yena, a rhumela timbhongolo ta khume, ti rhwele leswo saseka swa tiko ra Egipta, ni khume ra timbhongolo ta matswele, ti rhwele koro ni swinkwa ni timbuva ta tata wa yena ta ndlela.

BIBELE Mahungu Lamanene

²³ a rhumela tata wa yena timbhongolo ta khume ti rhwele swilo leswo saseka swa tiko ra Egipta, ni tin'wana ta mantswele ta khume ti rhwele koroni, ni xinkwa, ni swakudya swin'wana leswi swi nga ta va timbuva ta yena ta ndlela.

Genesa 45:23 Referans Kwoze

Eksoda 16:3

Vana va Israele va ku: “Nge hi dlayiwe hi voko ra Yehovha etikweni ra Egipta, hi ri karhi hi titshamele xikarhi ka timbita ta nyama, hi dya ni vuswa, hi xurha. Hikuva mi hi humesile hi fika la mananga leswaku mi dlaya tiko leri hinkwaro hi ndlala.”

Genesa 43:11

Israele, tata wa vona, a ku eka vona: “Loko swi ri tano, mi fanele ku endlisa sweswo: Tekani emikwameni ya n'wina leswo saseka, leswi humesiwaka hi tiko mi ya nyika munhu yeloyi: mi teka balsama, ni vulombe, ni asitiragala, ni ladano, ni timanga, ni tialimondi;

Genesa 24:10

Kutani nandza a teka tikamela ta khume, exikarhi ka tikamela ta n'wini wa yena, a tifambela; hikuva swa hosi ya yena hinkwaswo a swi ri emandleni ya yena. Kutani a suka a ya eMesopotamiya, emutini wa Nahoro.

Genesa 45:22

A nyika un'wana ni un'wana tinguvu ta ku hundzuluxela, kambe a nyika Benjamini madzana manharhu ya tixikele ta silivhere, ni tinguvu to hundzuluxela ta ntlhanu.

Genesa 45:24

Kutani a tlherisa vamakwavo va famba; a engeta a ku eka vona: “Mi nga tshuki mi holovelana endleleni.”