Genesa 43:23 - Xitsonga (Bibele)

²³ Mulanguteri a ku eka vona: “Ku rhula a ku ve na n'wina, mi nga chaveni, hikuva Xikwembu xa n'wina ni Xikwembu xa tata wa n'wina, hi xona xi mi nyikeke vukosi emikwameni ya n'wina; mali ya n'wina yi fikele ka mina.” Kutani a va humesela Simiyoni.

BIBELE Mahungu Lamanene

²³ Kutani mulanguteri a hlamula a ku: “A ku na xo karhata, mi nga chavi; xi ta va xi ri Xikwembu xa n'wina, xona Xikwembu xa tata wa n'wina, lexi ngheniseke xuma emasakeni ya n'wina; loko yi ri mali ya n'wina, yi fikile eka mina.” Kutani a humesa Simiyoni, a n'wi tisa laha a va ri kona.

Genesa 43:23 Referans Kwoze

Genesa 42:24

Kutani Yosefa a va fularhela, a rila; kambe a tlhela a ta eka vona, a vulavula na vona; kutani a hlawula Simiyoni eka vona, a n'wi boha emahlweni ka vona.

Yohane 20:26

Kuteloko ku hundzile masiku ya ntlhanu na manharhu, vadyondzisiwa a va ri kona endlwini, na yena Tomasi a a ri na vona. Yesu a ta, tinyangwa ti pfariwile, a yima exikarhi ka vona a ku: “Ku rhula a ku ve na n'wina!”

Yohane 14:27

“Ndzi mi siyela ku rhula, ndzi mi nyika ku rhula ka mina; a ndzi mi nyiki hilaha misava yi nyikaka hakona Timbilu ta n'wina ti nga tshuki ti kanakana, naswona mi nga chavi.

Yohane 20:21

Yesu a engeta a ku eka vona: “Ku rhula a ku ve na n'wina! Kukotisa leswi Tatana a ndzi rhumeke, na mina ndzi mi rhumisa sweswo.”

Yohane 20:19

Nimadyambu ya siku rero leri sungulaka vhiki, tinyangwa ti pfariwile laha vadyondzisiwa va hlengeletaneke kona hikwalaho ka ku chava Vayuda, Yesu a ta, a yima exikarhi ka vona, a ku eka vona: “Ku rhula a ku ve na n'wina!”

Luka 24:36

Kakuloko va ha byelana sweswo, Yesu a yima exikarhi ka vona hi xiviri xa yena, a ku eka vona: “Ku rhula a ku ve na n'wina!”

Luka 10:5

Loko yi ri yindlu yihi ni yihi leyi mi nghenaka eka yona, rhangani mi ku: ‘Ku rhula a ku ve ni yindlu leyi!’

Genesa 42:28

Kutani a ku eka vamakwavo: “Mali ya mina leyi tsimberiweke, hi leyi, enkwameni wa mina.” Kutani timbilu ta vona ti handzuka, va byelana va tshukile, va ku: “Xana Xikwembu xi hi endlela yini mhaka leyi?”

Ezra 4:17

Kutani hosi yi rhuma ku hlamula, yi ku eka Rehumi, muleteri, ni ka Ximixayi, mutsari, ni ka vanakulobye van'wana lava akeke eSamariya, ni ka van'wana ehase ka nambu: “Ku tsaka a ku ve kona ...

1 TIKRONIKA 12:18

Kavaloko Moya wu ta eka Amasayi ndhuna ya tinhenha, a ku: “Hi vanhu va wena, Davhida, hi na wena, n'wana Yese! Ku rhula, ku rhula a ku ve na wena, ku rhula ku va na loyi a ku pfunaka, hikuva Xikwembu xa wena xi ku pfunile.” Kutani Davhida a va amukela, a va veka exikarhi ka tindhuna ta nyimpi ya yena.

1 SAMIELE 25:6

Mi ta ku eka yena: ‘Hanya swinene, ku rhula a ku ve na wena, ni yindlu ya wena, ni hinkwaswo leswi nga swa wena.

Vaavanyisi 19:20

Wanuna wa xidyuhati a ku: “Ku rhula a ku ve na wena! A swi na mhaka; hinkwaswo leswi u swi pfumalaka, hi mina la nga ta ku lavela swona. Ntsena u nga tshuki u etlela nivusiku erivaleni.”

Vaavanyisi 6:23

Yehovha a ku eka yena: “Ku rhula a ku ve na wena. U nga tshuki u chava, u nga ka u nga fi.”

Genesa 43:14

kutani Xikwembu xa matimba hinkwawo a xi mi kumise tintswalo eka munhu yeloyi, a ta mi tlherisela ni makwenu lo un'wana na Benjamini. Loko ndzi ri mina, loko ndzi fanekele ku lahlekeriwa hi vana, a ndzi lahlekeriwe hi vona!”

Genesa 42:36

Yakobo, tata wa vona, a ku eka vona: “Mi ndzi pfumarisa vana! Yosefa a nga ha ri kona, na yena Simiyoni a nga ha ri kona, sweswi mi ndzi tekela na Benjamini! Timhaka teto hinkwato ta ndzi dlaya!”

Genesa 43:22

hi teke ni yin'wanyana kambe emavokweni ya hina yo xava swakudya; a hi tivi leswaku xana i mani la nga hoxa mali ya hina emikwameni ya hina.”

1 TIKRONIKA 12:19

A ku ri ni vanhu va Manase lava yeke eka Davhida loko a huma nyimpi ni Vafilista ku lwa na Sawulo. Kambe a va pfunanga Vafilista, hikuva, kuteloko va endlile makungu, tindhuna ta Vafilista ti tlherisa Davhida, ti ku: “U ta hundzela eka hosi ya yena Sawulo, hambiloko a fanele ku humesa tinhloko ta hina.”