Genesa 43:21 - Xitsonga (Bibele)

²¹ kuteloko hi fike ebyetlelweni hi tshunxa mikwama ya hina, ho tshukela mali ya un'wana ni un'wana enon'wini wa nkwama wa yena, mali ya hina, hi matshamela ya yona; hi tlhela hi yi teka emavokweni ya hina;

BIBELE Mahungu Lamanene

²¹ Kambe loko hi ntshunxa masaka ya hina laha hi fikeke hi etlela kona, un'wana ni un'wana wa hina ú kumile mali ya yena hinkwayo enon'weni wa saka ra yena, kutani sweswi hi te na yona mali ya kona.

Genesa 43:21 Referans Kwoze

Genesa 43:12

mi teka ni mali yin'wana yi hlayiwe kambirhi emavokweni ya n'wina, ni mali leyi yi nga tlherisiwa emilon'wini ya mikwama ya n'wina, mi yi heleketa; kumbe va hoxile.

1 Petro 3:16

mi va ni ripfalo lerinene, leswaku timhaka leti va mi lumbetaka ha tona kukotisa loko ngi mi ri swidyohi, va khomiwa hi tingana eka tona, lava hlevaka mikhuva ya n'wina leyi nga eka Kriste.

1 Petro 2:12

mi va ni mikhuva yo saseka exikarhi ka matiko, leswaku timhaka leti va mi hlevaka ha tona kukota loko ngi mi ri vadyohi, va ta tiva ku dzunisa Xikwembu ha tona, siku xi nga ta va endzela, hikwalaho ka mitirho leyo saseka leyi va nga ta va va yi vonile eka n'wina.

Vaheveru 13:18

Hi khongeleleni, hikuva ha ehleketa leswaku hi ni ripfalo lerinene, hi ri karhi hi rhandza ku endla swinene ematlhelweni hinkwawo.

Vaheveru 13:5

Mikhuva ya n'wina yi nga tshuki yi va ya ku navela xuma, kambe mi kolwa hi leswi mi nga na swona, hikuva Xikwembu, hi xiviri xa xona, xi te: “Ndzi nga ka ndzi nga ku tshiki ndzi nga ka ndzi nga ku lahli.”

Varhoma 13:8

Mi nga tshuki mi va ni nandzu eka munhu, loko wu nga ri wa ku rhandzana hikuva la rhandzaka van'wana, hi yena la hetiseke nawu.

Varhoma 12:17

Mi nga tlheriseli ku biha hi ku biha, hambi ku ri ka mani na mani. Lavani leswinene emahlweni ka vanhu hinkwavo.

Genesa 43:15

Kavaloko va teka ndzuvo yeleyo, va teka ni mali leyi nga pimiwa kambirhi emavokweni ya vona, na Benjamini; va suka va rhelela eEgipta, va ya fika emahlweni ka Yosefa.

Genesa 43:20

va ku: “Oho! Hosi ya hina, leswiya hi nga ta lero rhanga hi ta xava swakudya;

Genesa 43:22

hi teke ni yin'wanyana kambe emavokweni ya hina yo xava swakudya; a hi tivi leswaku xana i mani la nga hoxa mali ya hina emikwameni ya hina.”

Genesa 44:8

Vona, mali leyi hi nga yi kuma emilon'wini ya mikwama ya hina, hi tlherile hi yi neha eka wena loko hi vuya hi le Kanana; kutani hi nga yivisa ku yini silivhere kumbe nsuku endlwini ya hosi ya wena?