Genesa 43:11 - Xitsonga (Bibele)

¹¹ Israele, tata wa vona, a ku eka vona: “Loko swi ri tano, mi fanele ku endlisa sweswo: Tekani emikwameni ya n'wina leswo saseka, leswi humesiwaka hi tiko mi ya nyika munhu yeloyi: mi teka balsama, ni vulombe, ni asitiragala, ni ladano, ni timanga, ni tialimondi;

BIBELE Mahungu Lamanene

¹¹ Kutani tata wa vona Yakobo a ku ka vona: “Hiswona, leswi timhaka ti yimeke hi ndlela leyi, endlani leswi: Longani swilo swo saseka leswi kumekaka kwala tikweni, mi rhwala mi famba na swona, mi ya nyika nkulukumba luya. Tekani mirhi ya nkoka ni ya risuna ya tinxaka-xaka, ni vulombenyana, ni mihandzu ya murhi wa alimondi.

Genesa 43:11 Referans Kwoze

Genesa 37:25

Kutani va tshamisa, va dya swakudya. Kuteloko va tlakusa mahlo ya vona, va languta, va vona pfhumba ra Vaiximaele leri humaka eGiliyadi ni tikamela ta vona, va velekise mirhi, ni balsama, ni ladano, va swi yisa eEgipta.

Yeremiya 8:22

Xana ku na murhi eGiliyadi, a ku na n'anga kona xana? Xana mbanga ya n'wana wa tiko ra mina a yi boheleriwanga ha yini?

Ezekiele 27:17

Yuda, ni va tiko ra Israele, na vona, a va bindzula na wena; va veka emixabyeni ya wena koro ya le Miniti, ni swimbhundzwana, ni vulombe, ni mafurha, ni balsama.

Swivuriso 18:16

Nyiko ya munhu yi n'wi anamisela ndlela, Yi n'wi tshinetela eka lavakulu.

1 SAMIELE 9:7

Sawulo a ku eka nandza wa yena: “Hi swona, kambe loko hi ya kona, hi ta heleketa yini eka munhu wa Xikwembu xana? Swinkwa a swi kona, emikwameni ya hina, kambe a hi na mihlengo ku yi humesela munhu wa Xikwembu. Hi na yini xana?”

Timhaka 21:14

Kuteloko a tialele, hi miyela hi ku: “A ku endliwe leswi rhandziwaka hi Hosi!”

Ezekiele 27:15

Vana va Dedani a va bindzula na wena, swihlale leswinyingi a swi ri emandleni ya wena ku bindzula na wena, va ku nehela timhondzo ta tindlopfu, ni xipalatsi yi va hakelo ya wena.

Risimu ra Tinsimu 8:14

Suka, u tsutsuma, murhandziwa wanga! Kukotisa ntswele ya mhala, kumbe rhole ra timbavala, Etintshaveni ta mirhi ya risuna!

Risimu ra Tinsimu 4:14

Narda ni safroni, ni rihlanga, ni sinamoni, Ni mirhi hinkwayo leyi nun'hwelaka; Mirha ni mhangana, ni hinkwaswo leswa risuna.

Risimu ra Tinsimu 4:10

A hi ku nandziha ka rirhandzu ra wena, makwerhu, muvutiwa wa mina! Rirhandzu ra wena ri nandziha swonghasi, ri tlula vhinyo; Ku nun'hwela ka wena ku tlurisa mirhi hinkwayo ya risuna!

Swivuriso 21:14

Ku nyika ka le xihundleni ku rheleta vukari, Ni nyiko leyi nghenisiweke exifuveni yi rheleta ku hlunama lokukulu.

Swivuriso 19:6

Lavo tala va sasela munhu lonkulu; Na swona un'wana ni un'wana i nakulobye wa la hananaka.

Swivuriso 17:18

La nga riki na ku anakanya, hi la khomanaka ni un'wana hi mavoko, A tiboha hi nandzu wa warikwavo.

Pisalema 76:11

Vulani ku hlambanya ka n'wina eka Yehovha Xikwembu xa n'wina, mi va mi ku hlayisa, Hinkwavo lava n'wi rhendzelaka exikarhi a va tise tinyiko eka Loyi a chavisaka!

Pisalema 72:10

Tihosi ta le Tarxixi ni ta swihlale ti ta tisa ndzuvo, Tihosi ta le Xeba ni ta Seba ti ta humesa tinyiko;

Pisalema 68:29

Etempeleni ya wena leyi tlakukeke ehenhla ka Yerusalema, U ta amukela tinyiko ta tihosi.

Estere 4:16

“Famba u ya hlengeleta Vayuda hinkwavo lava nga kona eXuxani; mi titsona swakudya ematshan'weni ya mina; mi nga tshuki mi dya, ni loko ku ri ku nwa hi masiku manharhu, vusiku ni nhlekanhi; na mina ni vanhwanyana va mina, hi ta titsona swakudya sweswo, ndzi ta nghena eka hosi, ni loko nawu wu nga pfumeri; hambi ndzi nga dlawa, a ndzi dlayiwe.”

2 TIHOSI 20:12

Enkarhini wolowo Merodaka-Baladani, n'wana Baladani, hosi ya Babilona, a rhumela Hezekiya papila ni nyiko, hikuva a swi twile leswaku Hezekiya a a vabyile.

2 TIHOSI 16:8

Kutani Akazi a teka silivhere ni nsuku, leswi ngi swi ri endlwini ya Yehovha, ni le xumeni xa yindlu ya hosi a swi rhumela hosi ya Asiriya, wu va ndzuvo.

2 TIHOSI 8:8

Kutani hosi yi ku eka Hazaele: “Teka mihlengo u ya hlangana ni munhu wa Xikwembu, u vutisa Yehovha ha yena, u ku: ‘Xana ndzi ta hanya evuvabyini lebyi xana?’ ”

1 TIHOSI 15:19

“Xinakulobye a xi ve kona exikarhi ka mina na wena, kukotisa exikarhi ka tata wa wena ni tata wa mina. Waswivo, ndzi ku rhumela nhlengo wa silivhere ni wa nsuku; Yana, u tintshunxa exinakulobyeni xa Baaxa, hosi ya Israele, leswaku a ndzi tshika.”

1 TIHOSI 10:25

un'wana ni un'wana a tisa nhlengo wa yena, swi ri swibya swa silivhere ni swa nsuku, ni tinguvu, ni matlhari, ni mirhi ya risuna, ni tihanci, ni timula, lembe rin'wana ni rin'wana.

1 TIHOSI 10:15

ehandle ka leswi a swi kumeke eka vapindzuri ni ka vaxavisi, ni ka tihosi hinkwato ta Arabiya, ni ka tindhuna ta tiko.

1 TIHOSI 4:21

Solomoni a a fuma kambe ematikweni hinkwawo, ku suka enambyeni wa Yufrata ku fika etikweni ra Vafilista, ni ku fika endzilakaneni wa Egipta; a va luva eka Solomoni, va n'wi tirhela hi masiku hinkwawo ya ku hanya ka yena.

1 SAMIELE 25:27

Sweswi, nhlengo lowu nandza wa wena a wu tiselaka hosi yanga, u nga wu nyika majaha lama landzaka hosi yanga.

Duteronoma 33:14

Ni mihandzu yo nandziha ya dyambu, Ni mihandzu yo nandziha ya tin'hweti,

Genesa 43:14

kutani Xikwembu xa matimba hinkwawo a xi mi kumise tintswalo eka munhu yeloyi, a ta mi tlherisela ni makwenu lo un'wana na Benjamini. Loko ndzi ri mina, loko ndzi fanekele ku lahlekeriwa hi vana, a ndzi lahlekeriwe hi vona!”

Genesa 33:10

Kambe Yakobo a ku: “Ndza ku khongela, loko kumbe ndzi kume tintswalo emahlweni ka wena, amukela evokweni ra mina nhlengo wa mina, hikuva hikwalaho ka swona ndzi langutile mombo wa wena, hilaha i ngi munhu a languta mombo wa Xikwembu, kutani u ndzi amukerile hi tintswalo.

Levhitika 20:24

Ndzi mi byerile, ndzi te eka n'wina: Hi n'wina mi nga ta fuwa tiko ra vona, ndzi ta mi nyika rona leswaku ri va ra n'wina; i tiko leri teleke ntswamba ni vulombe. Hi mina Yehovha, Xikwembu xa n'wina, loyi ndzi mi hlawuleke exikarhi ka matiko.

Genesa 43:10

loko ngi a hi hlwelanga, i ngi hi tlhele hi vuyela kambirhi sweswi.”

Genesa 43:15

Kavaloko va teka ndzuvo yeleyo, va teka ni mali leyi nga pimiwa kambirhi emavokweni ya vona, na Benjamini; va suka va rhelela eEgipta, va ya fika emahlweni ka Yosefa.

Genesa 43:25

Kutani va lunghisa ndzuvo ya vona, va ta nyika Yosefa loko a ta ta ninhlekanhi; hikuva a va twile leswaku va ta dya swakudya kona.

Genesa 43:26

Kuteloko Yosefa a ta endlwini, va tisela eka yena endlwini ndzuvo leyi ngi va ri na yona emavokweni, va korhama ehansi emahlweni ka yena.

Ezekiele 27:22

Vabindzuri va le Xeba na Rhama, a va bindzula na wena; va veka eswitolweni swa wena swinun'hwelo hinkwaswo leswo nun'hwela, ni maribye hinkwawo layo saseka, ni nsuku.

Eksoda 3:8

ndzi xikele ku ta va kutsula emavokweni ya Vaegipta, ni ku va humesa etikweni lero, ndzi va yisa etikweni lerikulu, lero saseka, etikweni ra ntswamba ni vulombe, evutshan'weni bya Vakanana, ni Vahiti, ni Vaamori, ni Vaperesi, ni Vahivhi, ni Vayebusi.