Genesa 42:9 - Xitsonga (Bibele)

⁹ Kavaloko Yosefa a tsundzuka milorho ya yena leyi ingi a yi lorhile ehenhla ka vona; a ku eka vona: “Mi vakamberi, mi tele ku ta vona laha tiko ri pfulekeke kona.”

BIBELE Mahungu Lamanene

⁹ Hiloko Yosefa a tsundzuka milorho leyi a tshamaka a yi lorha hi tlhelo ra vona, kutani a ku ka vona: “N'wina mi tinhlori, mi tile ku ta valanga tiko ra hina mi vona laha ri pfulekeke kona.”

Genesa 42:9 Referans Kwoze

Eksoda 32:35

Yehovha u bile tiko hi mukhuva wulowo, hikuva va byerile Aroni ku va endlela rhole.

Vaheveru 11:31

Hi ku pfumela, Rahava, wa muoswi, a nga lovanga ni lava nga pfumelangiki hikuva u amukerile vakamberi hi ku tsaka.

Luka 20:20

Kutani va n'wi xiya, va rhuma tinhlori leti tiendlaka vanhu lavanene, leswaku va ta n'wi phasa hi marito ya yena, va ta n'wi nyiketa tihosi ni le matimbeni ya mufumi.

1 SAMIELE 26:4

Davhida a rhuma tinhlori, kutani a tiva leswaku Sawulo u fikele kunene.

Vaavanyisi 1:24

Kutani tinhlori ti vona munhu la humaka emutini, ti ku eka yena: “Hi kombise laha ku nga ngheniwaka emutini, hi ta ku endlela hi tintswalo.”

Yoxuwa 6:23

Kavaloko majaha, lawa ingi ma ri tinhlori, ma nghena, ma ya humesa Rahava ni tata wa yena, ni mana wa yena, ni vamakwavo, ni hinkwaswo leswi ngi swi ri swa yena: va humesa va yindlu ya yena hinkwavo kutani va va yisa ehandle ka mixaxa ya Israele.

Yoxuwa 2:1

Yoxuwa, n'wana Nuni, a rhuma vakamberi vambirhi exihundleni, a ri eXitimi, a ku eka vona: “Fambani, mi ya kamba tiko ra Kanana na Yeriko.” Va suka, kutani va ya fika endlwini ya nghwavava, vito ra yena a a ri Rahava, va etlela kona.

Tinhlayo 13:2

“Rhuma vanhu va ya kambela tiko ra Kanana, leri ndzi ri nyikaka vana va Israele. Mi ta rhuma wanuna hi nyimba yin'wana ni yin'wana ya vatata wa n'wina, hinkwavo va va vakulukumba exikarhi ka vona.”

Genesa 42:34

Mi ta tlhela mi vuya ni makwenu lontsongo, ndzi ta tiva leswaku a mi vakamberi, kambe mi vanhu va xiviri, ndzi ta mi nyiketa makwenu, mi ta hamba mi singila etikweni leri.’ ”

Genesa 42:16

Rhumani un'wana wa n'wina a ya vita ndzisana ya n'wina; loko va ri van'wana va ta sala va bohiwile; marito ya n'wina ma ta vonaka leswaku xana i manene eka n'wina; loko swi nga ri tano, hi vutomi bya Faro mi vakamberi!”

2 SAMIELE 10:3

Tindhuna ta vana va Amoni ti ku eka Hanunu, hosi ya tona: “Xana kunene Davhida u rhumile emahlweni ka wena vachaveleri ku dzunisa tata wa wena-ke? Xana a hi ku kamba muti, ni ku wu hlola, ni ku wu mbundzuxa, leswi Davhida a ku rhumeleke malandza ya yena xana?”

Genesa 37:11

Kutani vamakwavo va n'wi xondzolota; kambe tata wakwe a anakanya timhaka teto, a ti hlayisa.