Genesa 42:6 - Xitsonga (Bibele)

⁶ A a ri yena Yosefa la fumaka etikweni ra Egipta, la xaviselaka vanhu hinkwavo va matiko; na vona vamakwavo va Yosefa va ta, va ta khinsama emahlweni ka yena.

BIBELE Mahungu Lamanene

⁶ Enkarhini wolowo, Yosefa a a ri murhangeri wa tiko ra Egipta; hi yena loyi a a xavisela vanhu hinkwavo koroni. Kutani vamakwavo wa yena va ta, va fika va nkhinsama emahlweni ka yena, va languta hansi.

Genesa 42:6 Referans Kwoze

Nhlavutelo 3:9

Vona, ndzi ta ku tisela van'wana va sinagoga ya Satana, lava tivulaka Vayuda, kasi a hi vona, kambe va hemba; ndzi ta va tisa leswaku va khinsama emilengeni ya wena, va ta tiva leswaku ndzi ku rhandzile.

Timhaka 7:10

xi n'wi tshunxa emakhombyeni ya yena hinkwawo; xi n'wi nyika ku tsakisa ni ku tlhariha emahlweni ka Faro, hosi ya Egipta, kutani yona yi n'wi veka mufumi wa Egipta ni wa yindlu ya yona hinkwayo.

Genesa 45:26

Kutani va n'wi ambela, va ku: “Yosefa wa hanya; kunene hi yena a nga nkulukumba etikweni hinkwaro ra Egipta.” Kambe mbilu ya Yakobo yi ku ntswo, hikuva a a nga kholwi ha vona.

Genesa 45:8

Kambe sweswi, a hi n'wina mi ndzi rhumeke halenu, i Xikwembu; xi ndzi endle leswaku ndzi va tata wa Faro, ni hosi ya yindlu ya yena hinkwayo, ni mufumi wa tiko hinkwaro ra Egipta.

Genesa 44:14

Yuda ni vamakwavo va fika endlwini ya Yosefa, hikuva yena a a ha ri kona, kutani va tiwisa ehansi emahlweni ka yena.

Genesa 19:1

Tintsumi letimbirhi ti fika eSodoma enkarhini wa madyambu, kutani Lota a a tshamile ehubyeni ya Sodoma. Kuteloko Lota a ti vona, a suka a ya hlangana na tona, a khinsama ehansi,

Genesa 18:2

A tlakusa mahlo, a languta, kutani a vona vavanuna vanharhu va yimile ekusuhi na yena; kuteloko a va vonile, a suka enyangweni ya ntsonga, a tsutsuma ku ya hlangana na vona, kutani a khinsama ehansi,

Genesa 33:3

Kambe yena a va hundzela emahlweni, a ya khinsamela ehansi, kantlhanu na kambirhi, a ko a fika ekusuhi ni hosi ya yena.

Genesa 41:43

a n'wi tshamisisa ekalichini leyi landzaka ya yena, kutani va huwelela emahlweni ka yena, va ku: “Abreke!” (Khinsamani!) Kutani a n'wi veka ehenhla ka tiko hinkwaro ra Egipta.

Genesa 48:12

Kutani Yosefa a va susa emarumbini ya tata wa yena, a khinsama ehansi.

1 SAMIELE 20:41

Kuteloko wandzisanyana a sukile, Davhida a yima a languta edzongeni, a tiwisa ehansi emombyeni, a khinsama kanharhu. Kutani va ntswontswana va rila swin'we; Davhida a rila ngopfu ku tlurisa.

Swivuriso 11:26

Loyi a alaka ni mavele ya yena u ta rhuketeriwa hi vanhu, Kambe la pfumelaka ku xavisa wona mikateko yi ta va enhlokweni ya yena.

Esaya 60:14

Vana va vaxanisi va wena va ta ta eka wena hi ku titsongahata, kutani hinkwavo lava ku soleke va ta khinsama emilengeni ya wena; u ta vuriwa muti wa Yehovha, Siyoni wa Mukwetsimi wa Israele.

Genesa 41:54

Kutani malembe ya ntlhanu na mambirhi ya ndlala ma sungula ku fika, hilaha Yosefa a nga vula hakona; ndlala yi va kona ematikweni hinkwawo, kambe etikweni ra Egipta swakudya a swi ri kona.

Genesa 41:57

Kutani va matiko hinkwawo va ta eEgipta ku ta xava koro eka Yosefa, hikuva ndlala a yi ri leyikulu ngopfu ematikweni hinkwawo.