Genesa 42:24 - Xitsonga (Bibele)

²⁴ Kutani Yosefa a va fularhela, a rila; kambe a tlhela a ta eka vona, a vulavula na vona; kutani a hlawula Simiyoni eka vona, a n'wi boha emahlweni ka vona.

BIBELE Mahungu Lamanene

²⁴ Hiloko Yosefa a hambananyana na vona a ya rila. Loko a vuya, a vulavula na vona, kutani a hlawula Simiyoni exikarhi ka vona, a n'wi boha va ri karhi va swi vona.

Genesa 42:24 Referans Kwoze

Genesa 43:30

Kutani Yosefa a hatlisa a huma, hikuva mbilu ya yena a yi pfurhela makwavo, a ya lava laha a nga rilelaka kona, a nghena endlwini leyi ya le xikarhi, a rila kona.

Vaheveru 4:15

Hikuva muprista lonkulu, loyi hi nga na yena, a hi loyi a nga tsandzekaka ku hi twela vusiwana emikarhalweni ya hina, kambe hi loyi a ringiweke ematlhelweni hinkwawo, a kotisa hina, kambe a nga vanga na xidyoho.

1 Vakorinto 12:26

Kutani xirho xin'wana, loko xi twa ku vava, swirho hinkwaswo swi twa ku vava na swona; ni loko xirho xin'wana xi dzunisiwa, swirho hinkwaswo swa tsaka na swona.

Varhoma 12:15

Tsakani ni lava tsakeke, mi rila ni lava rilaka.

Luka 19:41

Kuteloko a tshinerile, a vona muti a wu rilela; a ku:

Esaya 63:9

Eku karhatekeni ka vona, a a karhateka na yena, kutani ntsumi ya mombo wa yena yi va ponisile. Erirhandzwini ra yena ni le vuneneni bya yena, u va kutsurile a ri yena, u va seketerile, u va tlakurile emasikwini hinkwawo ya khale.

Genesa 43:23

Mulanguteri a ku eka vona: “Ku rhula a ku ve na n'wina, mi nga chaveni, hikuva Xikwembu xa n'wina ni Xikwembu xa tata wa n'wina, hi xona xi mi nyikeke vukosi emikwameni ya n'wina; mali ya n'wina yi fikele ka mina.” Kutani a va humesela Simiyoni.

Genesa 43:14

kutani Xikwembu xa matimba hinkwawo a xi mi kumise tintswalo eka munhu yeloyi, a ta mi tlherisela ni makwenu lo un'wana na Benjamini. Loko ndzi ri mina, loko ndzi fanekele ku lahlekeriwa hi vana, a ndzi lahlekeriwe hi vona!”

Genesa 34:25

Kutani, hi siku ra vunharhu, kakuloko va ri karhi va ri ku vavisekeni, vana vambirhi va Yakobo, Simiyoni na Levhi, vamakwavo va Dina, va teka un'wana ni un'wana tlhari ra yena, va wela emutini va nga chavi nchumu, va dlaya vavanuna hinkwavo.

Genesa 42:23

A va nga n'wi tivi leswaku i Yosefa, hikuva a a vulavula na vona hi mutoloki.

Genesa 45:1

Kavaloko Yosefa a tsandzeka ku tikhoma emahlweni ka hinkwavo lava n'wi rhendzeleke, kutani a huwelela, a ku: “Vanhu hinkwavo lava nga laha, a va hume”; kutani a ku vanga na munhu la seleke na yena loko a titivisa eka vamakwavo.

Genesa 45:2

Kavaloko a tlakusa rito, a rila; Vaegipta va swi twa, ni yindlu ya Faro yi swi twa.