Genesa 42:19 - Xitsonga (Bibele)

¹⁹ Loko kunene mi ri vanhu vanene, un'wana wa vamakwenu a a sale la ekhotsweni, kutani van'wanyana va ta tifambela, va heleketa koro, va ya hanyisa tinghamu ta n'wina;

BIBELE Mahungu Lamanene

¹⁹ Ku komba leswaku mi vanhu vo tshembeka, un'wana wa n'wina a a sale a ri mubohiwa endlwini leyi mi pfaleriweke eka yona. Kutani n'wina van'wana rhwalani koroni mi yisela mindyangu ya n'wina leyi karhatiwaka hi ndlala.

Genesa 42:19 Referans Kwoze

Yeremiya 37:15

Kutani vakulukumba va pfukela Yeremiya va n'wi ba, va n'wi yisa endlwini ya khotso, endlwini ya Yonatani, mutsari, hikuva a va yi endlile khotso.

Esaya 42:22

Kutani tiko leri, ri phangiwile swilo swa rona, ri ni vusweti, hinkwavo va bohiwile emabakweni va khotsiwile ekhotsweni, va phangiwile, ku hava mulamuleri, va hlanguriwile, kutani a ku na la vulaka: “Tlherisa!”

Esaya 42:7

ku pfula mahlo ya lavo fa mahlo, ni ku humesa ekhotsweni lava khomiweke, ni le tronkweni lava tshamaka emunyameni.

Genesa 45:23

Eka tata wa yena, a rhumela timbhongolo ta khume, ti rhwele leswo saseka swa tiko ra Egipta, ni khume ra timbhongolo ta matswele, ti rhwele koro ni swinkwa ni timbuva ta tata wa yena ta ndlela.

Genesa 42:26

Kavaloko va rhwexa timbhongolo ta vona hi mikwama, va suka.

Genesa 41:56

Kutani ndlala yi funengeta misava hinkwayo; kavaloko Yosefa a pfula tindlu ta mbuva hinkwato, a xavisa koro eka Vaegipta; kambe ndlala a yi ri kona leyikulu etikweni ra Egipta.

Genesa 40:3

kutani a va nyiketa leswaku va hlayisiwa endlwini ya hosi ya valanguteri, ekhotsweni laha Yosefa a a bohiwile kona.

Genesa 42:11

hinkwerhu leswi hi nga la, hi vana va wanuna un'we, hi vanhu vanene, ni malandza ya wena, a hi vakamberi.”

Genesa 42:18

Hi siku ra vunharhu, Yosefa a ku eka vona: “Endlisani sweswo, mi ta hanya; ndzi munhu la chavaka Xikwembu.

Genesa 42:20

mi ta tlhela mi vuya ni makwenu lontsongo, marito ya n'wina ma ta tiya, mi nga ti tshuka mi fa”; kutani va endlisa sweswo.

Genesa 42:33

Kambe wanuna yeloyi yi nga hosi ya tiko, a ku eka hina: ‘Laha ndzi nga ta swi tiva leswaku mi vanhu vanene, hi loko mi siya un'wana, makwavo wa n'wina, laha ka mina, van'wana va rhwala koro hikwalaho ka ndlala ya tinghamu ta n'wina, mi famba.