Genesa 42:15 - Xitsonga (Bibele)

¹⁵ mi ta ringiwa hi mhaka leyi: Hi vutomi bya Faro! Mi nga ka mi nga humi la, loko ndzisana ya n'wina yi nga si ta la.

BIBELE Mahungu Lamanene

¹⁵ Mi ta kamberiwa hi ndlela leyi: Ndzi hlambanya hi vito ra Faro ndzi ri, loko mi nga tisi ndzisana ya n'wina, a mi nga suki endhawini leyi.

Genesa 42:15 Referans Kwoze

1 SAMIELE 17:55

Kakuloko Sawulo a vona Davhida a huma ku ya hlangana ni Mufilista, a ku eka Abinere, ndhuna ya nyimpi: “Wandzisanyana loyi i n'wana mani, Abinere?” Abinere a hlamula, a ku: “Hi ku hanya ka wena, wee hosi, a ndzi n'wi tivi.”

Yakobo 5:12

Kambe, vamakwerhu, emahlweni ka hinkwaswo, mi nga hlambanyi, hambi ku ri hi tilo, hambi ku ri hi misava, ni loko ku ri ku hlambanya kwihi ni kwihi; kambe ina ya n'wina yi fanele ku va ina, ni e-e ya n'wina a yi ve e-e, leswaku mi nga tshuki mi wela eku avanyisiweni.

Yeremiya 5:7

“Ndzi nga ku tsetselelerisa ku yini? Kasi vana va wena va ndzi tshikile, kutani va hlambanya hi lexi nga riki Xikwembu, ndzi amukerile ku hlambanya ka vona, kambe va ha ri karhi va oswana; va hlengeletana va ri lavanyingi endlwini ya muoswi.

Yeremiya 5:2

Ni loko va ku: ‘Yehovha wa hanya!’ Va hlambanya hi vunwa.”

1 SAMIELE 20:3

Kutani Davhida a hlambanya kambe, a ku: “Tata wa wena wa swi tiva swinene leswaku ndzi kumile tintswalo emahlweni ka wena, kutani u te: ‘Yonatani a nga tshuki a swi tiva, leswaku swi nga n'wi dyisi mbitsi!’ Kambe Yehovha wa hanya, ni moya wa wena wa hanya: ku ni nkondzo wun'we ntsena exikarhi ka mina ni ku fa.”

1 SAMIELE 1:26

Kavaloko wansati a ku: “Ha! Hosi yanga, hi lahla moya wa wena wu hanyaka hakona, hi mina wansati loyi ingi a yimile kwala emahlweni ka wena, a khongela Yehovha.

Duteronoma 6:13

“U ta chava Yehovha, Xikwembu xa wena, u xi tirhela, ni ku hlambanya hi vito ra xona.

Genesa 43:3

Kutani Yuda a vulavula a ku: “Munhu loyi, u tiyisile eka hina, a ku: ‘Mi nga ka mi nga voni mombo wa mina loko mi nga ti ni ndzisana ya n'wina.’

Genesa 42:34

Mi ta tlhela mi vuya ni makwenu lontsongo, ndzi ta tiva leswaku a mi vakamberi, kambe mi vanhu va xiviri, ndzi ta mi nyiketa makwenu, mi ta hamba mi singila etikweni leri.’ ”

Genesa 42:30

“Wanuna yeloyi, yi nga hosi ya tiko, u vulavule na hina hi tihanyi, a ku: ‘Mi tele ku ta kambela tiko.’

Genesa 42:20

mi ta tlhela mi vuya ni makwenu lontsongo, marito ya n'wina ma ta tiya, mi nga ti tshuka mi fa”; kutani va endlisa sweswo.

Genesa 42:16

Rhumani un'wana wa n'wina a ya vita ndzisana ya n'wina; loko va ri van'wana va ta sala va bohiwile; marito ya n'wina ma ta vonaka leswaku xana i manene eka n'wina; loko swi nga ri tano, hi vutomi bya Faro mi vakamberi!”

Genesa 42:12

A ku eka vona: “E-e, mi tile ku ta vona laha tiko ri tsaneke kona.”

Genesa 42:7

Yosefa a vona vamakwavo, a va tiva, kambe a tiendla munhu la nga va tiviki, a vulavula na vona hi matimba, a ku eka vona: “Mi pfa kwihi?” Va ku: “Hi pfa etikweni ra Kanana, hi tile ku ta xava swakudya.”

Genesa 42:14

Yosefa a ku eka vona: “Hi yo mhaka ndzi mi byeleke yona, ndzi nge: Mi vakamberi;

Genesa 43:5

kambe loko u nga hi rhumi na yena, hi nga ka hi nga rheleli, hikuva munhu loyiya u te eka hina: ‘Mi nga ka mi nga voni mombo wa mina loko mi nga vuyi ni makwenu.’ ”