Genesa 42:13 - Xitsonga (Bibele)

¹³ Kambe va ku: “Hina, malandza ya wena, a hi ri vanhu va khume na vambirhi, vana va nuna un'we etikweni ra Kanana; lowa ndzisanyana u le kaya, eka tata wa hina kambe un'wanyana a nga ha ri kona.”

BIBELE Mahungu Lamanene

¹³ Vona va ku: “Hina malandza ya wena, hi tswariwile hi ri 12, hi vana va munhu un'we kwale tikweni ra Kanana. Lontsongo ú sale na tatana, kasi makwerhu loyi un'wana a nga ha ri kona.”

Genesa 42:13 Referans Kwoze

Genesa 37:30

Kutani a handzula tinguvu ta yena, a tlhelela eka vamakwavo, a ku: “N'wana a nga ha ri kona, mina ndzi ta ya kwihi xana?”

Genesa 44:20

Kutani hi ku eka hosi ya hina: ‘Hi na tatana, i munhu la dyuhaleke, ni n'wana loyi a nga n'wi veleka eku dyuhaleni ka yena, lowa ndzisana; hosi ya yena a yi kona, kutani hi yena a ri swakwe la seleke wa mana wa yena; kambe tatana a n'wi rhandza.’

Genesa 42:32

a hi ri vamakwavo va khume na vambirhi, vana va tata un'we; kambe un'wanyana a nga ha ri kona, ni lowa ndzisana u le kaya eka tatana, etikweni ra Kanana.’

Genesa 43:7

Vona va hlamula va ku: “Munhu yeloyi, u hi vutisisile ehenhla ka hina ni rixaka ra hina, a ku: ‘Tata wa n'wina wa hanya xana? Makwenu un'wana u kona xana?’ Kutani hi n'wi byela hi hlamula marito walawo. A hi ta swi tivisa ku yini leswaku a a ta ku: ‘Fambani, mi ya teka makwenu?’ ”

Matewu 2:18

“Huwa yi twakele eRhama, ya mikosi, ni nhlomulo lowukulu, a nga Rahele a rilelaka vana va yena kutani wa ala ku chaveleriwa, hikuva a va ha ri kona.”

Matewu 2:16

Kuteloko Heroda a vone leswaku u kanganyisiwile hi tintlhari, a kariha ngopfu, kutani a rhuma vanhu va ya dlaya vana hinkwavo va Betlehema, ni va tiko hinkwaro ra kona, va malembe mambirhi ni lava va tlhandlamaka, a anakanya nkarhi lowu a nga vutisisa tintlhari.

Swirilo 5:7

Vatata wa hina va dyohile, kutani a va ha ri kona, Kutani hina hi rhwala makhombo ya ku dyoha ka vona.

Yeremiya 31:15

Yehovha u vula a ku: “Huwa yi twakele eRhama, ku rila ni mikosi yo vavisa; i Rahele la rilelaka vana va yena, wa ala ku chaveleriwa ematshan'weni ya vana va yena, hikuva a va ha ri kona.”

Genesa 45:26

Kutani va n'wi ambela, va ku: “Yosefa wa hanya; kunene hi yena a nga nkulukumba etikweni hinkwaro ra Egipta.” Kambe mbilu ya Yakobo yi ku ntswo, hikuva a a nga kholwi ha vona.

Genesa 44:28

un'wana, loko a ndzi siyile, ndzi anakanya leswaku kunene u handzuriwile; kutani ku sukela kwalaho a ndzi si va ndzi n'wi vona.

Genesa 42:38

Kambe Yakobo a ku: “Mi nga ka mi nga fambi na n'wananga, hikuva hosi yakwe yi file, yena u sele a ri swakwe; loko a humelela hi khombo endleleni yoleyo mi fambaka ka yona, mi ta xikisa hi xiviti misisi ya mina leyo basa exivandleni xa vafi.”

Genesa 42:36

Yakobo, tata wa vona, a ku eka vona: “Mi ndzi pfumarisa vana! Yosefa a nga ha ri kona, na yena Simiyoni a nga ha ri kona, sweswi mi ndzi tekela na Benjamini! Timhaka teto hinkwato ta ndzi dlaya!”

Genesa 42:11

hinkwerhu leswi hi nga la, hi vana va wanuna un'we, hi vanhu vanene, ni malandza ya wena, a hi vakamberi.”

Genesa 42:12

A ku eka vona: “E-e, mi tile ku ta vona laha tiko ri tsaneke kona.”

Genesa 42:14

Yosefa a ku eka vona: “Hi yo mhaka ndzi mi byeleke yona, ndzi nge: Mi vakamberi;

Genesa 43:29

Yosefa a tlakusa mahlo ya yena, a vona Benjamini ndzisana ya yena, n'wana wa mana wa yena, a ku: “Xana hi yena loyi makwenu lontsongo, loyi mi nga ndzi byela yena?” A ku: “Xikwembu a xi ku katekise, n'wananga!”