Genesa 41:8 - Xitsonga (Bibele)

⁸ Nimixo, moya wa Faro a wu tshukile; kutani a rhuma ku ya vitana vangoma hinkwavo va Egipta ni tintlhari ta kona. Kutani Faro a va hlavutela milorho ya yena, kambe a ku vanga na un'we wa vona la tivaka ku hlamusela swona eka Faro.

BIBELE Mahungu Lamanene

⁸ Nimixo hosi Faro a a karhateka emoyeni, kutani a rhuma vanhu va ya vitana vangoma hinkwavo va tiko ra Egipta ni tintlhari ta rona hinkwato. Loko Faro a va rungulerile norho wa yena, a ku vanga na un'we exikarhi ka vona loyi a koteke ku n'wi byela nhlamuselo ya kona.

Genesa 41:8 Referans Kwoze

Daniele 4:7

Kutani ku tisiwa lavo tlhariha ni vangoma, ni Vakalediya, ni va vun'anga bya tinyeleti; kutani ndzi va byela norho, kambe va hluleka ku ndzi hlavutela wona.

Eksoda 7:22

Kutani tin'anga ta Egipta ti endlisa sweswo hi vutlhari bya tona. Kambe mbilu ya Faro yi nonon'hwa, kutani a nga yingisanga, hilaha Yehovha a nga vula hakona.

Matewu 2:1

Yesu, kuteloko a tswariwile Betlehema wa Yudiya, enkarhini wa hosi Heroda, vonani, tintlhari ta le vuxeni ti fika eYerusalema, ti ku:

Daniele 4:5

Ndzi va ni norho lowu ndzi tshuketeke, kutani mianakanyo ya mina loko ndzi ri emasangwini ya mina, ni leswi ndzi swi voneke enhlokweni ya mina, swi ndzi rhurhumerisa.

Daniele 1:20

Kutani etimhakeni hinkwato ta vutlhari ni mano hosi yi va vutisaka tona, yi kuma leswaku va tlula eka khume tintlhari hinkwato, ni vangoma lava nga eku fumeni hinkwako ka yona.

Esaya 29:14

Hikwalaho, ndzi ta endla ehenhla ka tiko leri, mitirho leyi hlamarisaka ni masingita; ku tiva ka tintlhari ta vona ku ta hela, ni ku twisisa ka va mano va vona ku ta lova.”

Eksoda 7:11

Kambe Faro a vitana tintlhari ni vangoma; kutani na vona, hikuva a ti ri tintlhari ta Egipta, va endlisa sweswo hi vutlhari bya vona:

Daniele 4:19

Kutani Daniele, vito ra yena a nga Beltexatsara, a sala a kayakayeka hi nkarhi, a pfulunganyiwa hi mianakanyo ya yena. Hosi yi tlhela yi vulavula, yi ku: “Beltexatsara, norho ni nhlamuselo ya wona swi nga tshuki swi ku pfulunganya.” Beltexatsara a hlamula, a ku: “Hosi yanga, norho lowu, a wu humeleli eka lava ku vengaka, ni nhlamuselo ya wona eka lava lwaka na wena!

Esaya 8:19

Loko va nga ku eka n'wina: “Vutisisani lava humesaka mimoya ya vafi, ni vabvumbi lava hlevetelaka, lava n'unun'utaka, mi ta ku: ‘Xana tiko a ri faneli ku vutisa Xikwembu xa rona xana? Xana ku nga vutisiwa vafi timhaka ta lava hanyaka xana?’ ”

Levhitika 19:31

“ ‘Mi nga tshuki mi ya evangomeni ni ka lava hlahluvaka, mi nga tshuki mi va vutisisa timhaka leswaku mi nga tinyamisi ha vona: hi mina Yehovha, Xikwembu xa n'wina.

Eksoda 8:7

Kambe tin'anga na tona ti endlisa sweswo hi vutlhari bya tona: ti humesela tiko ra Egipta mitlambya.

Genesa 40:8

Kutani va ku eka yena: “Hi lorhile milorho, kambe a ku na loyi a hi hlamuselaka.” Yosefa a ku eka vona: “Ku hlamusela a ku humi eka Xikwembu xana? Mi nga ndzi byela yona.”

Genesa 40:6

Yosefa a ta eka vona wa ha ri mixo, a va vona, kutani maswivo, a va tsuvile.

1 Vakorinto 1:19

Hikuva ku tsariwile leswaku: “Ndzi ta herisa vutlhari bya lavo tlhariha; ndzi ta hundzula ku tiva ka vativi swahava.”

Timhaka 17:18

Kambe tintlhari tin'wana ta dyondzo ya Epikuro ni ya Switoyika, va hlamulana na yena; kutani van'wana va ku: “Xana xivulavuri lexi, xi ri yini?” Van'wana va ku: “Wa ngi i mufundhisi wa swikwembu swin'wana,” hikuva a a va byela ta Yesu ni ta ku pfuka ka vafi.

Timhaka 7:22

Kutani Muxe a dyondziswa vutlhari hinkwabyo bya Vaegipta; kutani a va munhu wa matimba emaritweni ni le mitirhweni.

Habakuku 3:16

Ndzi swi twile, kutani miri wa mina wu rhurhumela; eritweni rolero, milomu ya mina yi tsekatseka, ku bola ku nghena emarhambyini ya mina, ndzi ri karhi ndzi rhurhumela, loko ndzi fanekele ku languta ndzi wisile siku lero ra khombo, siku leri tiko ri nga ta hlomeriwa hi la nga ta ta ri hlasela.

Daniele 8:27

Kutani mina, Daniele, ndzi wa ndzi titivala, ndzi vabya masikunyana, kutani ndzi pfuka, ndzi khoma ntirho wa hosi, ndzi ri karhi ndzi hlamala hi xivono xolexo; kambe a ku nga ri na munhu loyi ngi a xi tiva.

Daniele 7:28

Timhaka toleto ti helela kwalaho. Mina, Daniele, ndzi tshuka ngopfungopfu hi leswi ndzi swi voneke, ndzi hundzuka vala, kambe ndzi hlayisa timhaka teto embilwini ya mina.”

Daniele 5:11

Munhu u kona eku fumeni ka wena loyi moya wa swikwembu leswo kwetsima wu nga eka yena; emikarhini ya tata wa wena, ku kumiwe eka yena ku vonakala, ni mano, ni vutlhari lebyo ngi i vutlhari bya swikwembu; kutani hosi Nebukadnetsara, tata wa wena, a n'wi vekile ndhuna ya tintlhari ni ya vangoma, ni ya Vakalediya, ni ya va vungoma bya tinyeleti, a ri tata wa wena, hosi;

Esaya 19:3

Moya wa Egipta wu ta titivala, ndzi ta herisa makungu ya vona, va ta ya hlahluva eka swikwembu swahava, ni ka vangoma, ni ka vona lava vutisaka vafi, ni ka vabvumbi.

Pisalema 25:14

Makungu ya Yehovha i ya lava n'wi chavaka, Ku va dyondzisa ntwanano wa yena.

Levhitika 20:6

“Kungakuloko munhu a ya evangomeni ni ka lava hlahluvaka, a oswana na vona, ndzi ta languta hi vukari munhu loyi, ndzi n'wi susa etikweni ra yena.

Eksoda 9:11

Kutani tin'anga ti tsandzeka ku endlisa sweswo emahlweni ka Muxe hikwalaho ka matshumba, hikuva tin'anga ta Vaegipta a ti ri ni matshumba swin'we ni Vaegipta hinkwavo.

Genesa 41:7

Kutani min'oko leya timbakarhi yi kulungela min'oko leya ntlhanu na mimbirhi leyo chela swinene. Kutani Faro a khindlimuka, a kuma leswaku a a lorhile.

Genesa 41:15

Kutani Faro a ku eka Yosefa: “Ndzi lorhe milorho, kambe a ku na la ndzi hlamuselaka yona; ndzi twile va ku vula leswaku loko u twe norho, wa hlamusela.”

1 SAMIELE 6:2

Kutani Vafilista va vitana vaprista ni vangoma, va ku: “Hi ta endla yini hi areka ya Yehovha xana? Hi tiviseni mukhuva lowu hi nga ta yi tlherisela ekaya ka yona ha wona.”

Daniele 4:6

Ndzi kondza ndzi lerisa leswaku ku tisiwa emahlweni ka mina lava vutlhari hinkwavo va Babilona va ta ndzi funungulela norho wolowo.

Daniele 4:18

“Hi wolowo norho ndzi wu lorheke, mina hosi Nebukadnetsara, kutani wena, Beltexatsara, u ndzi byela nhlamuselo ya wona, leswi tintlhari hinkwato ta ku fuma ka mina ti hlulekeke ku ndzi tivisa yona; kambe wena u nga swi tiva, hikuva moya wa swikwembu leswi hlawuriweke wu le ka wena.”

Genesa 41:24

Kutani min'oko ya timbakarhi yi kulungela min'oko leya ntlhanu na mimbirhi leyinene. Kutani ndzi byerile vangoma, kambe a ku na munhu la ndzi hlamuselaka.”