Genesa 41:7 - Xitsonga (Bibele)

⁷ Kutani min'oko leya timbakarhi yi kulungela min'oko leya ntlhanu na mimbirhi leyo chela swinene. Kutani Faro a khindlimuka, a kuma leswaku a a lorhile.

BIBELE Mahungu Lamanene

⁷ kutani yi mita min'woko leya 7 leyi vekeke tindzhoho to tala swinene. Kavaloko hosi Faro a phaphama, kutani a vona leswaku o va eku lorheni.

Genesa 41:7 Referans Kwoze

Genesa 37:5

Kutani Yosefa a lorha norho, a byela vamakwavo, kutani va engeta ku n'wi venga ngopfungopfu.

Genesa 20:3

Kambe Xikwembu xi ta eka Abimeleke, enorhweni wa vusiku, xi ku eka yena: “Waswivo, u ta fa hikwalaho ka nsati loyi u n'wi tekeke, hikuva u ni nuna.”

Genesa 41:6

a tlhela a vona min'oko ya ntlhanu na mimbirhi leyi chochiweke, leyi tshweke hi mheho ya le vuxeni, yi mirile ya timbakarhi.

Genesa 41:8

Nimixo, moya wa Faro a wu tshukile; kutani a rhuma ku ya vitana vangoma hinkwavo va Egipta ni tintlhari ta kona. Kutani Faro a va hlavutela milorho ya yena, kambe a ku vanga na un'we wa vona la tivaka ku hlamusela swona eka Faro.

1 TIHOSI 3:15

Solomoni a sisimuka evurhongweni, kutani maswivo, a ku ri ku lorha. Kuteloko a fikile eYerusalema, a yima emahlweni ka areka ya ntwanano wa Yehovha, a humesa tiholokosta ni magandzelo ya ku khensa. Kutani a endlela malandza hinkwawo ya yena nkhuvo.