Genesa 41:54 - Xitsonga (Bibele)

⁵⁴ Kutani malembe ya ntlhanu na mambirhi ya ndlala ma sungula ku fika, hilaha Yosefa a nga vula hakona; ndlala yi va kona ematikweni hinkwawo, kambe etikweni ra Egipta swakudya a swi ri kona.

BIBELE Mahungu Lamanene

⁵⁴ kutani ku sungula malembe ya 7 ya dyandza, hilaha Yosefa a vuleke hakona. Matiko hinkwawo ma wela hi ndlala. Tiko hinkwaro ra Egipta rona a ra ha sele ni swakudya,

Genesa 41:54 Referans Kwoze

Timhaka 7:11

“Kutani ku wa ndlala leyikulu etikweni hinkwaro ra Egipta, ni ra Kanana; khombo ri va lerikulukumba; vatata wa hina va ko va hluleka ni ku kuma swakudya.

Pisalema 105:16

A vitanela tiko rero ndlala, A va tsona vuswa lebyi va tiyisaka,

Genesa 45:11

Ndzi ta ku wundla kona (hikuva malembe ya ntlhanu ya ndlala ma ha ta), hileswaku u nga ti tshuka u hungutiwa wena, ni yindlu ya wena, ni lava u nga na vona hinkwavo.’

Genesa 41:30

Kutani ku ta humelela malembe ya ntlhanu na mambirhi ya ndlala endzhaku ka walawo; ndzalo hinkwayo yi ta rivariwa etikweni ra Egipta, ndlala yi ta heta tiko;

Genesa 47:13

Kambe swakudya a swi pfumaleka emisaveni hinkwayo, hikuva ndlala a yi tikile ngopfungopfu etikweni ra Egipta, ni le tikweni ra Kanana, a va gon'hwela hikwalaho ka ndlala.

Genesa 43:1

Kambe ndlala yi engeteleka etikweni.

Genesa 42:2

A ku: “Maswivo, ndzi twile leswaku koro yi kona eEgipta; rhelelani, mi ya kona, mi ya hi xavela, hi ta hanya, hi nga ti fa.”

Genesa 41:27

Kambe tihomu leta ntlhanu na timbirhi leta ku ondza, to nyenyetsa, leti nga huma endzhaku ka teto, i malembe ya ntlhanu na mambirhi; ni timbakarhi leta ntlhanu na timbirhi, leti swinyeke, leti nga tshwa hi moya wa vuxa, ma ta va malembe ya ntlhanu na mambirhi ya ndlala.

Genesa 41:53

Malembe laya ntlhanu na mambirhi ya ndzalo ma va kona etikweni hinkwaro ra Egipta.

2 TIHOSI 8:1

Elixa a a byerile wansati loyi a hanyiseke n'wana wa yena, a ku: “Pfuka u famba wena ni yindlu ya wena, u ya luvela kun'wana, hikuva Yehovha u vitanile ndlala, ni sweswi yi le tikweni; yi ta va kona hi malembe ya ntlhanu na mambirhi.”