Genesa 41:51 - Xitsonga (Bibele)

⁵¹ Lowa hosi, Yosefa a n'wi chula vito ra Manase (ku rivala) a ku: “Hikuva Xikwembu xi ndzi riverisile ku karhala ka mina, ni swa le kaya hinkwaswo swa le ka tatana.”

BIBELE Mahungu Lamanene

⁵¹ Kutani Yosefa a thya n'wana lowa mativula evito ra Manase, hikuva a a ku: “Xikwembu xi endlile leswaku ndzi rivala maxangu ya mina hinkwawo, ndzi nga ha tsundzuki ni le kaya.”

Genesa 41:51 Referans Kwoze

Pisalema 30:5

Hikuva vukari bya yena i bya nkarhinyana ntsena, Kambe tintswalo ta yena, i ta vutomi hinkwabyo; Swirilo swi nga hambukela eka munhu nimadyambu, Kambe nimixo i ku tsaka.

Swivuriso 31:7

Leswaku a nwa, a rivala vusiwana bya yena, A nga ta tshama a anakanya makhombo ya yena.

Pisalema 30:11

U hundzuluxile mihloti ya mina ku tsaka, U tshunxile nguvu ya mina leyo khwaxa, kutani u ndzi ambexe ku tsaka,

Duteronoma 33:17

Nkunzi ya yena ya mativula i ku kwetsima ka yena, Timhondzo ta yona i timhondzo ta nyarhi; U ta tlhava ha tona matiko hinkwawo swin'we, Ku ya fika emakun'wini ya misava. Hi byona vunyingi bya Efrayimi, Hi wona madzanadzana ya Manase.”

Genesa 41:30

Kutani ku ta humelela malembe ya ntlhanu na mambirhi ya ndlala endzhaku ka walawo; ndzalo hinkwayo yi ta rivariwa etikweni ra Egipta, ndlala yi ta heta tiko;

Esaya 65:16

“Mani na mani la nga ta rhandza ku katekisiwa etikweni, u ta rhandza ku katekisiwa hi Xikwembu xa ntiyiso, kutani un'wana na un'wana la nga ta hlambanya, u ta hlambanya hi Xikwembu xa ntiyiso; hikuva nhlomulo wo sungula wu ta rivariwa, wu ta va wu hundzile emahlweni ka mina.

Esaya 57:16

A ndzi rhandzi ku tengisa hi masiku, ni ku hlayisa vukari lebyi nga heriki, mimoya leyi ndzi yi endleke yi nga ti tshuka yi heleriwa hi matimba.

Pisalema 45:10

Yingisa, wanhwana, languta u rhiya tindleve; Rivala tiko ra wena, ni yindlu ya tata wa wena,

Genesa 48:5

“Kutani sweswi, vana va wena lavambirhi, lava u va velekeke etikweni ra Egipta, ndzi nga si ta eka wena etikweni ra Egipta, va ta va va mina: Efrayimi na Manase va ta va va mina kukotisa Rhuveni na Simiyoni.

Genesa 41:50

Kakuloko malembe ya ndlala ma nga si fika, vana vambirhi va velekele Yosefa hi Asnati, n'wana Potifera, muprista wa Ono.

Genesa 41:52

Lowa ndzisana a n'wi thya vito ra Efrayimi (mbhandzu wa vumbirhi), a ku: “Hikuva Xikwembu xi ndzi tatisele etikweni ra nhlomulo wa mina.”

Genesa 48:1

Endzhaku ka timhaka teto, va ku eka Yosefa: “Waswivo, tata wa wena wa vabya.” Kavaloko a teka vana va yena vambirhi, Manase na Efrayimi.

Yoxuwa 14:4

Hikuva vana va Yosefa, Manase na Efrayimi, a ti ri tinyimba timbirhi; kutani a ku nyikiwangi Valevhi ku averiwa etikweni, loko yi nga ri miti ya ku aka eka yona, ni matikwana ya yona lama fanelaka mitlhambi ya vona ni rifuwo ra vona.

Yoxuwa 17:1

Manase a kuma ku averiwa ka yena hi vuhlolotwana, hikuva i mativula ya Yosefa. Loko a ri Makiri, mativula ya Manase, tata wa Giliyadi a nyikiwa Giliyadi na Baxani hikuva a a ri nhenha.

1 SAMIELE 1:20

Kutani Elikana a tiva Hana, nsati wa yena, kutani Yehovha a n'wi tsundzuka. Hi lembe rolero, Hana a tika nyimba, kutani a veleka n'wana wa wanuna. A n'wi thya vito ra Samiele hikuva a ku: “Ndzi n'wi komberile eka Yehovha.”

Tinhlayo 26:28

Vana va Yosefa, hi tinyimba ta vona: Manase na Efrayimi.

Ntirho 11:16

U ta rivala ku vaviseka ka wena, U ta ku anakanya ku kota mati lama hundzeke.