Genesa 41:42 - Xitsonga (Bibele)

⁴² Faro a susa xingwavila xa yena eritihweni ra yena, a vehela eritihweni ra Yosefa; a n'wi bombisa hi mikhancu leya ntsembyana lowo vevuka, a n'wi bela ritlama ra nsuku enhan'wini;

BIBELE Mahungu Lamanene

⁴² Hiloko Faro a susa xingwavila xa yena xo fungha ha xona, a xi tlhoma eritihweni ra Yosefa, a n'wi ambexa swiambalo swa ntsembyani wo saseka, a n'wi ambexa ni nketani ya nsuku enhan'wini.

Genesa 41:42 Referans Kwoze

Daniele 5:29

Kutani hi ku lerisa ka Belxatsara Daniele a ambexiwa hi xivunguvungu, a veheriwa ritlama ra nsuku enhan'wini, kutani ku twarisiwa emahlweni ka yena leswaku u ta tshama exitshan'weni xa vunharhu xa ku fuma.

Daniele 5:7

Kutani hosi yi huwelela hi matimba leswaku ku tisiwa vangoma, ni Vakalediya ni va vungoma bya tinyeleti. Kutani hosi yi vulavula ni lava vutlhari va Babilona, yi ku: “Munhu, hambi a ri mani na mani, la nga ta hlaya leswi tsariweke la, la nga ta ndzi hlamusela swona, u ta ambexiwa nguvu ya xivunguvungu, u ta veheriwa ritlama ra nsuku enhan'wini, a nyikiwa ni xitshamo xa vunharhu eku fumeni ka mina.”

Estere 3:10

Kutani hosi yi susa xingwavila evokweni ra yona, yi xi nyika Hamani, n'wana Hamedata, Muagaga, nala wa Vayuda.

Daniele 5:16

Kambe ndzi twile leswaku wena wa swi tiva ku nyika munhu nhlamuselo, ni ku hlamusela swivutiso leswo nonon'hwa. Loko kunene u nga hlaya leswi tsariweke ni ku ndzi tivisa timhaka ta swona, u ta ambexiwa nguvu ya xivunguvungu, u ta veheriwa ritlama ra nsuku enhan'wini ya wena, kutani u ta vekiwa exitshan'weni xa vunharhu eku fumeni ka mina.”

Estere 8:2

Hosi yi humesa xingwavila xa yena lexi ingi a xi tekerile Hamani, a xi nyika Mordekayi; kutani Estere a veka Mordekayi n'wini wa yindlu ya Hamani.

Estere 8:15

Mordekayi a suka emahlweni ka hosi a funengele xifunengelo xa vuhosi xa rihlaza ni xa ntsembyana lowo basa, a vehele harhi leyikulu ya nsuku, a ri ni nguvu ya ntsembyana leya ribungu. Kutani muti wa Xuxani wu ba huwa, wu tsakile ngopfu.

Estere 8:10

Mordekayi a tsala hi vito ra hosi Ahasuwerusi, kutani a tiyisa hi xingwavila xa hosi, a rhumela mapapila hi vatsutsumi lava khandziyeke tihanci ni vakhandziyi va tikamela, ni timula leti tswalaka hi tihanci leta matswele.

Ezekiele 27:7

Ntsembyana lowo saseka lowu lukiweke wa Egipta u wu endle swisirhelo ni tiseile ta wena; scarlet ni xivunguvungu swa swihlale swa Elixa swi va swifunengelo swa wena.

Risimu ra Tinsimu 1:10

Marhama ya wena ma sasekile exikarhi ka tinxaxa ta swingwavila, Ni nhamu ya wena hi mikarara ya vuhlalu.

Swivuriso 31:24

Nsati u endla tinguvu, a xavisa, Ni mavamba, a xavisa eka vaxavi.

Swivuriso 31:22

U tilukela masangu yo saseka, Swiambalo swa yena i ntsembyana ni xivunguvungu.

Estere 8:8

Loko swi ri tano, tsalani n'wina hi vito ra hosi ematshan'weni ya Vayuda hilaha mi swi rhandzaka, kutani mi tiyisa hi xingwavila xa hosi; hikuva papila leri tsariweke hi vito ra hosi, ri tiyisiweke hi xingwavila xa hosi, a ri na ku hundzukeriwa.”

Estere 3:12

Hi laha vatsari va hosi va vitaniwaka hi siku ra khume na manharhu ra n'hweti yo sungula; ku tsaleriwa hinkwako hilaha Hamani a leriseke hakona; ku tsaleriwa tindhuna ta hosi, ni vafumi va tiko rin'wana ni rin'wana, ni tihosana ta vanhu van'wana ni van'wana; ku tsaleriwa tiko rin'wana ni rin'wana hi matsalele ya rona, ni vanhu van'wana ni van'wana hi ku vulavula ka vona; matsalwa ma tsariwa hi vito ra hosi Ahasuwerusi, kutani ku tiyisiwa hi xingwavila xa hosi.

Luka 15:22

Kambe tata wa yena a ku eka malandza ya yena: ‘Tisani nguvu leyo saseka ngopfu, mi n'wi ambexa yona, mi n'wi nghenisa xingwavila eritihweni, ni tintanghu emilengeni.

Swivuriso 1:9

Hikuva swi ta va xibombiso lexo saseka enhlokweni ya wena, Ni sindza ra nkoka enhan'wini ya wena.

Estere 10:3

Hikuva Muyuda Mordekayi a a ri wa vumbirhi, la tlhandlamaka hosi Ahasuwerusi; a va nkulukumba exikarhi ka Vayuda, ni la tsakisaka eka vunyingi bya varikwavo; a a lavela vanhu va rikwavo tintswalo, a kanelela hinkwavo va rixaka ra yena ku rhula.

Genesa 38:18

Kutani a ku: “Ndzi ku nyika mfungho wihi?” A ku: “Xingwavila xa ku tiyisa ka wena, ni nghole ya wena, ni nhonga ya voko ra wena.” A n'wi nyika sweswo, a ya eka yena, kutani wansati a xurhisa hi yena.

Genesa 41:43

a n'wi tshamisisa ekalichini leyi landzaka ya yena, kutani va huwelela emahlweni ka yena, va ku: “Abreke!” (Khinsamani!) Kutani a n'wi veka ehenhla ka tiko hinkwaro ra Egipta.

1 SAMIELE 18:4

Kavaloko Yonatani a hluvula nkhancu lowu a wu ambaleke, a wu nyika Davhida swin'we ni tinguvu ta yena, hambi ri ri banga, ni vurha, ni vamba ra yena.

Pisalema 73:6

Hikwalaho-ke, ku tikurisa ka vona i sindza eka vona. Ku vutla ku va rhendzele tani hi nguvu;

Risimu ra Tinsimu 4:9

U teke mbilu ya mina, makwerhu muvutiwa wa mina, U teka mbilu ya mina hi tihlo rin'we ra wena, Hi nketana yin'we ya nhamu ya wena.

Yeremiya 52:33

A n'wi tshikisa tinguvu ta yena ta mukhomiwa kutani a dya swakudya emahlweni ka hosi hi masiku hinkwawo ya ku hanyaka yena.

Esaya 3:23

ni swivonivoni, ni tinguvu leto vonikela, ni maduku, ni mixikitelo.