Genesa 41:15 - Xitsonga (Bibele)

¹⁵ Kutani Faro a ku eka Yosefa: “Ndzi lorhe milorho, kambe a ku na la ndzi hlamuselaka yona; ndzi twile va ku vula leswaku loko u twe norho, wa hlamusela.”

BIBELE Mahungu Lamanene

¹⁵ Kutani Faro a ku ka Yosefa: “Ndzi lorhile norho, kutani a ku na munhu loyi a kotaka ku ndzi hlamusela wona; ndzi twile leswaku wena wa swi kota ku hlamusela norho loko u byeriwe wona.”

Genesa 41:15 Referans Kwoze

Daniele 5:16

Kambe ndzi twile leswaku wena wa swi tiva ku nyika munhu nhlamuselo, ni ku hlamusela swivutiso leswo nonon'hwa. Loko kunene u nga hlaya leswi tsariweke ni ku ndzi tivisa timhaka ta swona, u ta ambexiwa nguvu ya xivunguvungu, u ta veheriwa ritlama ra nsuku enhan'wini ya wena, kutani u ta vekiwa exitshan'weni xa vunharhu eku fumeni ka mina.”

Daniele 5:12

hikuva moya wa ku tlakuka, ni ku tiva, ni ku twisisa ni ku hlamusela milorho, ni ku hlamusela swihundla, ni ku hlavutela ka swivutiso leswo nonon'hwa swi tshamile swi kumiwa eka yena, a nga Daniele, loyi hosi yi n'wi chuleke vito ra Beltexatsara. Loko swi ri tano, a ku vitaniwe Daniele, kutani u ta ku hlamusela.”

Pisalema 25:14

Makungu ya Yehovha i ya lava n'wi chavaka, Ku va dyondzisa ntwanano wa yena.

Genesa 40:8

Kutani va ku eka yena: “Hi lorhile milorho, kambe a ku na loyi a hi hlamuselaka.” Yosefa a ku eka vona: “Ku hlamusela a ku humi eka Xikwembu xana? Mi nga ndzi byela yona.”

Genesa 41:8

Nimixo, moya wa Faro a wu tshukile; kutani a rhuma ku ya vitana vangoma hinkwavo va Egipta ni tintlhari ta kona. Kutani Faro a va hlavutela milorho ya yena, kambe a ku vanga na un'we wa vona la tivaka ku hlamusela swona eka Faro.

Daniele 2:3

Kutani yi ku eka vona: “Ndzi lorhile, kutani moya wa mina wa tshuka hi ku navela ku twisisa norho wolowo.”

Daniele 4:9

“Wena Beltexatsara, n'wini wa lavo tlhariha, hikuva ndzi tiva leswaku moya wa swikwembu leswi hlawuriweke wu kona eka wena, ni leswaku a ku tsandziwi hi xihundla, hambi xi nga va xihi ni xihi, u ndzi hlamusela swivono leswi ndzi swi voneke enorhweni wa mina, ni nhlamuselo ya swona.

Daniele 4:18

“Hi wolowo norho ndzi wu lorheke, mina hosi Nebukadnetsara, kutani wena, Beltexatsara, u ndzi byela nhlamuselo ya wona, leswi tintlhari hinkwato ta ku fuma ka mina ti hlulekeke ku ndzi tivisa yona; kambe wena u nga swi tiva, hikuva moya wa swikwembu leswi hlawuriweke wu le ka wena.”

2 TIKRONIKA 26:5

A chivirika ku lava Xikwembu eku hanyeni ka Zakariya, munhu la nga twisisa swivono swa Xikwembu; emasikwini hinkwawo lawa a laveke Yehovha ha wona, Xikwembu xi n'wi katekisa.

Daniele 5:14

Ndzi twile loko ku vuriwa, va ku: ‘Moya wa swikwembu wu le ka wena, ni leswaku ku kumiwile eka wena ku vonakala, ni mano, ni vutlhari lebyi tlurisaka.’