Genesa 40:5 - Xitsonga (Bibele)

⁵ Kutani mucheleri ni muphameri wa hosi ya Egipta, lava bohiweke ekhotsweni, va lorha milorho havambirhi, un'wana ni un'wana norho wa yena hi vusiku byi ri byin'we; wun'wana ni wun'wana wu ri ni ku hlamuseriwa ka wona.

BIBELE Mahungu Lamanene

⁵ Kutani siku rin'wana nivusiku, mucheri wa vhinyo ya hosi ya Egipta, ni muphameri wa xinkwa xa yona, va lorha milorho havumbirhi bya vona, va ri kwale khotsweni; norho wun'wana ni wun'wana a wu ri ni nhlamuselo ya wona.

Genesa 40:5 Referans Kwoze

Genesa 41:11

Kutani hi lorhe milorho hi vusiku byin'we, mina na yena; un'wana ni un'wana a lorha norho lowu nga ni ku hlamuseriwa ka wona.

Daniele 4:19

Kutani Daniele, vito ra yena a nga Beltexatsara, a sala a kayakayeka hi nkarhi, a pfulunganyiwa hi mianakanyo ya yena. Hosi yi tlhela yi vulavula, yi ku: “Beltexatsara, norho ni nhlamuselo ya wona swi nga tshuki swi ku pfulunganya.” Beltexatsara a hlamula, a ku: “Hosi yanga, norho lowu, a wu humeleli eka lava ku vengaka, ni nhlamuselo ya wona eka lava lwaka na wena!

Daniele 4:9

“Wena Beltexatsara, n'wini wa lavo tlhariha, hikuva ndzi tiva leswaku moya wa swikwembu leswi hlawuriweke wu kona eka wena, ni leswaku a ku tsandziwi hi xihundla, hambi xi nga va xihi ni xihi, u ndzi hlamusela swivono leswi ndzi swi voneke enorhweni wa mina, ni nhlamuselo ya swona.

Daniele 4:5

Ndzi va ni norho lowu ndzi tshuketeke, kutani mianakanyo ya mina loko ndzi ri emasangwini ya mina, ni leswi ndzi swi voneke enhlokweni ya mina, swi ndzi rhurhumerisa.

Estere 6:1

Hi vusiku byolebyo, hosi a yi nga kumi vurhongo; kutani yi ku, ku tisiwa buku ya switsundzuxo, ya timhaka ta ku fuma, yi va yi hlayiwa emahlweni ka hosi.

Tinhlayo 12:6

Kavaloko a ku: “Yingisani swinene marito ya mina! Loko muprofeta u kona exikarhi ka n'wina, mina Yehovha ndzi tikombisa ka yena hi mahlori, ndzi vulavula na yena enorhweni.

Genesa 40:8

Kutani va ku eka yena: “Hi lorhile milorho, kambe a ku na loyi a hi hlamuselaka.” Yosefa a ku eka vona: “Ku hlamusela a ku humi eka Xikwembu xana? Mi nga ndzi byela yona.”

Genesa 20:3

Kambe Xikwembu xi ta eka Abimeleke, enorhweni wa vusiku, xi ku eka yena: “Waswivo, u ta fa hikwalaho ka nsati loyi u n'wi tekeke, hikuva u ni nuna.”

Genesa 40:1

Endzhaku ka timhaka teto, mucheleri wa hosi ya Egipta ni muphameri wa xinkwa, va dyohela n'wini wa vona, hosi ya Egipta.

Genesa 40:4

Kutani ndhuna ya valanguteri a byela Yosefa loyi a va tirhelaka leswaku a va hlayisa, kutani va tshama masiku ekhotsweni.

Genesa 40:6

Yosefa a ta eka vona wa ha ri mixo, a va vona, kutani maswivo, a va tsuvile.