Genesa 40:3 - Xitsonga (Bibele)

³ kutani a va nyiketa leswaku va hlayisiwa endlwini ya hosi ya valanguteri, ekhotsweni laha Yosefa a a bohiwile kona.

BIBELE Mahungu Lamanene

³ Hiloko hosi Faro a va nyiketa eka ndhuna ya varindzi, leswaku a va rindza emutini wa yena, laha a ku ri ni khotso leri Yosefa a a pfaleriwile eka rona.

Genesa 40:3 Referans Kwoze

Genesa 39:20

Kutani n'wini wa Yosefa a n'wi khoma, a n'wi hoxa endlwini ya khotso, exivandleni lexi lava bohiweke hi hosi va khotsiwaka eka xona; kutani a tshama kona ekhotsweni.

Genesa 39:23

N'wini wa khotso a a nga ha langutisi nchumu eka swilo hinkwaswo leswi ngi swi ri emavokweni ya Yosefa, hikuva Yehovha a a ri na yena; ni leswi a swi endlaka, Yehovha a a swi katekisa.

Genesa 39:1

Kavaloko Yosefa a yisiwa eEgipta; kutani Potifaro, ndhuna ya Faro, mutameri wa valanguteri, wanuna wa le Egipta, a n'wi xava eka Vaiximaele, lava nga n'wi yisa kona.

Genesa 39:22

Kutani n'wini wa khotso a nyiketa emavokweni ya Yosefa hinkwavo lava bohiweke lava ngi va ri ekhotsweni; ni hinkwaswo leswi nga endliwa kona, a a ri yena la swi endlaka.

Genesa 40:4

Kutani ndhuna ya valanguteri a byela Yosefa loyi a va tirhelaka leswaku a va hlayisa, kutani va tshama masiku ekhotsweni.

Genesa 41:10

Faro a a karihele malandza ya yena, a hi nghenise ekhotsweni, endlwini ya ndhuna ya valanguteri, mina ni ndhuna ya vaphameri.