Genesa 40:11 - Xitsonga (Bibele)

¹¹ Xidzuvulo xa Faro a xi ri evokweni ra mina; kutani ndzi teka vana va wona, ndzi kamela xidzuvulweni xa Faro, ndzi nyiketa Faro xidzuvulo emandleni.”

BIBELE Mahungu Lamanene

¹¹ Evokweni a ndzi khomile xinwelo xa hosi Faro, kutani ndzi teka mihandzu ya vhinya ndzi kamela exinwelweni lexi, ndzi nyika hosi Faro.”

Genesa 40:11 Referans Kwoze

Nehemiya 1:11

Oho! Yehovha, ndleve ya wena a yi rhiyeketele mikhongelo ya nandza wa wena, ni mikhongelo ya malandza ya wena lama tirhandzeleke ku chava vito ra wena; wanga tiyisa nandza wa wena, kutani u n'wi kumisa tintswalo emahlweni ka wanuna loyi.” Kambe a ndzi ri mucheleri wa hosi.

2 TIKRONIKA 9:4

ni swakudya swa tafula ra yena, ni tindlu ta malandza ya yena ni yindlu ya tindhuna ta yena, ni tinguvu ta tona, ni vatameri va mindzheko ya yena, ni tinguvu ta vona, ni ndlela yo tlhandluka leyi va tlhandlukaka ha yona endlwini ya Yehovha, kutani a va ni mahika, a ku eka hosi:

1 TIHOSI 10:5

ni ku tlakuka ka tindhuna ta yena, ni tinguvu ta vona, ni vatameri va mindzheko, ni tiholokosta leti a ti humeseke eNdlwini ya Yehovha, kutani a hela moya hi ku hlamala.

Swivuriso 3:10

Kutani switlati swa wena swi ta tala, Swikhuvuto swa wena swi ta khapakhapa hi vhinyo yo tsokombela.

Levhitika 10:9

“Mi nga tshuki mi nwa vhinyo ni byalwa, hambi u ri wena, hambi va ri vana va wena, loko mi ta nghena etabernakeleni ya nhlengeletano, mi nga ta fa; i nawu lowu nga heriki etinxakeni hinkwato,

Genesa 49:11

A kuleka mbhongolo yakwe eximudyaneni xa vhinya, Ni ximbhongolwana, emurhini wa vhinya lowu hlawuriweke; A hlantswa nguvu ya yena evhinyeni. Ni nkumba wa yena engatini ya vhinya.

Genesa 40:21

a tlherisela ndhuna ya vacheleri eku cheleleni ka yena, leswaku a tama a nyiketa Faro xidzuvulo emandleni,

Genesa 40:1

Endzhaku ka timhaka teto, mucheleri wa hosi ya Egipta ni muphameri wa xinkwa, va dyohela n'wini wa vona, hosi ya Egipta.

Genesa 40:10

murhi lowu, a wu ri ni marhavi manharhu; kuteloko ma hlukile, ma baleka swiluva, kutani swidzumba swa wona swi humesa vana lava vupfeke.

Genesa 40:12

Yosefa a ku eka yena: “Ku hlamusela ka wona, hi loku: Marhavi lamanharhu, i masiku manharhu.