Genesa 4:4 - Xitsonga (Bibele)

⁴ Avele a humesa, na yena, mativula ya ntlhambi wa yena, ni mafurha ya wona. Kutani Yehovha a khensa Avele ni nhlengo wa yena,

BIBELE Mahungu Lamanene

⁴ kasi Avele yena ú lo pambula swinyimpfana leswi noneke swa mativula exikarhi ka ntlhambi wa yena, a humesela HOSI Xikwembu. Kutani xona xi amukela Avele ni gandzelo ra yena,

Genesa 4:4 Referans Kwoze

Vaheveru 11:4

Hi ku pfumela, Avele u humesele Xikwembu magandzelo lama tlulaka ya Kayini, kutani hakona u kumile vumbhoni leswaku u lulamile, Xikwembu xi ri karhi xi vula vumbhoni bya magandzelo ya yena; kambe hakona wa ha vulavula, hambi a file.

Swivuriso 3:9

Dzunisa Yehovha hi rifuwo ra wena, Ni swirhangana swa hinkwaswo leswi ku taleleke:

Eksoda 13:12

u ta avela Yehovha mativula hinkwawo, ni mativula hinkwawo ya swifuwo swa wena; swa matsune hinkwaswo swi ta va swa Yehovha.

Tinhlayo 18:17

Kambe mativula ya tihomu ni mativula ya tinyimpfu, ni mativula ya timbuti, u nga ka u nga ma kutsuli, ma hlawulekile. U ta halata ngati ya wona ealitarini, kutani u ta hisa mafurha ya wona; i gandzelo leri hisiwaka, leri nun'hwelaka eka Yehovha.

Vaheveru 9:22

Kutani hi nawu, swilo leswi hlantswiwaka hi ngati, swi lave ku va swilo hinkwaswo; kambe loko ngati yi nga halatiwanga, a ku na ku rivaleriwa ka swidyoho.

Pisalema 20:3

A a anakanye timhamba ta wena hinkwato, A va a amukela magandzelo ya wena!

2 TIKRONIKA 7:1

Kuteloko Solomoni a hetile ku khongela, ndzilo wu xika hi le tilweni, wu hisa holokosta ni magandzelo, kutani ku kwetsima ka Yehovha ku tata yindlu.

1 TIKRONIKA 21:26

Davhida a akela Yehovha alitari kona, kutani a humesa tiholokosta ni magandzelo ya ku khensa, kutani a khongela Yehovha la n'wi hlamulaka hi ndzilo lowu xikeke hi le tilweni ealitarini ya tiholokosta.

1 TIHOSI 18:38

Kavaloko ndzilo wa Yehovha wu wa, wu heta holokosta, ni tihunyi, ni maribye, ni misava; wu phyisa ni mati ya khele.

Levhitika 9:24

Ndzilo wu huma emahlweni ka Yehovha, wu hisa holokosta, ni mafurha ealitarini; tiko hinkwaro ri wu vona, kutani va huwelela hi ku tsaka, va tiwisa ehansi hi mimombo ya vona.

Genesa 15:17

Kuteloko dyambu ri perile, ku wa munyama; kutani maswivo, khele leri pfurhaka, ni swisa leswi pfurhaka swi hundza exikarhi ka swilo leswi avanyisiweke.

Nhlavutelo 13:8

Kutani hinkwavo lava akeke emisaveni va ta, va ta xi gandzela, lava mavito ya vona ma nga tsariwangiki ebukwini ya vutomi ya Xinyimpfana lexi tlhaviweke, ka hari mpfhuka misava yi tumbuluka.

Vaavanyisi 6:21

Kutani ntsumi ya Yehovha yi kombeta hi yinhla va nhonga leyi, ngi yi ri evokweni ra yona, yi khumba nyama ni swinkwa leswi nga riki na comela kwalaho ku huma ndzilo eribyeni wu hisa nyama ni swinkwa leswi nga riki na comela, kutani ntsumi ya Yehovha yi suka eka yena.

Tinhlayo 18:12

Ndzi ku nyika ni swirhangana leswi va nga ta swi tisa eka Yehovha, swi ri leswo saseka hinkwaswo swa mafurha, ni leswo saseka hinkwaswo swa vhinyo ni swa mavele.

Tinhlayo 16:35

Kutani ndzilo wu huma eka Yehovha, wu heta vanhu va 250, lava humeseleke mirhi ya risuna.

1 TIHOSI 18:24

Kutani mi ta khongela xikwembu xa n'wina, na mina ndzi ta khongela Yehovha; kutani xikwembu lexi nga ta hlamula hi ndzilo hi xona Xikwembu.” Tiko hinkwaro ri hlamula, ri ku: “Hi swona.”

Genesa 4:3

Endzhaku ka masiku man'wana, Kayini a humesela Yehovha nhlengo wa mihandzu ya misava.

Tinhlayo 16:15

Muxe a kariha ngopfu, kutani a ku eka Yehovha: “U nga ka u nga amukeli nhlengo wa vona! A ndzi va tekelanga mbhongolo ni yin'we; a ndzi dyelelanga ni un'we wa vona.”

1 SAMIELE 15:22

Samiele a ku: “Xana Yehovha u tsakisiwa hi tiholokosta ni magandzelo ku fana ni loko va yingisa rito ra Yehovha xana? Waswivo! Ku yingisa ku tlula magandzelo; ku hlayisa rito ra yena, ku tlula mafurha ya tinyimpfu.

Eklesiasta 4:4

Kambe ndzi tsundzukile ntirho hinkwawo ni ntirho wihi ni wihi lowu nga ni vutlhari, kutani ndzi vonile leswaku munhu un'wana u ni mona eka un'wana. Na swona i swahava ni ku landza mheho.