Genesa 4:20 - Xitsonga (Bibele)

²⁰ Ada a veleka Yabala; hi yena loyi a nga tata wa lava hanyaka emitsongeni va ri ni mitlhambi.

BIBELE Mahungu Lamanene

²⁰ Kutani Ada a veleka Yabala, tata wa vafuwi lava tshamaka emintsongeni.

Genesa 4:20 Referans Kwoze

Vaheveru 11:9

Hi ku pfumela, u tshamile a ri muluveri etikweni leri a ri tshembisiweke, a tshama emitsongeni na Isaka, na Yakobo, lava ingi va ri vadyandzhaka swin'we na yena va ku tshembisa ku ri kun'we.

Yohane 8:44

N'wina mi huma eka tata wa n'wina a nga Diyavulosi, kutani mi rhandza ku endla ku navela ka tata wa n'wina. A a ri mudlayi ni le ku sunguleni, a nga tshamanga entiyisweni, hikuva a ku na ku tshembeka eka yena. Loko a vulavula mavunwa, a tisungulela swa yena, hikuva i muhembi ni tata wa mavunwa.

Genesa 25:27

Kutani varisanyana lavo va tshama va kula. Esawu a endla muhloti lowo tlhariha, a ri munhu wa nhova, kasi Yakobo a a ri munhu wo rhula, la tshamaka emitsongeni.

Genesa 4:21

Vito ra ndzisana ya yena a a ri Yubala, hi yena loyi a nga tata wa hinkwavo lava yimbaka magupu ni tinanga.

Genesa 4:2

A engeta a veleka ndzisana ya yena Avele; Avele a a ri murisi; Kayini, yena, a a rima misava.

Genesa 4:19

Kutani Lameke a teka vasati vambirhi, vito ra un'wana a a ri Ada, ni vito ra un'wana a a ri Sila.