Genesa 39:6 - Xitsonga (Bibele)

⁶ Kutani swilo hinkwaswo swa yena a swi siya emavokweni ya Yosefa, a nga ha tikarhati hi nchumu swa yena, loko swi nga ri swakudya leswi a swi dyaka ntsena. Kambe Yosefa a a ri ni nghohe leyo saseka, ni mombo lowunene.

BIBELE Mahungu Lamanene

⁶ Kutani Potifaro a veka swilo swa yena hinkwaswo emavokweni ya Yosefa. Loko Yosefa a ri kona, Potifaro a a nga ha tikarhateli nchumu, ehandle ka swakudya leswi a a dya swona. Yosefa a a ri mpohlo, jaha ra xiyimo xo saseka.

Genesa 39:6 Referans Kwoze

Swivuriso 31:11

Mbilu ya nuna wa yena ya n'wi tshemba, A nga ka a nga pfumari ndzalo.

1 SAMIELE 16:12

Kavaloko Yese a rhuma ku ya n'wi vita. A a ri wa ribungwanyana, mahlo ya yena a ma sasekile, ni nghohe ya yena a yi sasekile. Yehovha a ku eka Samiele: “Pfuka u n'wi chela hi mafurha, hikuva hi yena loyi.”

Genesa 29:17

Leya a a ri ni mahlo ya tingana, kambe Rahele a a yimekile, a sasekile, a voniseka.

Luka 19:17

Kutani a ku eka yena: ‘Hi swona, nandza lonene; leswi u tshembekeke hi xilo lexitsongo, u ta fuma miti ya khume.’

Timhaka 7:20

“Enkarhini lowu, ku velekiwa Muxe; a va n'wana la sasekeke emahlweni ka Xikwembu; kutani a wundliwa hi tin'hweti tinharhu endlwini ya tata wa yena.

Luka 16:10

La dzunekaka eka leswitsongo, ni ka leswikulu u ta dzuneka; la nga dzunekiki eka leswitsongo, ni ka leswikulu a nga ka a nga dzuneki.

Genesa 43:32

Kutani va n'wi phamela hitlhelo, ni Vaegipta lava ngi va dya na vona, va va phamela hitlhelo, hikuva Vaegipta a va dyi ni Vaheveru, hikuva swi bihile eka Vaegipta.

Genesa 39:23

N'wini wa khotso a a nga ha langutisi nchumu eka swilo hinkwaswo leswi ngi swi ri emavokweni ya Yosefa, hikuva Yehovha a a ri na yena; ni leswi a swi endlaka, Yehovha a a swi katekisa.

Genesa 39:8

Kambe a ala, a ku eka nsati wa n'wini wa yena: “Wa swi vona, n'wini wa mina a nga tikarhati hi leswi nga swa mina endlwini; hinkwaswo leswi a nga na swona, u swi vekile emavokweni ya mina;

Genesa 39:4

Hi mukhuva wolowo, Yosefa a kuma tintswalo emahlweni ka yena hi ku n'wi tirhela; kutani n'wini wa yena a n'wi veka ku va muhlayisi wa yindlu ya yena, a veka evokweni ra yena hinkwaswo leswi i ngi a ri na swona.

1 SAMIELE 17:42

Kuteloko Mufilista u vonile Davhida, a n'wi sandza hikuva a a ri ntsongo, a a ri wa ribungwanyana, a sasekile emahlweni.