Genesa 39:23 - Xitsonga (Bibele)

²³ N'wini wa khotso a a nga ha langutisi nchumu eka swilo hinkwaswo leswi ngi swi ri emavokweni ya Yosefa, hikuva Yehovha a a ri na yena; ni leswi a swi endlaka, Yehovha a a swi katekisa.

BIBELE Mahungu Lamanene

²³ Mulanguteri wa khotso a a nga ha tikarhateli nchumu eka leswi a swi ri emavokweni ya Yosefa, hikuva HOSI Xikwembu a xi ri na Yosefa, kutani a a kateka emintirhweni ya yena hinkwayo.

Genesa 39:23 Referans Kwoze

Esaya 43:2

Loko u pela mati, ndzi ta va na wena, ni milambu yi nga ka yi nga ku nwerisi. Loko u famba endzilweni u nga ka u nga tshwi, ni langavi ri nga ka ri nga ku hisi.

Pisalema 1:3

U fana ni murhi lowu simekiweke kusuhi ni milambu ya mati, Lowu tswalaka mihandzu ya wona hi nkarhi wa wona, Lowu matluka ya wona ma nga omiki: Hinkwaswo leswi a swi endlaka swi ta kateka.

Daniele 6:22

Xikwembu xa mina xi rhumile ntsumi ya xona, yi sivile milomu ya tinghala leswaku ti nga tshuki ti ndzi endla nchumu, hikuva ndzi kumiwile ndzi nga ri na nandzu emahlweni ka xona; ni le mahlweni ka wena, hosi, a ndzi dyohanga nchumu.”

1 SAMIELE 2:30

Hikwalaho-ke Yehovha, Xikwembu xa Israele, u vula sweswo, a ku: ‘A ndzi vurile leswaku yindlu ya wena ni yindlu ya tata wa wena yi ta famba emahlweni ka mina hilaha ku nga heriki,’ kambe sweswi, Yehovha u vurisa, a ku: ‘A swi ve kule na mina! Hikuva ndzi ta dzunisa lava ndzi dzunisaka, kambe lava ndzi sandzaka va ta tsongahatiwa.

Genesa 39:8

Kambe a ala, a ku eka nsati wa n'wini wa yena: “Wa swi vona, n'wini wa mina a nga tikarhati hi leswi nga swa mina endlwini; hinkwaswo leswi a nga na swona, u swi vekile emavokweni ya mina;

Genesa 39:20

Kutani n'wini wa Yosefa a n'wi khoma, a n'wi hoxa endlwini ya khotso, exivandleni lexi lava bohiweke hi hosi va khotsiwaka eka xona; kutani a tshama kona ekhotsweni.