Genesa 39:21 - Xitsonga (Bibele)

²¹ Kambe Yehovha a va na Yosefa, a n'wi endla hi nsovo, a n'wi kumisa tintswalo emahlweni ka n'wini wa khotso.

BIBELE Mahungu Lamanene

²¹ Kambe HOSI Xikwembu xi va na Yosefa, xi n'wi komba tintswalo leto tshembeka, xi endla leswaku mulanguteri wa khotso a n'wi tsakela.

Genesa 39:21 Referans Kwoze

Eksoda 3:21

“Ndzi ta endla leswaku tiko leri ri kuma tintswalo eka Vaegipta; kutani kutakuloko mi famba, mi nga ka mi nga fambi ntsena,

Esaya 41:10

U nga chavi, ndzi na wena. U nga tshuki hikuva ndzi Xikwembu xa wena. Ndza ku tiyisa, ndza ku lwela, ndzi ku khoma hi voko ra mina ra xinene leri hlulaka.

1 Petro 3:17

Hikuva loko ku ri ku rhandza ka Xikwembu leswaku mi twisiwa ku vava, swi nga tlula hi loko mi ku yingisela mi ri karhi mi endla swinene ku nga ri ku endla swo biha.

Daniele 1:9

Kavaloko Xikwembu xi kumisa Daniele tintswalo ni musa eka ndhuna ya vatsheniwa.

Eksoda 12:36

Kambe Yehovha a katekisa tiko emahlweni ka Vaegipta, leswaku va va nyika. Kutani va tekela Vaegipta.

Esaya 43:2

Loko u pela mati, ndzi ta va na wena, ni milambu yi nga ka yi nga ku nwerisi. Loko u famba endzilweni u nga ka u nga tshwi, ni langavi ri nga ka ri nga ku hisi.

Pisalema 105:19

Ku fikela nkarhi lowu timhaka leti a ti vuleke ti humelelaka, Kutani rito ra Yehovha ri n'wi ringa.

Eksoda 11:3

Kambe Yehovha a tsetselerise tiko eka Vaegipta; na yena Muxe a a ri munhu lonkulu ngopfu etikweni ra Egipta, emahlweni ka malandza ya Faro, ni le mahlweni ka tiko.

Genesa 39:2

Kutani Yehovha a va na Yosefa; a a ri munhu wa nkateko; a tshama endlwini ya n'wini wa yena.

Genesa 21:22

Enkarhini wolowo, Abimeleke na Pikolo, ndhuna ya nyimpi ya yena, a vulavula na Abrahama a ku: “Xikwembu xi na wena eswilweni hinkwaswo leswi u swi endlaka.

Swivuriso 16:7

Yehovha loko a tsakisiwa hi ku famba ka munhu, U twananisa na yena hambi va ri valala va yena.

Genesa 40:3

kutani a va nyiketa leswaku va hlayisiwa endlwini ya hosi ya valanguteri, ekhotsweni laha Yosefa a a bohiwile kona.

Varhoma 8:37

Kambe eka leswo hinkwaswo, hi hlula hi ku tlurisa ha loyi a hi rhandzeke.

Daniele 6:22

Xikwembu xa mina xi rhumile ntsumi ya xona, yi sivile milomu ya tinghala leswaku ti nga tshuki ti ndzi endla nchumu, hikuva ndzi kumiwile ndzi nga ri na nandzu emahlweni ka xona; ni le mahlweni ka wena, hosi, a ndzi dyohanga nchumu.”

Pisalema 106:46

A va pfuxela tintswalo eka hinkwavo lava va va boheke, Lava ngi va ri vakhomiwa eka vona.

Pisalema 105:22

A a ri ni matimba ya ku boha tihosana ta yena, Ni ku dyondzisa vutlhari eka vakulukumba.

Genesa 39:3

Kutani n'wini wa yena a vona leswaku Yehovha a a ri na yena, ni leswaku hinkwaswo leswi a swi endlaka, Yehovha a a n'wi katekisela swona evokweni ra yena.

Genesa 39:4

Hi mukhuva wolowo, Yosefa a kuma tintswalo emahlweni ka yena hi ku n'wi tirhela; kutani n'wini wa yena a n'wi veka ku va muhlayisi wa yindlu ya yena, a veka evokweni ra yena hinkwaswo leswi i ngi a ri na swona.