Genesa 38:2 - Xitsonga (Bibele)

² Kutani Yuda a vona kona n'wana wa wanhwana wa munhu wa Mukanana la vuriwaka Xuwa, a n'wi teka, a ya eka yena.

BIBELE Mahungu Lamanene

² Kuteloko Yuda a ri kwale, o vona nhwanyana un'wana, n'wana wa Mukanana loyi a va ku i Xuwa. Kutani Yuda a teka nhwanyana loyi, a va nsati wa yena,

Genesa 38:2 Referans Kwoze

1 TIKRONIKA 2:3

Vana va xinuna va Yuda: Ere, Onani, Xela; lavanharhu va tswaleriwe yena hi Bata-Xuwaka, wa Mukanana. Ere, mativula ya Yuda, a a ri lowo biha emahlweni ka Yehovha, kutani Yehovha a n'wi dlaya.

Genesa 24:3

ndzi ku hlambanyisa ha Yehovha Xikwembu xa tilo, ni Xikwembu xa misava, leswaku u nga ka u nga tekeli n'wana wa mina nsati exikarhi ka vanhwana va Vakanana, volavo ndzi akeke exikarhi ka vona;

2 Vakorinto 6:14

Mi nga rhwaleni mpingu wun'we ni lava nga pfumeriki; hikuva ku hlangana ku kwihi exikarhi ka ku lulama ni ku homboloka? Kumbe ku vonakala ku ni ku hlangana kwihi ni munyama?

2 SAMIELE 11:2

Siku rin'wana, nimadyambu Davhida a pfuka ebyetlelweni bya yena, a fambafamba elwangwini ra yindlu ya hosi, kutani a vona a ri elwangwini wansati la hlambaka; wansati loyi, a a sasekile ngopfu.

Vaavanyisi 16:1

Kutani Samsoni a ya eGaza, a vona kona nsati wa mbiri, a ya eka yena.

Vaavanyisi 14:2

Kutani a tlhela, a tivisa tata wa yena ni mana wa yena, a ku: “Ndzi vonile wansati exikarhi ka vanhwanyana va Vafilista, eTimina, mi ndzi tekela yena sweswi, a va nsati wa mina.”

Genesa 46:12

Vana va Yuda: Ere, na Onani, na Xela, na Perese na Zera; kambe Ere na Onani a va fele etikweni ra Kanana. Vana va Perese a a ri Hesironi na Hamula.

Genesa 34:2

Kutani Xikeme, n'wana Hamoro, wa Muhivhi, hosi ya tiko, a n'wi vona, a n'wi khoma, a etlela na yena, a n'wi onha.

Genesa 6:4

Emikarhini yeleyo a ku ri kona emisaveni vanhu va swihontlovila. Loko vana va Xikwembu va yile eka vanhwana va vanhu, va kuma vana ha vona. Hi tona tinhenha leti nga twakala ngopfu khale.

Genesa 6:2

vana va Xikwembu va vona leswaku vanhwanyana va vanhu va sasekile, kutani va titekela eka vona vasati exikarhi ka hinkwavo lava va nga va hlawula.

Genesa 3:6

Wansati, kuteloko a vona leswaku murhi a wu nandziha, ni leswaku wu navetisa mahlo, ni leswaku wu navetisa ku tlhariha, a kha mihandzu ya wona, a dya, a nyika ni nuna wa yena loyi ngi a ri na yena, kutani a dya.

Tinhlayo 26:19

Vana va Yuda: Ere na Onani; Ere na Onani va file etikweni ra Kanana.

Genesa 28:1

Kavaloko Isaka a vitana Yakobo, a n'wi katekisa, a n'wi lerisisa sweswo, a ku: “U nga tshuki u teka nsati exikarhi ka vanhwana va Kanana.