Biblia Todo Logo
Bib sou entènèt

- Piblisite -




Genesa 37:4 - Xitsonga (Bibele)

4 Kuteloko vamakwavo va vona leswaku tata wa vona u n'wi rhandza ku tlurisa vamakwavo hinkwavo, va n'wi venga, va nga vulavuri na yena hi ku tsaka.

Gade chapit la Kopi

BIBELE Mahungu Lamanene

4 Kuteloko vamakwavo va vona leswaku tata wa vona ú rhandza Yosefa ku tlula vona hinkwavo, va sungula ku n'wi venga, va nga ha vulavuli na yena hi ndlela leyinene.

Gade chapit la Kopi




Genesa 37:4
19 Referans Kwoze  

Kutani Esawu a venga Yakobo hikwalaho ka ku katekisiwa loku tata wa yena a nga n'wi katekisa hakona. Esawu a ku embilwini ya yena: “Masiku ya nkosi wa tatana ma kusuhi, kutani ndzi ta dlaya Yakobo, makwerhu.”


Kungakuloko un'wana a ku: “Ndzi rhandza Xikwembu,” kasi a venga makwavo, u ni vunwa; hikuva la nga rhandziki makwavo loyi a n'wi vonaka, a nga swi tivisa ku yini ku rhandza Xikwembu lexi a nga xi voniki?


hi nga kotisi Kayini la ngi a ri wa lowo biha, kutani u dlele makwavo. Kutani u n'wi dlayele yini xana? Hikuva mitirho ya yena a yi ri leyo biha; kasi ya makwavo a yi lulamile.


Kambe la vengaka makwavo u le munyameni, na swona u famba emunyameni, kutani a nga tivi laha a yaka kona, hikuva munyama wu dlele mahlo ya yena.


Va andzile ku tlula misisi ya nhloko ya mina Lava ndzi vengaka ntsena; Va ni matimba lava lavaka ku ndzi dlaya, Lava nga valala va mina, hambi ndzi nga ri na nandzu eka vona; Ndzi fanele ku tlherisa leswi ndzi nga swi yivangiki.


Kambe hosi ya yena, Eliyabu, a n'wi yingisa loko a vulavula ni vanhu lava, kutani a karihela Davhida ngopfu, a ku eka yena: “Xana u tele yini kwala, u siye na mani tinyimpfunyana leti nga kole mananga? Ndza tiva ku tikurisa ka wena, ni vutlhari bya mbilu ya wena. U tile ku ta vona nyimpi!”


Kutani Yosefa a lorha norho, a byela vamakwavo, kutani va engeta ku n'wi venga ngopfungopfu.


kambe a nga langutanga hi ku tsaka Kayini, ni nhlengo wa yena; kutani Kayini a kariha ngopfu, ni mombo wa yena wu khanyana.


Hikuva, na hina, khale a hi hungukile, hi ri lava alaka ku yingisa, lava lahlekeke, lava fumiwaka hi ku navela, ni ku titsakisa loko tala; lava hanyaka emoneni ni le makwangeni, lava faneleke ku vengiwa, ni lava venganaka.


Kambe valala va mina va hanya va ni matimba; Lava ndzi vengaka ntsena va tele.


Va n'wi pfukile, va n'wi hoxetela hi miseve, Vatlhonyi va n'wi karhata hi rivengo ra vona;


Kutani vamakwavo va n'wi xondzolota; kambe tata wakwe a anakanya timhaka teto, a ti hlayisa.


Hikwalaho ku vonakalaka lava nga vana va Xikwembu, ni lava nga vana va Diyavulosi. Un'wana ni un'wana la nga endliki swo lulama, a hi wa Xikwembu, kukotisa loyi a nga rhandziki makwavo.


Hikuva loko va ri varikwenu ni va yindlu ya tata wa wena, va ku xisa, kutani, na vona, va ku dzumadzumela hi rito lerikulu; ni loko va ku byela marito ya ku nandziha, u nga tshuki u va pfumela.


Ni yindlu loko yi hambene hi le xikarhi ku tilwisa, yindlu yoleyo yi nga ka yi nga tiyi.


Swiv nou:

Piblisite


Piblisite